រាជធានីភ្នំពេញ ៖ មានការចាប់អារម្មណ៍យ៉ាងខ្លាំង ក្រោយពេលទស្សនាការសម្តែងរបស់កូនស្រី លោកសេវិន ហ្វីលីព ប្រកបដោយភាពប៉ិនប្រសព្វរហូតធ្វើឱ្ អ្នកមើលយល់ថា កូនស្រីរបស់លោកមិនអន់នោះទេ កំពុងដុះដាលក្នុងសិល្បៈជំនាន់ក្រោយ។…
រាជធានីភ្នំពេញ ៖ មានការចាប់អារម្មណ៍យ៉ាងខ្លាំង ក្រោយពេលទស្សនាការសម្តែងរបស់កូនស្រី លោកសេវិន ហ្វីលីព ប្រកបដោយភាពប៉ិនប្រសព្វរហូតធ្វើឱ្ អ្នកមើលយល់ថា កូនស្រីរបស់លោកមិនអន់នោះទេ កំពុងដុះដាលក្នុងសិល្បៈជំនាន់ក្រោយ។
អ្វីដែលសំខាន់នោះ មួយក្រុមគ្រួសាររបស់លោក សុទ្ធតែជាអ្នកសិល្បៈមានស្នាដៃដូចៗគ្នា។ កូនស្រីរបស់លោក សេវិន ហ្វីលីព មានវ័យ១៧ឆ្នាំ ឈ្មោះយោធិន វិរីយ៉ា ដែលមានមុខស្រដៀងឪពុក។ កូនស្រីរបស់លោកមាននិស្ស័យសិល្បៈតាំងពីកុមារ កាត់តាមម្តាយផង និងឪពុកផង។ ក្នុងសមាជិកគ្រួសាររបស់លោកហ្វីលីព គឺជាអ្នកសិល្បៈ ដោយក្នុងនោះប្រពន្ធរបស់លោក គឺអ្នកនាង សែម ឆវី ជាពិធីការិនីថ្នាក់ជាតិ និងជាតួសម្តែង នៅមានកូនប្រុសច្បងម្នាក់ទៀត ដែលធ្លាប់ថតស្បតបានប៉ុន្មានស្បតរួចមកហើយ។
លោកហ្វីលីពនិយាយថា កូនស្រីរបស់លោកចេះសម្តែងតាំងពីតូច ប្រហែលមានឈាមជ័រកាត់តាមលោក និងម្តាយហើយ។ លោកចេះទប់ទាន់កុំអី លង់សិល្បៈយូរហើយ ដោយក្នុងនាមជាអាណាព្យាបាលចង់ឱ្យកូនរៀនសូត្រយកចំណេះពិតមួយសិន ចំណែកសិល្បៈជាជំហានទី២។
បើតាមកញ្ញា យោធិន វិរីយ៉ា កូនស្រីលោក សេវិន ហ្វីលីព បានឱ្យដឹងថា សប្បាយចិត្តដែលបានបម្រើការងារក្នុងសិល្បៈកាត់ទៅតាមម៉ាក់ និងលោកប៉ា។ នាងមានស្នាដៃមួយរឿងហើយក្នុងខ្សែភាពយន្ត ។ ជាពិសេសនាងចង់ចូលរួមរកប្រាក់ចំណូលក្នុងគ្រួសារហើយផលិតកម្មទាំងអស់អាចហៅក្រុមគ្រួសារ នាងទៅសម្តែងក៏បាន ព្រោះទទួលយកទាំងអស់។ (កែសម្រួលដោយ ៖ បុប្ផា)
ចែករំលែកព័តមាននេះ