ខេត្តតាកែវ ៖ ទីតាំងលួចផលិតស្ករត្នោតក្លែងក្លាយចំនួន៤លើជាង៤០ទីតាំង ត្រូវបានកំលាំងចម្រុះដែលមានមន្ត្រីកាំកុងត្រូលមន្ទីឧស្សាហកម្ម និងសិប្បកម្មរួម ជាមួយសមត្ថកិច្ច អាជ្ញាធរស្រុកបាទី បានធ្វើការចុះបង្ក្រាប ក្រោយពីមានការរិះគន់ចំៗ នៅថ្ងៃទី២៨…
ខេត្តតាកែវ ៖ ទីតាំងលួចផលិតស្ករត្នោតក្លែងក្លាយចំនួន៤លើជាង៤០ទីតាំង ត្រូវបានកំលាំងចម្រុះដែលមានមន្ត្រីកាំកុងត្រូលមន្ទីឧស្សាហកម្ម និងសិប្បកម្មរួម ជាមួយសមត្ថកិច្ច អាជ្ញាធរស្រុកបាទី បានធ្វើការចុះបង្ក្រាប ក្រោយពីមានការរិះគន់ចំៗ នៅថ្ងៃទី២៨ វិច្ឆិកា នៅក្នុងភូមិព្រៃខ្លា ឃុំកុមារាជា ស្រុកបាទី ដោយរឹបអូសវត្ថុតាងមួយចំនួនយកទៅរក្សាទុកនៅសាលាស្រុកបាទី ដោយឡែក ចំពោះស្ករដែលបានកែច្នៃហើយត្រូវបានដុតបំផ្លាញចោលតែម្ដង ។
លោក ភួន ឈីម អភិបាលស្រុកបាទីបានឱ្យដឹងថា បញ្ហាលួចផលិតស្ករត្នោតក្លែងក្លាយ ដោយយកស្ករស លាយជាមួយទឹកនិងប្រេងឆា មកកែច្នៃជាស្រកត្នោតនេះ កន្លងមកអាជ្ញាធរស្រុកបាទីបានហៅម្ចាស់ទីតាំងផលិតទាំងជាង៤០ទីតាំង នៅក្នុងស្រុកបាទីមកអប់រំ និងបានចុះបង្ក្រាបជាច្រើនលើកច្រើនសារមកហើយ ក៏ប៉ុន្តែបងប្អូនប្រជាពលរដ្ឋមួយចំនួននៅតែបន្តលួចលាក់ផលិត ។
បើទោះបីជាដឹងថា នេះជាទង្វើខុសច្បាប់យ៉ាងណាក៏ដោយ ដោយបងប្អូនសំអាងថា គ្មានមុខរបធ្វើក្រៅពីរបនេះ ដូច្នោះថ្ងៃនេះក៏ត្រូវអាជ្ញាធរ ស្រុករួមនិងមន្ត្រីពាក់ព័ន្ធបានឆ្មក់ចុះមកបង្ក្រាប ដោយរិបអូសវត្ថុតាងមួយចំនួននិងបានដុតបំផ្លាញចោលស្កឆ្នោតដែលកែឆ្នៃរួចមួយចំនួនធំ ទៅតាមការបញ្ជារបស់លោកព្រះរាជ អាជ្ញាអមសាលាដំបូងខេត្តតាកែវ ។
លោកអភិបាលស្រុកបាទីបានបន្តថា ការយកស្ករសមកកែច្នៃជាស្ករត្នោត ដាក់លក់នៅលើទីផ្សារនេះ វាជាទង្វើខុសច្បាប់ ដូច្នោះ អាជ្ញាធរស្រុកនិងអាជ្ញាពាក់ព័ន្ធនិងបន្តបង្ក្រាប ដោយមិនអនុញ្ញាតិឲ្យមានការកែច្នៃ ដោយខុសច្បាប់នេះ កើតឡើងទៀតនោះទេ ហើយអ្នកដែលបន្តលួចផលិត បើអាជ្ញាធចាប់ខ្លួនបាននិងត្រូវបញ្ចូនទៅតុលាការ ដើម្បីចាត់ការទៅតាមច្បាប់ដោយគ្មានយោគយល់ទៀតទ្បើយ ។
លោកភួង ឈីម អភិបាលស្រុកបាទី បានធ្វើការអំពាវនាវឲ្យបងប្អូនប្រជាពលរដ្ឋដែលលួចលាក់ផលិតស្ករត្នោតក្លែងក្លាយនេះ ឲ្យបញ្ឈប់សកម្មភាពខុសច្បាប់តទៅទៀត ហើយងាកទៅប្រកបមុខរបផ្សេងដែលត្រឹមត្រូវទៅតាមច្បាប់ ។ ម្យ៉ាងទៀត ការលួចផលិតស្ករត្នោតក្លែងក្លាយនេះ វាមិនត្រូវទេ ហើយតែជាទង្វើខុសច្បាប់ ម្យ៉ាងទៀតនោះ វាក៏បានបំផ្លាញសុខភាពបងប្អូនប្រជាពលរដ្ឋ ដែលទិញស្ករនេះទៅប្រើប្រាស់ ។
ជាពិសេស វាបានប៉ះពាលដល់ផលិតផលស្ករឆ្នោតគេពិតប្រាក ដែលយកទឹកត្នោតមកកែឆ្នៃធ្វើជាសរ្កត្នោត ហើយស្កត្នោតពិតប្រាកដនេះមានការទទួលស្គាល់ពីបងប្អូនប្រជាពលរដ្ឋ ឬក្រសួងថែមទៀត និងមានការចេញទៅក្រៅប្រទេសផងដែរ ។
មន្ត្រីសាលាស្រុកបាទីបានប្រាប់កោះសន្តិភាពឱ្យដឹងថា ចំពោះការចុះបង្ក្រាបនេះ កំលាំងចំរុះបានចុះបង្ក្រាបតែ១ឃំុទេ គឺឃំុកុមារាជា ។ ចំណែកឃំុលំពង់ កងកំលាំងមិនបានចុះបង្ក្រាបឡើយ ហើយការចុះបង្ក្រាបនេះ គឺបានតែ៤ទីតាំងតែប៉ុណ្ណោះលើជាង៤០ទីតាំងដោយបានរឹបអូសបានម៉ូទ័១១គ្រឿង ស្ករត្នោត១០៩ធុងស្ពេតត្រូ ខ្ទះ២០ ជញ្ជីង៤ កាកស្ករ១៣៧បាវ រថយន្តសាំយ៉ុង២គ្រឿង រថយន្តកូរ៉េ១គ្រឿងនឹងសម្ភារមួយចំនួនផងដែរយកទៅដុតកម្ទេចចោល។
មន្ត្រីសាលាស្រុកដដែលបានបន្តទៀតថា យើងមិនយល់ថា កំលាំងចំរុះមូលហេតុអីចុះបង្ក្រាបតែ៤ទីតាំងនោះទេព្រោះទីតាំងដែលផលិតស្ករត្នោតខាងលើនេះ មានច្រើនទីតាំងណាស់នឹងបានដំណើរការផលិតរួចដឹកយកទៅលក់នៅទីផ្សារនានាច្រើនខែមកហើយដែរ ។
ចែករំលែកព័តមាននេះ