ខេត្តព្រះសីហនុ ៖ ផ្សែងខ្មៅបានហុយខ្មួលឡើងទៅលើអាកាស កាលពីវេលាម៉ោងប្រមាណ១០និង៣០នាទីព្រឹកថ្ងៃទី៣ ខែធ្នូ ដែលនោះគឺជាអគ្គិភ័យមួយកើតឡើងនៅតំបន់សេដ្ឋកិច្ចពិសេសបិតត្រាំង ស្ថិតក្នុងភូមិពូធឿង ឃុំបិតត្រាំង ស្រុកព្រៃនប់ ។…
ខេត្តព្រះសីហនុ ៖ ផ្សែងខ្មៅបានហុយខ្មួលឡើងទៅលើអាកាស កាលពីវេលាម៉ោងប្រមាណ១០និង៣០នាទីព្រឹកថ្ងៃទី៣ ខែធ្នូ ដែលនោះគឺជាអគ្គិភ័យមួយកើតឡើងនៅតំបន់សេដ្ឋកិច្ចពិសេសបិតត្រាំង ស្ថិតក្នុងភូមិពូធឿង ឃុំបិតត្រាំង ស្រុកព្រៃនប់ ។ ប្រភពីសមត្ថកិច្ចឱ្យដឹងថា សំយាបដែលតសម្រាប់ដាក់ម៉ាស៊ីនសម្ងួតក្តារបន្ទះ(កុងប្លាកេ)នៅក្នុងរោងចក្រ Woodin wood (Cambodia) Co.,ltd ផលិតក្តារបន្ទះ បានត្រូវអគ្គិភ័យបំផ្លាញអស់ទាំងស្រុង ទោះបីជាភ្លាមៗនោះមានរថយន្តពន្លត់អគ្គិភ័យជាច្រើនគ្រឿងទៅជួយអន្តរាគមន៍យ៉ាងណាក៏មិនអាចជួយបាន ព្រោះកន្លែងដែលឆេះសុទ្ធសឹងជាបន្ទះក្តារដែលងាយនឹងឆេះ ។
ក្នុងពេលមានហេតុការណ៍កើតឡើង កម្លាំងអាវុធហត្ថស្រុកព្រៃនប់ សហការជាមួយនគរបាលស្រុក និងកម្លាំងកងទ័ពជើងទឹកមូលដ្ឋានរាម បានជួយអន្តរាគមន៍ដោយប្រើប្រាស់រថយន្តពន្លត់អគ្គិភ័យរបស់បញ្ជាការដ្ឋានកងរាជអាវុធហត្ថខេត្តចំនួន២គ្រឿង របស់អធិការដ្ឋាន នគរបាលស្រុកព្រៃនប់២គ្រឿង របស់មូលដ្ឋានសមុទ្ររាម២គ្រឿង របស់កំពង់ផែស្វយ័ត២គ្រឿង និងរបស់តំបន់សេដ្ឋកិច្ចពិសេស២គ្រឿង ដោយប្រើប្រាស់ទឹកអស់ចំនួន៥៥រថយន្ត ក្នុងការបាញ់ទឹកពន្លត់ភ្លើង ។ ចំណែកកម្លាំងសហការសរុបមានចំនួន១៨១នាក់ ។
ទោះជាយ៉ាងណា គឺជាជោគជ័យមួយដែរដោយបានជួយពន្លត់ភ្លើងមិនឱ្យមានការឆេះរាលដាលបន្តធ្វើឱ្យមានមហន្តរាយធំ ។ ការខូចខាតដោយសារព្រះអគ្គីនេះរួមមានរោងដែកប្រក់ស័ង្កសីទំហំ៨ម៉ែត្រគុណនឹង៤០ម៉ែត្រ ម៉ាសុីនបិទក្តារ១គ្រឿង ឈើសន្លឹក ១០% ។ ពាក់ព័ន្ធនឹងមូលហេតុបណ្តាលឱ្យកើតមានអគ្គិ
ភ័យនេះ បើតាមសមត្ថកិច្ចបញ្ជាក់ថា មកពីម៉ា ស៊ីនចំហុយក្តៅខ្លាំងក៏បណ្តាលឱ្យផ្ទុះឆេះ ។
ទោះជាយ៉ាងណា ការឆេះនេះមិនប៉ះពាល់ដល់ក្នុងរោងចក្រទេ គ្រាន់តែឆេះសំយាបដែលគេធ្វើតចេញពីអគារោងចក្រ សម្រាប់ដាក់ម៉ាស៊ីនចំហុយក្តារបន្ទះ និងរោងដែកប្រក់ស័ង្កសីទំហំ៨ម៉ែត្រគុណនឹង៤០ម៉ែត្រ តែដោយនៅក្នុងនោះផ្ទុកទៅដោយការបន្ទះទើបនាំឱ្យព្រះអគ្គីឆេះខ្លាំងរហូតសមត្ថកិច្ចចម្រុះប្រើប្រាស់ទឹកអស់ជាច្រើនរថយន្ត ដើម្បីពន្លត់អគ្គិភ័យនេះនិងបានរលត់ទៅវិញ នាវេលាថ្ងៃត្រង់ថ្ងៃដដែល ៕
ចែករំលែកព័តមាននេះ