រាជធានីភ្នំពេញ ៖ សម្តេចក្រុមព្រះ នរោត្តម រណឫទ្ធិ នឹងធ្វើជាប្រធានគណបក្សដដែលក្រោយពីគណបក្សខ្មែររួបរួមជាតិ និងគណបក្សហ្វុ៊ន ស៊ិនប៉ិច ធ្វើសមាជច្របាច់បញ្ចូលគ្នាទៅជាគណបក្សមួយ នៅថ្ងៃទី២៣ ខែធ្នូ ឆ្នាំ២០១៩ខាងមុខ។ នេះបើតាមអ្នកនាំពាក្យគណបក្សខ្មែររួបរួមជាតិ ។
លោក រុន មាត្រា អ្នកនាំពាក្យគណបក្សខ្មែររួបរួមជាតិ បានឱ្យកោះសន្តិភាពដឹងនៅថ្ងៃទី១ ខែធ្នូថា គណបក្សទាំងពីរបានកំណត់យកថ្ងៃទី២៣ ខែធ្នូ ដើម្បីធ្វើសមាជបញ្ចូលគ្នារួចហើយ។ ប៉ុន្តែមុននឹងគណបក្សទាំងពីរធ្វើសមាជនោះ គណបក្សខ្មែររួបរួមជាតិនឹងធ្វើសមាជមួយមុនសមាជបញ្ចូលគ្នា ។ លោក រុន មាត្រា បញ្ជាក់ថា ៖ «យើងនឹងធ្វើសមាជមួយមុនការធ្វើសមាជបញ្ចូលគ្នារវាងគណបក្សទាំងពីរ គឺអាចមុន២ឬ៣ថ្ងៃនៃសមាជបញ្ចូលគ្នា ។ យើងធ្វើសមាជផ្ទៃក្នុងគណបក្សខ្មែររួបរួមជាតិដើម្បីធ្វើលក្ខន្តិកៈ និងបទបញ្ជាផ្ទៃក្នុងបក្សដែលត្រូវរួបរួម ពិភាក្សាលើរចនាសម្ព័ន្ធដែលត្រូវដឹកនាំរចនាសម្ព័ន្ធថ្នាក់ខេត្ត ក្រុង» ។
ជាមួយគ្នានេះ លោកក៏បានឲ្យដឹងថា ក្រោយពីច្របាច់បញ្ចូលគ្នារួចហើយ ភាគីទាំងពីរបានជជែក និងឯកភាពគ្នាយាងសម្តេចក្រុមព្រះធ្វើជាព្រះប្រធានគណបក្សដដែល ។ ចំណែកលោក ញឹក ប៊ុន ឆៃ និងព្រះអង្គម្ចាស់ ចក្រាវុឌ្ឍ មិនទាន់ត្រូវបានទម្លាយឲ្យដឹងទេថា នឹងទទួលបានតួនាទីអ្វីនោះទេ ប៉ុន្តែពេលនេះភាគីគណបក្សទាំងពីរបាននិងកំពុងពិភាក្សាគ្នានៅឡើយ ។ លោក រុន មាត្រា បន្តថា ចំពោះមតិមួយចំនួនថានឹងមានការយាងសម្តេចព្រះអនុជ នរោត្តម អរុណរស្មី មកធ្វើប្រធានគណបក្ស ឬចូលឆាកនយោបាយវិញនោះគឺជាពាក្យចចាមអារ៉ាមទេ ព្រោះថាក្នុងការពិភាក្សាគ្នាយើងមិនបានពិភាក្សារឿងយាងព្រះអង្គម្ចាស់មកទេ។
ចំពោះការច្របាច់បញ្ចូលគ្នានេះដែរ ត្រូវបានលោក រុន មាត្រា ទទួលស្គាល់ថា ដោយសារមានការបែកបាក់ផ្ទៃក្នុង រហូតមិនទទួលបានសំឡេងឆ្នោត ទើបគណបក្សទាំងពីរសម្រេច បញ្ចូលគ្នា ។ លោកបញ្ជាក់ថា ៖ «ដោយសារយើងបែកបាក់គ្នា ហ្វុ៊នស៊ិនប៉ិចបែកបាក់ជាបន្តបន្ទាប់និងជាច្រើនចម្រៀក ហើយធ្វើឲ្យសន្លឹកឆ្នោតដល់សូន្យ ។ អុីចឹង តាមការរួមមតិថ្នាក់ក្រោម គាត់ចង់បានការរួបរួមគ ្នាហើយគាត់មិនសប្បាយចិត្តទេពេលថ្នាក់ដឹកនាំបែកបាក់គ្នា ។ អុីចឹង ពេលរួបរួមគ្នាគាត់សង្ឃឹម ហើយយើងក៏សង្ឃឹមថាសំឡេងគាំទ្រនឹងកើនវិញក្រោយពីបញ្ចូលគ្នា» ។
លោក រុន មាត្រា ថ្លែងទៀតថា ការរួមបញ្ចូលគ្នាក៏មានការចេញជាគោលការណ៍សំខាន់ៗចំនួន៥ចំណុចដើម្បីរើសថ្នាក់ដឹកនាំតាំងពីថ្នាក់លើរហូតដល់ថ្នាក់ម ពោលគឺធ្វើយ៉ាងណា កុំឲ្យមានការបែកបាក់គ្នាតទៅទៀត ។ ចំណុចទាំងនោះមាន ១-ស្មោះត្រង់នឹងប្រធាន ២-សមត្ថភាព ៣-លទ្ធភាព ៤-ប្រជាប្រិយភាព និង៥-ជំហររួបរួម ។លោក រុន មាត្រា បានឲ្យដឹងទៀតថា ច ពោះការច្របាច់បញ្ចូលគ្នារវាងគណបក្សខ្មែររួប
រួមជាតិ និងគណបក្សហ្វុ៊នស៊ិនប៉ិច ជ្រើសរើសសម្តេចក្រុមព្រះ នរោត្តម ជាប្រធានគណបក្ស ហើយសម្រេចដាក់ឈ្មោះថា គណបក្សហ្វុ៊នស៊ិនប៉ិចដដែល ៕
ចែករំលែកព័តមាននេះ