ខេត្តកំពត៖ អាជ្ញាធរខេត្តកំពតរួមទាំងមន្ទីរពាក់ព័ន្ធ ក្នុងនោះមានម្ចាស់ទូកដឹកអ្នកទេសចរមើលសត្វអំពិលអំពែក និងមើលថ្ងៃលិចផងដែរ បានបើកកិច្ចប្រជុំពិភាក្សាគ្នាមួយ ដើម្បីប្ដូរទីចំណតទូកជាប់២០គ្រឿងចត់ដង្ហែគ្នាចាប់ពីគល់ស្ពានឥន្ធូនូចាស់ រហូតមកដលមុខសាលាខេត្តកំពត គឺត្រោយខាងកើត ។
អាជ្ញាធរខេត្ត មានលោកជាវ តាយ អភិបាលខេត្តកំពត រួមទាំងលោកអភិបាលក្រុងកំពត និងមន្ទីរពាក់ព័ន្ធ បានបើកកិច្ចប្រជុំ សម្រេចឱ្យទូកដឹកអ្នកទេសចរណ៍មើលអំពិលអំពែក មើលថ្ងៃលិចទាំងអស់ ចាកចេញពីត្រើយខាងកើតមុខសាលាខេត្តទៅត្រើយខាងលិចវិញម្ដង ។ នេះបើយោងតាមការអះអាងរបស់រដ្ឋបាលខេត្តកំពត ដែលបានបើកកិច្ចប្រជុំកាលពីថ្ងៃទី២៦ វិច្ឆិកា កន្លងពេលថ្មីៗនេះ ។
លោកជាវ តាយ អភិបាលខេត្តកំពតមានប្រសាសន៍ថា ការប្ដូរកន្លែងទូកទេសចរណ៍នេះ ដើម្បីរៀបចំឱ្យមានសណ្ដាប់ធ្នាប់ និងសោភ័ណភាពក្នុងក្រុង ជាពិសេសសម្អាតអនាម័យនិងបរិស្ថានផងដែរ ។
ដោយឡែក សម្រាប់ម្ចាស់ទូកទាំង១៩គ្រឿងវិញ មានការព្រួយបារម្ភពីការបាត់បង់ភ្ញៀវផងដែរ ព្រោះត្រើយខាងលិចជាកន្លែងស្ងាត់ មិនសូវមានភ្ញៀវដើរកំសាន្តនៅពេលយប់ ។ ម្ចាស់ទូកច្នៃជាសួនកំសាន្តបណ្ដែតនៅលើទឺកព្រែកកំពតបាននិយាយ កាលពីរសៀលថ្ងៃទី៣០ វិច្ឆិកា ថា ម្ចាស់ទូកដឹកអ្នកទេសចរណ៍ទាំងអស់ មិនប្រឆាំងរបស់អាជ្ញាធរខេត្តទេ ត្រូវតែធ្វើការចាកចេញតាមការកំណត់អោយបានមុនថ្ងៃទី១៥ខែធ្នូ ២០១៩ ខាងមុខ ។
ម្ចាស់ទូកដែលកែច្នៃធ្វើជាសួនបណ្ដែតទឹកដាក់ឱ្យភ្ញៀវលំហែកាយបាននិយាយប្រាប់ថា ការចេញពីត្រើយខាងកើតទៅត្រើយខាងលិចនេះ ពិតជាបាត់ភ្ញៀវប្រាកដណាស់ ព្រោះវាស្ងាត់ពេក ។
ចែករំលែកព័តមាននេះ