រាជធានីភ្នំពេញ ៖ សិប្បកម្មកែច្នៃឈើមួយកន្លែងស្ថិតនៅក្នុងភូមិបាគូត្រូវបានអគ្គីភ័យឆាបឆេះគំនរឈើស្ងួតទុកចោល បន្ទាប់ពីអ្នកជិតខាងផ្សារដែកធ្លាក់កំទេចភ្លើងលើ បង្កការភ្ញាក់ផ្អើលដល់ប្រជាពលរដ្ឋរាយការណ៍ទៅសមត្ថកិច្ចមូលដ្ឋានទាក់ទងហៅរថយន្តពន្លត់អគ្គីភ័យមកបាញ់ពន្លត់ភ្លាមៗផងដែរ ។ ហេតុការណ៍ខាងលើនេះបានកើតឡើងកាលពីវេលាម៉ោង១១និង៤០នាទីយប់ថ្ងៃទី២ ខែធ្នូ នៅសិប្បកម្មកែច្នៃឈើ ស្ថិតក្នុងភូមិបាគូ…
រាជធានីភ្នំពេញ ៖ សិប្បកម្មកែច្នៃឈើមួយកន្លែងស្ថិតនៅក្នុងភូមិបាគូត្រូវបានអគ្គីភ័យឆាបឆេះគំនរឈើស្ងួតទុកចោល បន្ទាប់ពីអ្នកជិតខាងផ្សារដែកធ្លាក់កំទេចភ្លើងលើ បង្កការភ្ញាក់ផ្អើលដល់ប្រជាពលរដ្ឋរាយការណ៍ទៅសមត្ថកិច្ចមូលដ្ឋានទាក់ទងហៅរថយន្តពន្លត់អគ្គីភ័យមកបាញ់ពន្លត់ភ្លាមៗផងដែរ ។
ហេតុការណ៍ខាងលើនេះបានកើតឡើងកាលពីវេលាម៉ោង១១និង៤០នាទីយប់ថ្ងៃទី២ ខែធ្នូ នៅសិប្បកម្មកែច្នៃឈើ ស្ថិតក្នុងភូមិបាគូ សង្កាត់ដង្កោ ខណ្ឌដង្កោ ។
តាមប្រភពព័ត៌មានពីកម្មករសិប្បកម្មកែច្នៃឈើខាងលើបានប្រាប់អោយដឹងថា មុនពេលកើតហេតុ គឺអ្នកជិតខាងបានផ្សារដំបូលដែកឃ្លាំងនៅជាប់របងគ្នា ហើយក៏ខ្ទាតកំទេចភ្លើងធ្លាក់ចូលក្នុងគំនរឈើដែលគរទុកចោល ដែលឈើទាំងនោះ ជាប្រភេទឈើស្ងួត មានដូចជា ដើមចាន់គីរី និងដើមប្រេងខ្យល់ជាដើម បង្កើតជារងើកភ្លើងឆេះហ៊ុយៗនៅក្នុងគំនរឈើទុកចោលនោះ រហូតដល់វេលាម៉ោងជាង១១យប់ថ្ងៃដដែល ទើបឆាបឆេះឡើងជាអណ្ដាតភ្លើងឆេះយ៉ាងសន្ធោសន្ធៅតែម្ដង បង្កការភ្ញាក់ផ្អើលដល់ប្រជាពលរដ្ឋរាយការណ៍ទៅសមត្ថកិច្ចមូលដ្ឋាន ទាក់ទងហៅរថយន្តពន្លត់អគ្គីភ័យខាងក្រុមហ៊ុនស្រាបៀរមួយមកជួយអន្តរាគមន៍បាញ់ពន្លត់ភ្លាមៗផងដែរ ។
ក្នុងប្រតិបត្តិការពន្លត់អគ្គិភ័យខាងលើនេះ សមត្ថកិច្ចប្រើប្រាស់រថយន្ដពន្លត់អគ្គីភ័យអស់ចំនួន៤គ្រឿង ក្នុងហេតុការណ៍នេះមិនបណ្តាលអោយឆេះឆ្លងរាលដាលដល់ផ្ទះអ្នកជិតខាង ឬក៏បង្កឲ្យនរណាម្នាក់រងរបួសឡើយ គឺឆេះខូចខាតតែកំណាត់ឈើដែលគរទុកចោលមួយផ្នែកតូចតែប៉ុណ្ណោះ ៕ (កែសម្រួលដោយ ៖ ធីតា)
ចែករំលែកព័តមាននេះ