រាជធានីភ្នំពេញ ៖ ក្រសួងធនធានទឹក និងឧតុនិយមបានឲ្យដឹងថា នៅតាមបណ្តាខេត្តមួយចំនួននៅក្នុងប្រទេសកម្ពុជានឹងចុះត្រជាក់ ។ ក្រសួងធនធានទឹកបានចេញផ្សាយសេចក្តីជូនដំណឹងនៅថ្ងៃទី០១ ធ្នូនេះ ស្តីពីធាតុអាកាសចុះត្រជាក់ (ចាប់ពីថ្ងៃទី០៥…
រាជធានីភ្នំពេញ ៖ ក្រសួងធនធានទឹក និងឧតុនិយមបានឲ្យដឹងថា នៅតាមបណ្តាខេត្តមួយចំនួននៅក្នុងប្រទេសកម្ពុជានឹងចុះត្រជាក់ ។ ក្រសួងធនធានទឹកបានចេញផ្សាយសេចក្តីជូនដំណឹងនៅថ្ងៃទី០១ ធ្នូនេះ ស្តីពីធាតុអាកាសចុះត្រជាក់ (ចាប់ពីថ្ងៃទី០៥ ដល់ថ្ងៃទី៩ ខែធ្នូ ឆ្នាំ ២០១៩)ថា បន្ទាប់ពីបានធ្វើការពិនិត្យ និងតាមដានលើស្ថានភាពអាកាសធាតុជាប្រចាំ ទាំងក្នុងតំបន់ និងដោយឡែក សម្រាប់កម្ពុជាក្រសួងធនធានទឹក និងឧតុនិយម សូមជម្រាបជូនដំណឹងដល់សាធារណជនជ្រាបថា ដោយសារ ឥទ្ធិពលនៃការធ្លាក់ចុះជ្រលងសម្ពាធខ្ពស់ពីប្រទេសចិន គួបផ្សំនឹងខ្យល់មូសុង ឦសានខ្លាំងបាន និងកំពុងមានឥទ្ធិពលជាបន្តបន្ទាប់មកលើកម្ពុជា ។
ក្រសួងបន្តថា ស្ថានភាពអាកាសធាតុបែបនេះនឹងធ្វើឲ្យបណ្តារាជធានី ខេត្តមួយចំនួនក្នុងព្រះរាជាណាចក្រកម្ពុជាចុះត្រជាក់ជាបន្តបន្ទាប់ចាប់ពីថ្ងៃទី០៥-០៩ ខែធ្នូ ឆ្នាំ២០១៩ ក្នុងនោះមាន ១- ខេត្តឧត្តរមានជ័យ ព្រះវិហារ ប៉ៃលិន ស្ទឹងត្រែង រតនគិរី និងខេត្តមណ្ឌលគិរី ៖ សីតុណ្ហភាពអប្បរមា មានពី១៦-១៨ °C – សីតុណ្ហភាពអតិបរមា មានពី ២៥-២៧ °C ២- ខេត្តពោធិ៍សាត់ បាត់ដំបង បន្ទាយមានជ័យ សៀមរាប កំពង់ធំ ក្រចេះ និងខេត្តកោះកុង ៖ សីតុណ្ហភាពអប្បរមា មានពី១៨-២០ °C – សីតុណ្ហភាពអតិបរមា មានពី ២៦-២៨ °C ៣- រាជធានីភ្នំពេញ ខេត្តកណ្តាល កំពង់ស្ពឺ កំពង់ឆ្នាំង កំពង់ចាម ត្បូងឃ្មុំ ព្រៃវែង និងខេត្តស្វាយរៀង ៖ សីតុណ្ហភាពអប្បរមាមានពី ២១-២៣ °C – សីតុណ្ហភាពអតិបរមា មានពី២៦-២៨ °C ៤ – ខេត្តតាកែវ កែប កំពត និងខេត្តព្រះសីហនុ ៖ សីតុណ្ហភាពអប្បរមា មានពី ២២-២៤ °C សីតុណ្ហភាពអតិបរមា មានពី ២៧-២៩ °C ។
ក្រសួងបានបន្តថា យោងលើស្ថានភាពធាតុអាកាសដូចបានជម្រាបជូនខាងលើ សូមបងប្អូនប្រជាពលរដ្ឋ ជាពិសេសវីរៈកងទ័ពដែលឈរជើងនៅតាមបន្ទាត់ព្រំដែនក្នុងភូមិសាស្ត្រតំបន់ជួរភ្នំដងរែក និងតំបន់ខ្ពង់រាបឦសាន សូមមេត្តាប្រុងប្រយ័ត្នបង្ការ និងថែរក្សាសុខភាពពីធាតុអាកាសចុះត្រជាក់នេះ ៕
ចែករំលែកព័តមាននេះ