រាជធានីភ្នំពេញ ៖ លោក លាក់ រតនា មន្ត្រីផ្នែកកិច្ចការទំនាក់ទំនងអង្គការសមាគមអភិរក្សសត្វព្រៃកម្ពុជា (WCS) បានលើកឡើងក្នុងសិក្ខាសាលា នាព្រឹកថ្ងៃទី២៨ ខែវិច្ឆិកានេះ នៅភោនីយដ្ឋានទន្លេរបាសាក់១ថា អង្គការលោកបានធ្វើការអភិរក្សសត្វព្រៃនៅតំបន់៤ផ្សេងគ្នា នៅក្នុងប្រទេសកម្ពុជា ។ អង្គការ WCS បានចូលមកស្រុកខ្មែរនៅឆ្នាំ១៩៩៩ បានធ្វើការសហកា រជាមួយក្រសួងបរិស្ថាន ក្រសួងកសិកម្មរុក្ខប្រមាញ់ និងនេសាទ ដើម្បអភិរក្សសត្វព្រៃនៅក្នុងប្រទេសកម្ពុជា ។
លោកបញ្ជាក់ថា៖«ទស្សនៈវិស័យយើងចង់ឃើញសត្វព្រៃរស់នៅធំធាត់នៅលើដែនដីយ៉ាងល្អ គ្មានការគំរាមកំហែង និងត្រូវបានឲ្យតម្លៃដោយមនុស្ស ។ បេសកម្មរបស់យើង គឺជួយសង្គ្រោះសត្វព្រៃ និងទីជម្រកសត្វព្រៃ និងឲ្យតម្លៃលើសត្វព្រៃ» ។
លោក ពុយគា អគ្គលេខាធិការក្លឹបអ្នកសារព័ត៌មានកម្ពុជាបានលើកឡើង ថាពេលកន្លងមកសមត្ថកិច្ចបានចាប់បានការជួញដូរភ្លុកដំរី ចំនួន៣លើកមកហើយ ដែរភាគច្រើនភ្លុកដំរីនោះ បាននាំពីប្រទេសក្រៅ ដើម្បីយកទីលក់ប្រទេសផ្សេងទៀត ។ ទីផ្សារធំដែលគេនាំភ្លុកដំរីទៅលក់ គឺប្រទេសចិន ។ ជាមួយគ្នានោះដែរ លោកបន្តថា អ្នកសារព័ត៌មានអាចចូលរួម អាចចូលរួមក្នុងការទប់ស្កាត់ការជួញដូរសត្វព្រៃបានដោយអ្នកសារព័ត៌មានអាចសួរនាំពីប្រភពនៃការ យកសត្វទាំងនោះមកពីណា ? តើសត្វមានការហាមឃាត់ដែរឬទេ?។
លោកពុយ គាក៏បានឲ្យដឹងថា មូលដែលធ្វើឲ្យទីផ្សារសត្វព្រៃមានការជួញដូរដោយសារ តែសត្វព្រៃមានតម្លៃខ្ពស់ ជាក់ស្តែងការស្រាវជ្រាវភ្លុកដំរី មានតម្លៃមានតម្លៃពី៧០០ដុល្លារទៅ ១២០០ដុល្លារ ឬគេហៅថាមាស«ស» ។ លោកបានបន្ថែមថា អ្នកសារព័ត៌មានក៏អាចចូលួមទប់ស្កាត់ការជួញដូរសត្វព្រៃផងដែរ ដោយអ្នកសារព័ត៌មានត្រូវនិយាយ គឺសរសេរថា អ្នកហូបសត្វព្រៃគួរគិតសិនថា តើសាច់សត្វនឹងជាប្រភេទសត្វកម្រ ឬទេ ឬក៏ជារបស់ងាយរក ។ ជាងនេះត្រូវធ្វើការផ្សព្វផ្សាយពីតំបន់មានការជួញដូរសត្វព្រៃជាដើម ។ បើតាមលោកពុយ គាបានឲ្យដឹងថា នៅក្នុងរយៈពេល១ឆ្នាំនៅលើទូទាំងពិភពលោកមានការជួញដូរសត្វមានទំហំទឹកប្រាក់២០ពាន់លាន់ដុល្លារ ដែលមានតួលេខខ្ពស់ ។
លោក ប៉ែន បូណាប្រធានក្លឹបអ្នកសារព័ត៌មានកម្ពុជាបានលើកឡើងថា ពេលកន្លងមកក្លឹប នេះបានធ្វើការសហការជាមួយអង្គការសង្គមជាច្រើនក្នុងការធ្វើសិក្ខាសាលាផ្សេងៗដូចជា បង្ហាញពាក់ព័ន្ធអំពើហិង្សាលើកស្ត្រី និងកុមារ បញ្ហាជូញដូរគ្រឿងញៀន…ក្នុងគោលបំណងឲ្យអ្នកសារព័ត៌មានមានគំនិតយល់ដឹងពីវិស័យមួយៗឲ្យច្បាស់ ក្នុងការងាយស្រួលសរសេរព័ត៌មាន ។ លោកបញ្ជាក់៖«នៅពេលអ្នកសារព័ត៌មានបានយល់ដឹងពីវិស័យមួយៗច្បាស់នោះ នៅថ្ងៃក្រោយអ្នកសារព័ត៌មាននឹងសរសេរអត្ថបទព័ត៌មានបានល្អទាក់ទិននឹងវិស័យទាំង នោះ» ៕ កែសម្រួលដោយ ៖ សុឃាក់
ចែករំលែកព័តមាននេះ