អាជីវករតែងតែពូកែព្យាយាមទាំងពេលអាជីវកម្មកំពុងតែដំណើរការយ៉ាងរលូន និងពេលដែលមានបញ្ហាជាដើម ។ ប៉ុន្តែក្នុងស្ថានការមួយចំនួន គ្រាន់តែខិតខំព្យាយាមគឺមិនគ្រប់គ្រាន់ដើម្បីធានាដល់ភាពជោគជ័យទេ ។ ផ្ទុយមកវិញ វាថែមទាំងអាចបង្កផលប៉ះពាល់ដទៃទៅវិញព្រោះតែស្ត្រេស ។ ដូច្នេះតើអាជីវករគួរតែធ្វើដូចម្តេចវិញ…
អាជីវករតែងតែពូកែព្យាយាមទាំងពេលអាជីវកម្មកំពុងតែដំណើរការយ៉ាងរលូន និងពេលដែលមានបញ្ហាជាដើម ។ ប៉ុន្តែក្នុងស្ថានការមួយចំនួន គ្រាន់តែខិតខំព្យាយាមគឺមិនគ្រប់គ្រាន់ដើម្បីធានាដល់ភាពជោគជ័យទេ ។ ផ្ទុយមកវិញ វាថែមទាំងអាចបង្កផលប៉ះពាល់ដទៃទៅវិញព្រោះតែស្ត្រេស ។
ដូច្នេះតើអាជីវករគួរតែធ្វើដូចម្តេចវិញ ។ យោងតាមអ្នកជំនាញមួយចំនួនបានឲ្យដឹងថា អ្នកត្រូវតែព្យាយាមផ្លាស់ប្តូរខ្លួនឲ្យកាន់តែប្រសើរឡើងដើម្បីផ្លាស់ប្តូរអាកប្បកិរិយាដែលបង្កការស្ត្រេសដល់អ្នកនេះ ។ ប៉ុន្តែភាគច្រើនអាកប្បកិរិយារបស់មនុស្សវាតភ្ជាប់ជាមួយនឹងអត្តសញ្ញាណរបស់ពួកគេ ។ ប្រសិនបើមនុស្សម្នាក់ព្យាយាមផ្លាស់ប្តូរអាកប្បកិរិយាដែលមិនស្របទៅនឹងអត្តសញ្ញាណខ្លួននោះពួកគេនឹងមិនអាចរក្សាអាកប្បកិរិយាថ្មីបានឡើយ ។
ក្នុងនាមជាសហគ្រិន អ្នកមិនអាចផ្ទុកតែគំនិតវិជ្ជមានក្នុងខួរក្បាលបានទេ តែអ្នកត្រូវផ្តោតស្មារតីទៅលើអ្វីដែលជួយឲ្យអ្នកជោគជ័យ និងអ្វីដែលធ្វើឲ្យអ្នកបរាជ័យទៅវិញ ។ ដូច្នេះដើម្បីផ្លាស់ប្តូរអាកប្បកិរិយាបាន អ្នកត្រូវផ្លាស់ប្តូរអត្តសញ្ញាណឲ្យស័ក្តិសមនឹងអាកប្បកិរិយាថ្មីដែលអ្នកចង់បាននោះ ។ ឧទាហរណ៍ដូចជា អ្នកចង់បង្កើនប្រាក់ចំណូលសម្រាប់អាជីវកម្មអ្នក ។
អ្វីដែលអ្នកត្រូវធ្វើ គឺខិតខំព្យាយាមបង្កើនការលក់បង្កើនចំនួនផលិតផល និងបង្កើនប្រសិទ្ធិភាពការងារក្នុងអជីវកម្មជាច្រើន ។ ប៉ុន្តែប្រសិនបើអ្នកធ្វើវាទាំងនេះទាំងក្នុងចិត្តរបស់ខ្លួនមិនជឿជាក់ថាអ្នកអាចជួយបង្កើនប្រាក់ចំណូលអាជីវកម្មអ្នកបានទេនោះ អ្នកនឹងមិនអាចឆ្លងផុតឧបសគ្គនេះបានឡើយ ។ ការស្រាវជ្រាវបានបង្ហាញថា ៩៥% នៃទម្លាប់ និងអាកប្បកិរិយារបស់មនុស្សត្រូវបានជំរុញដោយសតិ ឬខួរក្បាលខាងស្តាំរបស់មនុស្ស ។
បើដូចនេះ តើអ្នកត្រូវធ្វើអ្វីខ្លះ? ជំហានដំបូងគឺអ្នកត្រូវតែស្មោះត្រង់នឹងខ្លួនឯងពីអ្វីដែលអ្នកភ័យខ្លាច កំហុសឆ្គងរបស់អ្នក និងអ្វីដែលជាឧបសគ្គសម្រាប់អ្នកក្នុងការសម្រេចបានភាពជោគជ័យ ។ ក្នុងនាមជាអាជីវករមួយរូប អ្នកត្រូវតែសួរខ្លួនឯងឲ្យបានជាប់លាប់ ៕ កែសម្រួលដោយ ៖ សុឃាក់
ចែករំលែកព័តមាននេះ