អ្នកស្រាវជ្រាវនិយាយថា ៨ភាគរយនៃសុបិន្តរបស់មនុស្សយើង គឺមានរឿងផ្លូវភេទនៅជាមួយ ដូច្នេះកុំបារម្ភអីបើសិនជាអ្នកសុបិន្តឃើញការរួមភេទ ព្រោះវាមិនមែនកើតឡើងលើអ្នកតែម្នាក់ឯងឡើយ។ យ៉ាងណាមិញ វាអាចនឹងមានការសុបិន្តឃើញរួមភេទច្រើនណាស់ ប៉ុន្តែមានសុបិន្តខ្លះអាចកើតឡើងញឹកញាប់ ប៉ុន្តែមិនសូវដឹងថា វាមានអត្ថន័យដូចម្តេចឡើយ។…
អ្នកស្រាវជ្រាវនិយាយថា ៨ភាគរយនៃសុបិន្តរបស់មនុស្សយើង គឺមានរឿងផ្លូវភេទនៅជាមួយ ដូច្នេះកុំបារម្ភអីបើសិនជាអ្នកសុបិន្តឃើញការរួមភេទ ព្រោះវាមិនមែនកើតឡើងលើអ្នកតែម្នាក់ឯងឡើយ។
យ៉ាងណាមិញ វាអាចនឹងមានការសុបិន្តឃើញរួមភេទច្រើនណាស់ ប៉ុន្តែមានសុបិន្តខ្លះអាចកើតឡើងញឹកញាប់ ប៉ុន្តែមិនសូវដឹងថា វាមានអត្ថន័យដូចម្តេចឡើយ។ ខាងក្រោមនេះខ្ញុំនឹងបង្ហាញអំពីលក្ខណៈសុបិន្តឃើញរួមភេទមួយចំនួនដែលកើតឡើងជាញឹកញាប់ និងអត្ថន័យរបស់វា៖
១-អ្នកធ្វើការជាមួយគ្នា ៖ មិនខ្វល់ថាអ្នកស្រឡាញ់គាត់ឬអត់ទេ សុបិន្តរបស់អ្នកដែលឃើញគាត់នោះគឺមិនមែនជាសញ្ញាថា អ្នកមានមនុស្សដែលខ្លួនលួចស្រឡាញ់ទេ ជាពិសេសបើសិនជាអ្នកមិនចូលចិត្តគាត់។ ផ្ទុយទៅវិញ វាមានន័យថា អ្នកត្រូវតែចាប់ផ្តើមធ្វើការជាមួយគាត់កាន់តែខ្លាំង និងសិក្សាអំពីជំនាញមួយចំនួនពីគាត់ដើម្បីពង្រឹងដល់ការងាររបស់អ្នកបន្ថែម។
២-រួមភេទជាមួយសង្សាចាស់ ៖ ចំពោះចម្លើយគឺទេ ហើយអ្នកក៏មិនចង់ឲ្យគាត់ត្រឡប់មករួមរស់ជាមួយគ្នាទៀតដែរ។ យ៉ាងណាមិញ អ្នកក៏មិនបានរកឃើញថា អ្នកនឹងមានភាពស្និទ្ធស្នាលអ្វីទៀតដែរ ក្រោយពីបែកបាក់គ្នារួចហើយនោះ។ ឬអ្នកកំពុងតែខ្លាចអំពីទំនាក់ទំនងថ្មីរបស់អ្នក។ ឬប្រហែលជាអ្នកអាចនឹងមានភាពភ្ញាក់ផ្អើលចំពោះអ្នកថ្មីដែលអ្នកកំពុងតែរួមរស់ជាមួយ។
៣-មនុស្សស្រីដូចគ្នា ៖ វាអាចជារឿងមួយខុសពីធម្មជាតិនៅពេលដែលនិយាយអំពីការរួមភេទជាមួយមនុស្សស្រីដូចគ្នាបែបនេះ។ ប៉ុន្តែមានតែមនុស្សស្រីដែលអ្នកផ្តល់ខ្លួនឯងមួយគត់ទេទើបដឹង ហើយនោះគឺជាអ្នកខ្លួនឯងតែម្តង។ យ៉ាងណាមិញ ការដែលសុបិន្តឃើញរួមភេទជាមួយមិត្តភក្តិស្រីៗដូចគ្នា អាចជាសញ្ញាមួយបញ្ជាក់ថា មិនមានសុវត្ថិភាពទេចំពោះទំនាក់ទំនងរបស់អ្នក។
៤-រួមភេទជាមួយតារាល្បីណាមួយ ៖ ការដែលបានសុបិន្តឃើញបានរួមរស់នៅលើគ្រែតែមួយជាមួយតារាល្បីណាមួយក្នុងចិត្តហាក់បីដូចជាសុបិន្តមួយដ៏ល្អបំផុតអញ្ចឹង ប៉ុន្តែមិនមែនមានន័យថា វានឹងកើតឡើងក្នុងជីវិតពិតប្រាកដឡើយ។ ប៉ុន្តែវាមានន័យថា អ្នកត្រូវតែពង្រឹងដល់ភាពល្បីល្បាយរបស់ខ្លួន ការរីកចម្រើន និងជោគជ័យដែលនឹងមាននៅពេលខាងមុខទៅវិញទេ។
៥-រួមភេតជាមួយមនុស្សចម្លែក ៖ ជាញឹកញាប់មនុស្សយើងច្រើនតែសុបិន្តឃើញរួមភេទជាមួយមនុស្សចម្លែក ឬមនុស្សដែលយើងមិនធ្លាប់ជួបពីមុនសោះ។ វាគ្រាន់តែជាបាតុភូតដែលកើតជាញឹកញាប់មួយប៉ុណ្ណោះ ហើយក៏មិនមែនមានន័យថា អ្នកជាមនុស្សឆ្គួតអ្វីដែរ។
រឿងនេះអាចជាសញ្ញាមួយបញ្ជាក់ថា មានការលូតលាស់ខាងរឿងផ្ទាល់ខ្លួន និងជាការយល់ព្រមទទួលយកមនុស្សប្រុសចូលក្នុងជីវិតរស់នៅ (ប្រភពពី៖ Health.com.kh)៕ (កែសម្រួលដោយ ៖ បុប្ផា)
ចែករំលែកព័តមាននេះ