ខេត្តបន្ទាយមានជ័យ ៖ ប្រជាពលរដ្ឋនៅទីនោះក្រៅពីធ្វើស្រែ ពួកគាត់បានឆ្លៀតពេលទំនេរបានដាំដំណាំ បន្លែផ្សេងៗ ដើម្បីបង្កើនសេដ្ឋកិច្ចក្នុងគ្រួសារ ឲ្យមានការរីកចម្រើន ដោយគាត់បានប៉ិកួៈ នៅភូមិកងវ៉ា ស្ថិតក្នុងសង្កាត់កំពង់ស្វាយ…
ខេត្តបន្ទាយមានជ័យ ៖ ប្រជាពលរដ្ឋនៅទីនោះក្រៅពីធ្វើស្រែ ពួកគាត់បានឆ្លៀតពេលទំនេរបានដាំដំណាំ បន្លែផ្សេងៗ ដើម្បីបង្កើនសេដ្ឋកិច្ចក្នុងគ្រួសារ ឲ្យមានការរីកចម្រើន ដោយគាត់បានប៉ិកួៈ នៅភូមិកងវ៉ា ស្ថិតក្នុងសង្កាត់កំពង់ស្វាយ ក្រុងសិរីសោភ័ណ ។
បងប្រុសឈ្មោះ ម៉ាង ម៉ន ជាប្រជាកសិករប្រកបរបរដាំដំណាំបន្លែផ្សេងៗ និងប៉ិកួៈ គាត់រស់នៅភូមិពង្រ ភូមិពង្រ សង្កាត់កំពង់ស្វាយ ក្រុងសិរីសោភ័ណ បានប្រាប់អ្នកយកព័ត៌មាន ដំណាំបន្លែផ្សេងៗគាត់បានដាំប៉ិកួៈ នៅលើផ្ទៃដីសរុប១ហិកតា៥អា ។ ផ្លែល្ពៅគាត់ប្រមូលផលរួចអស់ហើយ ចំណែកសណ្តែកគួ គាត់ប្រមូលផលបណ្តើរៗ និងគ្រោងដាំពោតបន្លែទៀត ។
បងម៉ាង ម៉ន បាននិយាយទៀតថា ប៉ិកួៈឆ្នាំនេះមានតម្លៃថ្លៃជាងបណ្តាឆ្នាំមុនៗ ១គីឡូក្រាម១,០០០រៀល ។ បើគិតពីការដាំដំណាំ និងស្រូវ ដំណាំបានផលច្រើនជាងស្រូវវស្សា តែបើ គិតជាមួយស្រូវប្រាំចាញ់ស្រូវប្រាំងវិញ ។
គាត់បញ្ជាក់ថា អ្វីដែលលំបាក គឺនៅពេលប៉ិកួៈ បានផល ឬក៏ពោតបានផល ក្រុមក្មេងទាំងស្រី ទាំងប្រុសមកលួចដក ពិសេស គឺពួកក្រុមប្រើប្រាស់គ្រឿងញៀន ។
ចំណែកលោកពូ ចក់ និងបងស្រីណូរី នៅភូមិពង្រ សង្កាត់កំពង់ស្វាយនេះដែរ ដែលជាអ្នកស៊ីឈ្នួលដាំជួសគ្រាប់ប៉ិកួៈ និងជាអ្នកកាត់ស៊ីឈ្នួល កាត់ត្រួយ និងផ្កាប៉ិកួៈបានឲ្យដឹងថា ពួកគាត់ស៊ីឈ្នួលដោយក្នុង១ថ្ងៃបានតម្លៃ២ម៉ឺន៥ពាន់រៀល ៕ កែសម្រួលដោយ ៖សុឃាក់
ចែករំលែកព័តមាននេះ