រាជធានីភ្នំពេញ ៖ អគ្គលេខាធិការនៃអង្គការសហប្រជាជាតិនិយាយភាសាបារាំំងចង់ឲ្យកម្ពុជាចូលរួមជាមួយគម្រោងច្បាស់លាស់ ដោយពាក់ព័ន្ធនឹងភាសាបារាំង ដើម្បីធ្វើកិច្ចសហប្រតិបត្តិការកាន់តែប្រសើរថែមទៀត ។ យោងតាមបណ្តាញសង្គមហ្វេស ប៊ុក សម្តេចតេជោបានឲ្យដឹងថា ក្នុងជំនួបពិភាក្សាជាមួយសម្ដេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា នាព្រឹកថ្ងៃទី០៣ ខែធ្នូ នៅវិមានសន្តិភាព ។
លោកស្រី ល្វីស មូស៊ីគី វ៉ាបូ (Louise Mushikiwabo) អគ្គលេខាធិការនៃអង្គការអន្តរជាតិនិយាយភាសាបារាំងសកម្មភាពរបស់កម្ពុជា នៅក្នុងអង្គការនិយាយភាសាបារាំង និងមានប្រសាសន៍ថា កម្ពុជាពិតជាមានសកម្មភាពយ៉ាងសកម្មជាទីបំផុត ក្នុងនាមជាបិតាស្ថាបនិកនៃអង្គការនិយាយភាសាបារាំងនេះ ។ ជាមួយគ្នានេះលោកស្រី សូមគោរពថ្លែងអំណរគុណចំពោះសម្តេចតេជោនាយករដ្ឋមន្ត្រី ហើយក៏បានស្នើសុំធ្វើយ៉ាងណាឲ្យកម្ពុជាយើងមានសកម្មភាពកាន់តែខ្លាំងឡើងថែមទៀត នៅក្នុងកិច្ចការងារនេះ ។
ទន្ទឹមនឹងនេះលោកស្រីបន្តថា ដំណើរទស្សនកិច្ចរបស់លោកជំទាវមកចូលរួមក្នុងកិច្ចប្រជុំជាមួយបណ្តាប្រទេសនិយាយភាសាបារាំងនៅពេលនេះ គឺដើម្បីធ្វើយ៉ាងណាជំរុញទំនាក់ទំនងរវាងកម្ពុជា និងអង្គការអន្តរជាតិនិយាយភាសាបារាំងឲ្យមានកិច្ចសហប្រតិបត្តិការកាន់តែខ្លាំងឡើងថែមទៀត ហើយ និងជំរុញនូវគម្រោងទាំងឡាយឲ្យមានភាពជាក់លាក់ ។ លោកស្រីអគ្គលេខាធិការក៏បានស្នើឲ្យកម្ពុជាចូលអនុវត្តគម្រោងដែលមានភាពជាក់លាក់ទាំងឡាយ នោះរួមមាន៖ ១- ការលើកស្ទួយការបង្រៀនភាសាបារាំង ២- ការលើកស្ទួយពាណិជ្ជកម្មរវាង ប្រទេសនិយាយភាសាបារាំង និង ៣- ដើម្បីរៀបចំនូវខួប ទី៥០ឆ្នាំ នៃការបង្កើតអង្គការអន្ត រជាតិនិយាយភាសាបារាំងនេះ នៅឆ្នាំ២០២០ខាងមុខ ។
លើសពីនោះទៅទៀត លោកស្រីក៏បានសម្ដែងនូវការអបអរជូនដល់កម្ពុជាយើងដែលបានប្រែក្លាយពីប្រទេសមួយដែលធ្លាប់ទទួលកងទ័ពមួកខៀវពីអង្គការសហប្រជាជាតិមកជាប្រទេសមួយដែលបញ្ជូនទ័ពទៅជួយក្នុងក្របខណ្ឌក្រោមឆ័ត្រអង្គការសហប្រជាជាតិឡើងវិញ ។
លោកស្រីក៏បានលើកទឹកចិត្តជាថ្មីម្ដងទៀតឲ្យកម្ពុជាយើងចូលរួមកាន់តែខ្លាំងឡើងថែមទៀតក្នុងកិច្ចប្រតិបត្តិការថែរក្សាសន្តិភាពក្រោមឆ័ត្រអង្គការសហប្រជាជាតិ ។ ក្នុងជំនួបនោះដែរសម្ដេចតេជោ ហ៊ុន សែន បានមានប្រសាសន៍ថា កម្ពុជាក្នុងនាមជាស្ថាបនិកមួយនៃការបង្កើតអង្គការអន្តរជាតិនិយាយភាសាបារាំងនេះនឹងបន្តធ្វើសកម្មភាពយ៉ាងសកម្មនៅក្នុងក្របខ័ណ្ឌអង្គការនេះ ហើយកម្ពុជាក៏នឹងចូលរួមរៀបចំខួប៥០ឆ្នាំរបស់អង្គការអន្តរជាតិនិយាយភាសាបារាំងនេះ ។
តាមគោលការណ៍ និងការរៀបចំឡើងរបស់អង្គការនេះនឹងអាចរៀបចំឲ្យនិស្សិតកម្ពុជាដែលរៀនភាសាបារាំងនៅប្រទេសបារាំងរៀបចំសកម្មភាពផ្សេងៗ ដើម្បីចូលរួមអបអរនៅក្នុងខួប ៥០ឆ្នាំនេះផងដែរ ។ សម្ដេចតេជោនាយករដ្ឋមន្ត្រីបានមានប្រសាសន៍លើកឡើងថា ចំពោះកិច្ចសហការរវាងបណ្ដាប្រទេសនិយាយភាសាបារាំងនេះយើងគប្បីណា ពិនិត្យឲ្យបានជាក់លាក់លើគម្រោងមួយចំនួនដែលអាចធ្វើទៅបាន ។ ជាមួយគ្នានេះសម្ដេចតេជោចង់ធ្វើយ៉ាងណាដើម្បីលើកស្ទួយទំនាក់ទំនងលើវិស័យសេដ្ឋកិច្ច វិស័យពាណិជ្ជកម្ម និងវិនិយោគរវាងបណ្ដាប្រទេសនិយាយភាសាបារាំងព្រោះថា ទំនាក់ទំនងនយោបាយ គឺចាប់ផ្ដើមឡើងពីទំនាក់ទំនងសេដ្ឋកិច្ច ៕ កែសម្រួលដោយ ៖ សុឃាក់
ចែករំលែកព័តមាននេះ