សម្ដេចតេជោ៖ថវិកាដើម្បីធ្វើទំនើបកម្ម មន្ទីរពេទ្យកាល់ម៉ែតជិត100លានដុល្លារ
- ភ្នំពេញ
រាជធានីភ្នំពេញ ៖ សម្តេចតេជោនាយករដ្ឋមន្ត្រី ហ៊ុន សែន បានបញ្ជាក់ថា គិតត្រឹមថ្ងៃទី ៣០ ខែវិច្ឆិកា ថវិកា…
រាជធានីភ្នំពេញ ៖ សម្តេចតេជោនាយករដ្ឋមន្ត្រី ហ៊ុន សែន បានបញ្ជាក់ថា គិតត្រឹមថ្ងៃទី ៣០ ខែវិច្ឆិកា
ថវិកា ដែលសប្បុរសជនចូលរួម រួមទាំងថវិការបស់រដ្ឋបានជិត១០០លានដុល្លារហើយដើម្បីផ្តល់ជូន មន្ទីរ ពេទ្យកាល់ម៉ែតក្នុងការធ្វើទំនើបកម្ម ។
សម្តេចតេជោបានបញ្ជាក់កាលពីថ្ងៃទី៣០ ខែវិច្ឆិកា លើបណ្តាញសង្គមថា បន្ទាប់ពីការអំពាវនាវរបស់ខ្ញុំដើម្បីជួយដល់មន្ទីរពេទ្យកាល់ម៉ែត មកដល់ពេលនេះសប្បុរសជនដែលបានចូលរួមបានថវិកាសរុបចំនួន ៦៤.០៤៣.៥៦១ដុល្លារ ។ បើគិតទាំងថវិការដ្ឋ៣០លានដុល្លារផង គឺមានចំនួន ៩៤.០៤៣.៥៦១ដុល្លារ ។
សម្តេចតេជោ ក៏សូមអរគុណសប្បុរសជនដែលបានបរិច្ចាគដើម្បីសង្គ្រោះជីវិតមនុស្ស និងសង្ឃឹមថា នឹងមានសប្បុរសជនផ្សេងទៀតបន្តចូលរួម ដើម្បីធ្វើទំនើបកម្មមន្ទីរពេទ្យកាល់ម៉ែតឱ្យក្លាយទៅជាមន្ទីរពេទ្យបង្អែករបស់ជាតិ ដែលមានលក្ខណៈទំនើប និងពហុឯកទេស ។
សូមជម្រាបថា ការដែលសម្តេចតេជោ សម្រេចប្រគល់ថវិការដ្ឋសម្រាប់ធ្វើការសាងសង់មន្ទីរពេទ្យកាល់ម៉ែតដើម្បីធ្វើទំនើបកម្មនោះគឺខណៈម្តាយក្មេករបស់សម្តេចសម្រាកព្យាបាលនៅមន្ទីរពេទ្យនេះ ហើយសម្តេចតេជោមើលឃើញ ពីភាពខ្វះខាតរបស់មន្ទីរពេទ្យនូវសម្ភារបរិក្ខារពេទ្យមួយចំនួន ខណៈគ្រូពេទ្យជំនាញមានច្រើន ៕
ចែករំលែកព័តមាននេះ