អំពើល្អរមែងស្ថាបនាមនុស្សដែលធ្លាប់តែអន់ថយទន់ទាប ដោយត្រកូល ឬដោយទ្រព្យជាដើម ឲ្យបានជាមនុស្សប្រសើរខ្ពង់ខ្ពស់ រហូតដល់ទេវតា ឥន្ទ្រ ព្រហ្មប្រណម្យអញ្ជលីសំពះថ្វាយបង្គំទៀតផង ។
ផលនៃសុចរិតកម្មមិនបានឃ្លាតចាកពីលោកនេះទៅឡើយ មានតែសត្វលោកទេ ដែលចេះតែលះបង់នូវអំពើល្អចោល ។ កុសលធម៌មានអានុភាពរកអ្វីប្រៀបពុំបានឡើយ សូមឲ្យមានការទុកចិត្តចំពោះសេចក្តីល្អចុះ ប្រសើរជាងការទុកចិត្តក្នុងអ្វីៗទាំងអស់នៅលើលោកនេះ ។
ហេតុនេះទើបព្រះបរមគ្រូបានទេសនាអប់រំឲ្យបរិស័ទតម្កល់ខ្លួនដោយប្រពៃ គឺតម្កល់ខ្លួនក្នុងគុណធម៌ ឬឲ្យតាំងព្រះធម៌នៅក្នុងខ្លួនជានិច្ចនិរន្តរ៍ បើទោះបីភប់ប្រសព្វនូវសេចក្តីទុក្ខលំបាកយ៉ាងណា ក៏កុំចោលសេចក្តីល្អឱ្យសោះ ព្រោះព្រះធម៌តែងធ្វើចិត្តឲ្យបានស្ងប់ ជីវិតបានសុខសាន្ត ។ ដោយសាន សារិន
ចែករំលែកព័តមាននេះ