យកលុយទៅធ្វើការឲ្យអ្នក គឺជាដំបូន្មានទូទៅដែលមនុស្សភាគច្រើនតែងតែធ្លាប់ឮ ប៉ុន្តែតើវាមានន័យយ៉ាងដូចម្តេចឲ្យប្រាកដទៅ ? ហើយតើអ្នកត្រូវធ្វើដូចម្តេចទើបអាចធ្វើដូច្នេះបាន ? ប្រាកដណាស់ សំណួរនេះគ្មានចម្លើយងាយមួយទេ ហើយមនុស្សម្នាក់ៗមានវិធីរៀងៗខ្លួនក្នុងការយកលុយទៅធ្វើការឲ្យពួកគេ ។…
យកលុយទៅធ្វើការឲ្យអ្នក គឺជាដំបូន្មានទូទៅដែលមនុស្សភាគច្រើនតែងតែធ្លាប់ឮ ប៉ុន្តែតើវាមានន័យយ៉ាងដូចម្តេចឲ្យប្រាកដទៅ ? ហើយតើអ្នកត្រូវធ្វើដូចម្តេចទើបអាចធ្វើដូច្នេះបាន ? ប្រាកដណាស់ សំណួរនេះគ្មានចម្លើយងាយមួយទេ ហើយមនុស្សម្នាក់ៗមានវិធីរៀងៗខ្លួនក្នុងការយកលុយទៅធ្វើការឲ្យពួកគេ ។ ខាងក្រោមនេះ គឺជាវិធីមួយចំនួនដែលអ្នកអាចសាកល្បងដោយខ្លួនឯងបាន៖
១. បើកគណនីសន្សំដែលឲ្យការប្រាក់ខ្ពស់៖
អ្នកជំនាញតែងផ្តល់យោបល់មកថា មុននឹងយកលុយទៅធ្វើអ្វីមួយ មនុស្សម្នាក់ៗគួរតែទុកលុយសម្រាប់ការចាយវាយរយៈពេល ៦ ខែក្នុងគណនីសន្សំជាមុនសិនដើម្បីជៀសវាងស្ថានការអាសន្នផ្សេងៗ ។ គណនីសន្សំទូទៅឲ្យការប្រាក់តែប្រមាណ ០.០១% ប៉ុណ្ណោះតែស្ទើរតែមិនមានផលចំណេញ ប៉ុន្តែអ្នកអាចចំណេញបានការប្រាក់ដល់ទៅ ១% ប្រសិនបើអ្នកបើកគណនីសន្សំលើប្រព័ន្ធអ៊ីនធើណេត ។
២. ចូលហ៊ុនបើកអាជីវកម្មជាមួយអ្នកដទៃ៖
ការចាប់ផ្តើមអាជីវកម្មមួយដោយខ្លួនឯងអាចនឹងមានហានិភ័យខ្ពស់ ឬអ្នកអាចនឹងមិនមានពេលគ្រប់គ្រាន់ក្នុងការវិនិយោគពេលវេលា និងកម្លាំងលើវាខណៈដែលប្រកបការងារដែលខ្លួនកំពុងមាន ។ ដោយហេតុដូច្នេះ អ្នកអាចចាប់ដៃគូសម្រាប់បើកអាជីវកម្មមួយបាន ។ ទោះជាអ្នកមិនមានសិទ្ធិច្រើនក្នុងការសម្រេចចិត្តពីកិច្ចការក្នុងអាជីវកម្មនោះពិតមែន អ្នកនៅតែអាចរកចំណូលបានពីផលចំណេញនៃអាជីវកម្មនោះដែរ ។
៣. វិនិយោគលើអចលនទ្រព្យ៖
ការវិនិយោគលើផ្ទះសម្រាប់ស្នាក់នៅ គឺជាជម្រើសល្អមួយប្រសិនបើអ្នកមានធនធានច្រើនទុកក្នុងគណនីនិងមិនត្រូវការប្រើប្រាស់ជាបន្ទាន់ ។ ជម្រើសមួយទៀតគឺវិនិយោគលើអចលនទ្រព្យសម្រាប់ជួល មិនថាសម្រាប់ស្នាក់នៅ ឬការប្រកបអាជីវកម្មនានាឡើយ ។ យ៉ាងណាក្តី ចូរចងចាំថា អចលនទ្រព្យសម្រាប់ជួល គឺអាស្រ័យទៅលើទីផ្សារដូច្នេះវាមិនអាចធានាថាអ្នកនឹងអាចចំណេញបានគ្រប់ពេលឡើយ ៕ កែសម្រួលដោយ ៖ សុឃាក់
ចែករំលែកព័តមាននេះ