រាជធានីភ្នំពេញ ៖ ដីស្នាក់ការប៉ុស្តិ៍នគរបាលរដ្ឋបាលព្រែកលៀប ខណ្ឌជ្រោយចង្វារ ដែលជាដីត្រូវប៉ាន់ ត្រូវបានគេលួចខ្សឹបប្រាប់ថា មានក្រុមហ៊ុនលួចរត់ការទិញយកបាត់ទៀតហើយ ក្រោមរូបភាពដោះដូរ
«យកឆ្នាំងមាសដូរយកឆ្នាំងស្ពាន់» សល់លុយចែកគ្នា ហើយគ្រោងនឹងដេញមន្ត្រីនគរបាលចេញពីទីតាំងនោះទៅនៅទីតាំងថ្មី ដែលជាផ្ទះល្វែងមានកម្ពស់២ជាន់នៅបុរីប៊ុន ជេស្ឋ ដែលស្ថិតនៅភូមិព្រែកលៀប ដែលបានទិញទុកជាស្រេចហើយ ។ ទោះបីជាយ៉ាងនគរបាល ប៉ុស្តិ៍ ពុំទាន់បានចំណែកនៅឡើយនោះទេកំពុងជ្រួល ។
តាមព័ត៌មានបានអោយដឹងថា ដីស្នាក់ការនគរបាលប៉ុស្តិ៍ព្រែកលៀបនោះ ត្រូវបានគេដឹងថា ក្បាលដីមានទំហំប្រមាណ២៨ម៉ែត្រ គុណ៣០ម៉ែត្រ ព្រមទាំងចំណីទន្លេមេគង្គជាច្រើនម៉ែត្រទៀត មានតម្លៃទីផ្សារជិត២លានដុល្លារ ស្ថិតនៅស្របតាមមាត់ទន្លេមេង្គក្នុងភូមិព្រែកលៀប សង្កាត់ព្រែកលៀប ។ ដីនេះ ដែលអាចធ្វើកន្លែងលំហែកាយ សម្រាប់អ្នកមានស្តុកស្តម្ភហើយក៍ជាដីត្រូវប៉ាន់ ដែលក្រុមហ៊ុន និងអ្នកមានព្យាយាមរកខ្សែពួររត់ការលេបត្របាក់យកជាយូរមកហើយ ទើបបានសម្រេច ប្រហែលជាមានខ្នងក្រាស់ៗហើយមើលទៅ។
តាមព័ត៌មានអោយដឹងថា ថ្មីៗនេះមានការភ្ញាក់ផ្អើលដល់មន្ត្រីនគរបាលប៉ុស្តិ៍ បន្ទាប់ពីក្រុមហ៊ុនយកឯកសារដោះដូរមកបង្ហាញព្រមទាំងចរាចារប្រជាលរដ្ឋមួយគ្រួសារ ដែលបានរស់នៅតាំងពីស្នាក់ការប៉ុស្តិ៍ នៅជាមណ្ឌលសុខភាពស្រុកមុខកំពូល អោយចាក់ចេញជាថ្នូរប្រាក់៤ម៉ឺនដុល្លារ ។ តាមព័ត៌មានអោយដឹងទៀតថា ក្រុមហ៊ុនដែលមានភ័ព្វសំណាង គឺក្រុមហ៊ុនឡុង ម៉ា អ៊ិនវេសអេន រៀល អ៊ីស្ទេច ដែលគេអះអាងថា ជាក្រុមហ៊ុនមួយ ដែលមានខ្សែពួរធំៗ ។ កោះសន្តិភាពមិនទាន់បានសុំការបំភ្លឺពីក្រុមហ៊ុន ឡុង ម៉ា បាននៅឡើយទេ ម្សិលមិញនេះ ។
ព័ត៌មានពិស្តារនឹងមានផ្សាយជូននៅកាសែតកោះសន្តិភាព ។
ចែករំលែកព័តមាននេះ