មនុស្សគ្រប់គ្នាតែងតែមានចំណាប់អារម្មណ៍ទៅលើមហាសេដ្ឋីមិនថា ពួកគេមកពីប៉ែកខាងណានៃពិភពលោកទេ ។ ប៉ុន្តែមានមហាសេដ្ឋីមួយចំនួនដែលមានបុគ្គលិកលក្ខណៈខុសប្លែកពីអ្នកដទៃដែលមានដូចខាងក្រោមនេះ៖
១. លោក ស្ទូវឺដ រ៉ា (Stewart Rahr) ៖
លោក រ៉ា មានទ្រព្យសម្បត្តិសរុបប្រមាណ ២.៣ ប៊ីលានដុល្លារក្នុងឆ្នាំ២០១៩នេះ ហើយលោកមានឈ្មោះហៅក្រៅថា ជាស្តេចលេខមួយក្នុងការលេងសប្បាយ ។ ទ្រព្យសម្បត្តិរបស់លោកត្រូវបានកសាងឡើងពីការលក់ឪសថ ហើយលោកក៏ល្បីក្នុងផ្នែកផ្ញើអ៊ីមែលទៅកាន់មនុស្សដែលមានទ្រព្យសម្បត្តិ អ្នកកាសែត តារាល្បីៗ និងអ្នកនយោបាយដើម្បីនិយាយពីជីវិតរបស់ខ្លួនដែរ ។ កាលពីខែវិច្ឆិកាឆ្នាំ ២០១២ លោកត្រូវបានហាមមិនឲ្យចូលភោជនីយដ្ឋានស៊ូស៊ី Nobu និងត្រូវបានបញ្ជូនទៅគ្លីនិកវិកលចរិកបន្ទាប់ពីត្រូវបានចោទប្រកាន់ថាបានដកកាំភ្លើងនៅក្នុងជណ្តើរយន្តក្នុងអគារ Trump Tower ក្នុងសហរដ្ឋអាមេរិក ។
២. លោក ផល អេឡេន (Paul Allen) ៖
មហាសេដ្ឋីអាយុ ៦៤ ឆ្នាំរូបនេះមានទ្រព្យសម្បត្តិរួមប្រមាណ ២០.៣ ប៊ីលានដុល្លារ ហើយលោកជាសហស្ថាបនិកក្រុមហ៊ុន Microsoft ជាមួយនឹងលោក ប៊ីល ហ្គេតស៍ (Bill Gates) ។ ប៉ុន្តែការចាយវាយរបស់លោកភាគច្រើនបែរជាទៅលើនាវាជិះកម្សាន្ត និងការជប់លៀងធំៗជាច្រើនដែលជួយបរិច្ចាគថវិកាជាច្រើនសម្រាប់ការស្រាវជ្រាវផ្សេងៗ និងការថែរក្សាបរិស្ថានជាដើម ។ នៅឆ្នាំ ២០១៨ មហាសេដ្ឋីរូបនេះបានទទួលមរណភាព ។
៣. អ្នកស្រី ជេខេ រ៉ូលីង (J.K. Rowling) ៖
អ្នកស្រីរ៉ូលីងមានទ្រព្យសម្បត្តិប្រមាណ ១.២ ប៊ីលានដុល្លារក្នុងឆ្នាំនេះ និងជាស្ត្រីដែលរកទ្រព្យសម្បត្តិរាប់ប៊ីលានដុល្លារនេះពីការសរសេរ និងលក់សៀវភៅ Harry Potter ដ៏ល្បី ។ ប៉ុន្តែអ្នកស្រីធ្លាប់បរិច្ចាគប្រមាណ ១៥០ លានដុល្លារសម្រាប់សប្បុរសធម៌ព្រោះអ្នកស្រីធ្លាប់មានបទពិសោធរស់នៅក្រីក្រដែលធ្វើឲ្យអ្នកស្រីមានទស្សនៈពីលុយខុសពីអ្នកដទៃ ៕ កែសម្រួលដោយ ៖ សុឃាក់
ចែករំលែកព័តមាននេះ