ដល់.ក! នេះសុទ្ធតែរបស់ក្លែងក្លាយមានរហូតដល់៧ទីតាំង(មានវីដេអូ)
- ភ្នំពេញ
រាជធានីភ្នំពេញ ៖ សេចក្តីរាយការណ៍បឋមបានឲ្យដឹងថា កាលពីរសៀលថ្ងៃទី៣០ ខែវិច្ឆិកា ឆ្នាំ ២០១៩ នៅអធិការដ្ឋាននគរបាលខណ្ឌដូនពេញ ក្រោមការដឹកនាំរបស់លោក សុខ…
រាជធានីភ្នំពេញ ៖ សេចក្តីរាយការណ៍បឋមបានឲ្យដឹងថា កាលពីរសៀលថ្ងៃទី៣០ ខែវិច្ឆិកា ឆ្នាំ ២០១៩ នៅអធិការដ្ឋាននគរបាលខណ្ឌដូនពេញ ក្រោមការដឹកនាំរបស់លោក សុខ…
រាជធានីភ្នំពេញ ៖ សេចក្តីរាយការណ៍បឋមបានឲ្យដឹងថា កាលពីរសៀលថ្ងៃទី៣០ ខែវិច្ឆិកា ឆ្នាំ ២០១៩ នៅអធិការដ្ឋាននគរបាលខណ្ឌដូនពេញ ក្រោមការដឹកនាំរបស់លោក សុខ ពេញវុធ អភិបាលខណ្ឌដូនពេញ និងលោកវរៈសេនីយ៍ឯក ទៀង ចន្ទសារបានធ្វើការបង្ហាញមុខបុរសជាជនសង្ស័យអ្នកផលិតស្លាកលេខរថយន្ត និងម៉ូតូក្លែងក្លាយចំនួន៦នាក់ ។
ក្រោយពីកម្លាំងមានសម្ថកិច្ចខណ្ឌដូនពេញបានធ្វើប្រតិបត្តិការបង្ក្រាបកន្លែងផលិតស្លាកលេខក្លែងក្លាយនៅក្នុងសង្កាត់ចំនួន៣ទីតាំង ដែលស្ថិតនៅក្នុងសង្កាត់ចំនួន៣ គឺសង្កាត់ផ្សារថ្មីទី៣ សង្កាត់បឹងរាំង និងសង្កាត់ចតុមុខដោយបានដកហូតស្លាកលេខរថយន្ត និងម៉ូតូក្លែងក្លាយបានសរុបចំនួន៧០បន្ទះ រួមទាំងឧបករណ៍ប្រើប្រាស់មួយចំនួនធំទៀតផងដែរ ។
តាមប្រភពព័ត៌មានពីនគរបាលបានប្រាប់ឱ្យដឹងថា បុរសជាជនសង្ស័យទាំង៦នាក់ ដែលបានចាប់ឃាត់ខ្លួនមានទី១-ឈ្មោះ យ៉ុន ផល្លា អាយុ៥០ឆ្នាំ ទី២-ឈ្មោះ ណុល ណែន អាយុ៤៥ឆ្នាំ ទី២-ឈ្មោះ ឡន ផល្លា អាយុ៣១ឆ្នាំ ទី៤-ឈ្មោះ ឈូ ឈិន អាយុ៤៩ឆ្នាំ ទី៥-ឈ្មោះ ផេង ធិ អាយុ៣៧ឆ្នាំ និងទី៦-ឈ្មោះ ថោង សំណាង អាយុ៣៣ឆ្នាំ ។
ប្រតិបត្តិការបង្ក្រាបករណីផលិតស្លាកលេខរថយន្ត និងម៉ូតូក្លែងក្លាយនេះដែរ គឺបានធ្វើឡើងក្រោយពីមានការស្រាវជ្រាវអស់រយៈពេលជា២សប្តាហ៍មកនេះរបស់កម្លាំងជំនាញនៃអធិការ ដ្ឋានខណ្ឌដូនពេញសហការជាមួយ និងប៉ុស្តិ៍នគរបាលសង្កាត់ផ្សារថ្មីទី៣ ប៉ុស្តិ៍នគរបាលបឹងរាំង និងប៉ុស្តិ៍នគរបាលចតុមុខបានចុះធ្វើការបង្ក្រាបជាបន្តបន្ទាប់រហូតទៅដល់ចំនួន៧ទីតាំងជាបន្តបន្ទាប់គ្នា។
តាមប្រភពដដែលបានប្រាប់បន្តទៀតថា ការបង្ក្រាបរបស់កម្លាំងលើនេះដែរមាននៅក្នុងសង្កាត់ផ្សារ ថ្មី៣ ចំនួន៣ទីតាំង ដោយបានធ្វើការចាប់ឃាត់ខ្លួនមនុស្សចំនួន២នាក់ ដកហូតបានស្លាកលេខរថយន្ត និងម៉ូតូបានចំនួន២២សន្លឹក ក្នុងនោះមានស្លាកលេខស៊ីវិលចំនួន១០ ស្លាកលេខ ន.ប ចំនួន៣ស្លាកលេខ ខ.ម ចំនួន៥សន្លឹក ម៉ាស៊ីនកុំព្យូទ័រចំនួន២គ្រឿង ម៉ាស៊ីនកាត់ស្ទីគ័រចំនួន២គ្រឿង រួមទាំងថ្នាំពណ៌ និងឧបករណ៍ប្រើប្រាស់មួយចំនួនទៀត ។
សង្កាត់បឹងរាំងបានធ្វើការចាប់ឃាត់ខ្លួនមនុស្សចំនួន៣នាក់ ដកហូតស្លាកលេខរថយន្ត និងម៉ូតូចំនួន ២០ស្លាក លេខមានស្លាកលេខរថយន្តស៊ីវិលចំនួន៣ ស្លាកលេខ ន.ប ចំនួន៤បន្ទះ ស្លាកលេខ ខ.ម ២ ស្លាកលេខម៉ូតូ ស៊ីវិលចំនួន៨ ស្លាកលេខម៉ូតូ ន.ប ចំនួន១ និងខ.ម ១ រួមទាំងថ្នាំបាញ់ បន្ទះដែកស័ង្កសីមួយចំនួនទៀត ។
ចុងក្រោយនៅក្នុងសង្កាត់ចតុមុខធ្វើការបង្ក្រាប១ទីតាំង ឃាត់ខ្លួនបានមនុស្សចំនួនម្នាក់ដកហូតបានស្លាកលេខរថយន្ត និងម៉ូតូក្លែងក្លាយបានសរុបចំនួន៣៣សន្លឹក ក្នុងនោះមានស្លាកលេខរថយន្តស៊ីវិលចំនួន២១សន្លឹក ស្លាកលេខរថយន្ដរដ្ឋ ២សន្លឹក ស្លាកលេខរថយន្តចង្កូតស្តាំ៣បន្ទះ ស្លាកលេខម៉ូតូ ខ.ម ៦ ស្លាកលេខម៉ូតូស៊ីវិល ១ បន្ទះ និងឧបករណ៍ប្រើប្រាស់មួយចំនួនទៀតផងដែរ។
ក្រោយពីប្រតិបត្តិការបង្ក្រាបទីតាំងផលិតស្លាកលេខរថយន្ត និងម៉ូតូក្លែងក្លាយទាំង៧កន្លែង នៅក្នុងសង្កាត់ចំនួន៣ គឺសង្កាត់ផ្សារថ្មីទី៣ សង្កាត់បឹងរាំង និងសង្កាត់ចតុមុខដោយបានឃាត់ខ្លួនបុរសជាជនសង្ស័យចំនួន៦នាក់ ដកហូតបានសម្ភារមួយចំនួនធំ រួមទាំងឧបករណ៍ប្រើប្រាស់ជាវត្ថុតាងពាក់ព័ន្ធមួយចំនួនធំទៀតហើយបានឃុំខ្លួនជនសង្ស័យនៅអធិការដ្ឋាននគរបាលខណ្ឌដូនពេញ ដើម្បីរង់ចាំចាត់ការទៅតាមនិតិវិធីច្បាប់ជាបន្តទៅទៀត ៕
ចែករំលែកព័តមាននេះ