ADផ្ទាំងផ្សព្វផ្សាយពាណិជ្ជកម្ម

ភ្លើងឆេះព្រៃក្នុងដីឡូត៍មួយកន្លែងផ្អើលខណ្ឌឫស្សីកែវ

4 ឆ្នាំ មុន

ភ្នំពេញ
០៣ ខែ ធ្នូ ឆ្នាំ ២០១៩ ម៉ោង ១៧:២៩

រាជធានីភ្នំពេញ ៖ ព្រៃត្រែងនៅក្នុងដីឡូត៍ទុកចោលមួយកន្លែងត្រូវបានអគ្គីភ័យឆាបឆេះបង្កអោយមានការភ្ញាក់ផ្អើលដល់ប្រជាពលរដ្ឋ និងអាជ្ញាធរ សមត្ថកិច្ចហៅរថយន្តពន្លត់អគ្គីភ័យទៅបាញ់ពន្លត់ខ្លាចភ្លើងបានឆេះរាលដាលដល់លំនៅឋានប្រជាពលរដ្ឋនៅក្បែរនោះ ។ ទោះបីជាយ៉ាងណា ភ្លើងបានរលត់ទៅវិញ ពុំបណ្តាលអោយឆេះរាលដាល់ដល់លំនៅឋានឡើយ។ ហេតុការណ៍ភ្លើងឆេះព្រៃខាងលើនេះបានកើតឡើងកាលពីវេលាម៉ោងប្រមាណ១និង៤០នាទីរសៀលថ្ងៃទី៣…

ហេតុការណ៍ភ្លើងឆេះព្រៃខាងលើនេះបានកើតឡើងកាលពីវេលាម៉ោងប្រមាណ១និង៤០នាទីរសៀលថ្ងៃទី៣ ខែធ្នូ ឆ្នាំ២០១៩ នៅចំណុចដីឡូត៍មួយកន្លែងតាមមាត់ទន្លេខាងជើងរោងចក្រភេសជ្ជៈមួយកន្លែង ស្ថិតស្ថិតក្នុងភូមិមិត្តភាព ខណ្ឌឫស្សីកែវ ។

តាមប្រភពព័ត៌មានបានអោយដឹងថា មុនពេលកើតហេតុ គេឃើញព្រៃត្រែង និងកូនឈើតូចក្នុងដីឡូតិ៍ មានភ្លើងឆាបឆេះយ៉ាងសន្ធោសន្ធៅ និងរាលដាលយ៉ាងឆាប់រហ័ស ។ ភ្លាមៗនោះប្រជាពលរដ្ឋដែលរស់នៅ ជាប់ដីឡូតិ៍មានការភ្ញាក់ផ្អើល និងភ័យស្លន់ស្លោ ព្រោះខ្លាចភ្លើងឆេះរាលដាលដល់លំនៅឋានរបស់ពួកគាត់ ។ បន្ទាប់មកនគរបាលរួមទាំងអាជ្ញាធរមូលដ្ឋានក៏បានចុះទៅដល់កន្លែងកើតហេតុហៅរថយន្តពន្លត់អគ្គីភ័យចំនួន២គ្រឿងចុះទៅជួយអន្តរាគមន៍បាញ់ពន្លត់។

តាមប្រភពព័ត៌មានបានឱ្យដឹងបន្តថា ខណៈនោះដែរ អាជ្ញាធរក៏បានទាក់ទងរកគ្រឿងចក្រចំនួន២គ្រឿង មកកាយព្រៃ និងដីស្ទាក់កុំអោយភ្លើងឆេះរាលដាលដល់លំនៅឋានរបស់ប្រជាពលរដ្ឋ ហើយភ្លើងបានរលត់ទៅវិញនៅវេលាម៉ោងប្រមាណ២រសៀលក្នុងថ្ងៃដដែល។

ទាក់ទិននឹងការកើតមានអគ្គីភ័យឆេះព្រៃត្រែងខាងលើនេះ ត្រូវបានសមត្ថកិច្ចមានការសង្ស័យថា បណ្តាលមកពីយុវជនមួយក្រុមបានចូលទៅក្នុងព្រៃប្រើប្រាស់គ្រឿងញៀន លុះពេលពួកគេចេញមកវិញក៏កើតមានអគ្គីភ័យឆេះព្រៃតែម្តង ៕ (កែសម្រួលដោយ ៖ ធីតា)