ការខិតខំព្យាយាមដើម្បីសម្រេចបានសេរីភាពក្នុងផ្នែកលុយគឺជាអ្វីដែលធ្វើឲ្យការបើកអាជីវកម្មមានភាពរំជើបរជួលសប្បាយ ផ្ទុយពីការគ្រប់គ្រងលុយដែលជារឿងឈឺក្បាល ។ ប៉ុន្តែមិនថាស្មុគស្មាញប៉ុណ្ណា វាជាកត្តាសំខាន់នៃអាជីវកម្មរបស់អ្នក ហើយអ្នកមិនគួរជៀសវាងវាដាច់ខាត ។ ប្រសិនបើអ្នកជាអាជីវករដែលគ្រប់គ្រងអាជីវកម្មតែម្នាក់ឯង ការគ្រប់គ្រងលុយមិនមានភាពស្មុគស្មាញខ្លាំងទេ ហើយវាក៏មិនត្រូវការឲ្យអ្នកចំណាយពេលវេលាច្រើនដែរប្រសិនបើអ្នករៀបចំតាមជំហានខាងក្រោមនេះ៖
១. ទុកពេលវេលាសម្រាប់វា៖
អ្នកគួរតែមានទម្លាប់ចូលមើលបញ្ជីចំណូលនិងចំណាយជារៀងរាល់ថ្ងៃ ។ ទោះជាវាអាចបង្ហាញការខាតបង់ពិតមែនក្តី អ្នកត្រូវតែមើលវានិងតាមដានរាល់ចំណូល និងចំណាយរបស់អាជីវកម្មអ្នកជារៀងរាល់ថ្ងៃ និងវាយតម្លៃរកមើលបញ្ហា ។
២. បែងចែកលុយផ្ទាល់ខ្លួន និងលុយអាជីវកម្មឲ្យបានច្បាស់លាស់៖
វិធីដែលងាយជាងគេក្នុងការជៀសវាងភាពស្មុគស្មាញក្នុងផ្នែកនេះគឺការបើកគណនីធនាគារមួយដាច់ដោយឡែកសម្រាប់អាជីវកម្មរបស់អ្នក ។ មានន័យថារាល់សកម្មភាពលើគណនីនោះគឺសុទ្ធតែជាសកម្មភាពលុយដែលចេញនិងចូលអាជីវកម្មរបស់អ្នក ។ ការធ្វើដូចនេះនឹងជួយឲ្យអ្នកមានភាពងាយស្រួលក្នុងការតាមដាន ។
៣. ធ្វើរបាយការណ៍ប្រចាំខែ៖
ទោះជាអ្នកគ្រប់គ្រងអាជីវកម្មតែម្នាក់ឯងពិតមែនក្តី អ្នកនៅតែគួរធ្វើរបាយការណ៍ប្រចាំខែដើម្បីដឹងច្បាស់ពីស្ថានការអាជីវកម្មរបស់ខ្លួន ។ លើសពីនេះទៅទៀត វាជួយរំលឹកអ្នកពីបញ្ហាដែលអាជីវកម្មអ្នកកំពុងជួបប្រទះ និងជំរុញឲ្យអ្នករកវិធីដោះស្រាយទៀតផង ។
៤. សុំជំនួយពីអ្នកដទៃ៖
មិនមាននរណាអាចគ្រប់គ្រងគ្រប់ផ្នែកនៃអាជីវកម្មដោយខ្លួនឯងបានទេ ដូច្នេះប្រសិនបើអ្នកមានបញ្ហា ឬមិនចេះអ្វីមួយ អ្នកគួរសុំជំនួយពីអ្នកដទៃដែលមានបទពិសោធន៍ ។ ហើយបើអ្នកនៅតែគិតថាមុខងារនេះមិនសាកសមនឹងអ្នក អ្នកតែងតែអាចរកបុគ្គលិកម្នាក់មកគ្រប់គ្រងផ្នែកនេះបាន ។ ចូរចងចាំថា ប្រសិនបើអ្នកមិនចង់ស្ត្រេសពីអាជីវកម្មខ្លួន អ្នកគួរតែមានទម្លាប់គ្រងគ្រងលុយក្នុងអាជីវកម្មឲ្យបានល្អ ហើយវានឹងជួយអ្នកក្នុងការសម្រេចចិត្តលើបញ្ហាធំៗថែមទៀត ៕ កែសម្រួលដោយ ៖ សុឃាក់
ចែករំលែកព័តមាននេះ