ខេត្តបន្ទាយមានជ័យ ៖ មន្ទីរសម្រាកព្យាបាលជងឺ«សុខាប៉ោយប៉ែត» មានទីតាំងស្ថិតនៅក្នុងភូមិបាលិលេយ្យ១ សង្កាត់និងក្រុងប៉ោយប៉ែត បានឃើញម្ចាស់រុះទម្លាក់ប៉ាយយីហោចុះហើយ នៅថ្ងៃទី២៦ វិច្ឆិកា នេះ ដោយបន្តរើសម្ភារចេញរហូតយប់ ក្រោយមន្ទីរនេះ បានជួបរឿងអាស្រូវលើករណីព្យាបាលអ្នកជំងឺម្នាក់ បណ្តាលឱ្យធ្ងន់ធ្ងន់ ហើយពេលបានពេលបញ្ជូនបន្តទៅមន្ទីរពេទ្យបង្អែក ក្រុងប៉ោយប៉ែត ជនរងគ្រោះក៏បានបាត់បង់ជីវិត ដោយមានប្រភពថា ក្រសួងឱ្យបិទអាជីវកម្ម ។
គួរបញ្ជាក់ថា មុនពេលមន្ទីរសម្រាកព្យាបាលសុខាប៉ោយប៉ែត រុះរើទម្លាក់ប៉ាយនេះ គឺមានស្ត្រីរងគ្រោះម្នាក់ឈ្មោះទេព្យ ចិន្តា អាយុ៤០ឆ្នាំ ជាកម្មកររោងចក្រ និងមានទីលំនៅភូមិព្រៃព្រិចសង្កាត់ និងក្រុងប៉ោយប៉ែតមានអាការមិនស្រួលខ្លួនឈឺក្បាល និងអស់កម្លាំងបានទៅព្យាបាលទីនោះ តែក្រោយបន្តោងសេរ៉ូមដល់កំប្លោកទី៣ ជនរងគ្រោះបែរជាមានសភាពធ្ងន់ធ្ងរឡើយទៅវិញ ។
ប្រភពបន្តថា ខណៈដឹកបញ្ជូនជនរងគ្រោះបន្តទៅមន្ទីរពេទ្យបង្អែក ក្រុងប៉ោយប៉ែត ក៏បានបាត់បង់ជីវិតតែម្តង ។ ដំបូងក្រុមគ្រួសានិងសាច់ញាតិបានឡាំប៉ាថា និងដាក់ពាក្យបណ្តឹងពីម្ចាស់មន្ទីរសម្រាកព្យាបាលខាងលើ តែក្រោយមកបែរជាលោកវ៉ាន់ ចេស ម្ចាស់មន្ទីរសម្រាកព្យាបាលប្រាប់អ្នកព័ត៌មានវិញថា គ្រួសាររងគ្រោះនិងខាងលោកព្រមទទួលយកកាដោះស្រាយគ្នាហើយ ។
ពាក់ព័ន្ធដំណោះស្រាយនេះ ប្រភពថាតំណាងភាគីរងគ្រោះទាមទារ១ម៉ឺនដុល្លារ តែបញ្ចប់ត្រឹម5000ដុល្លារ។យ៉ាងណាក៏ដោយ ពេលសាកសួរតាមទូរស័ព្ទរឿងដំណោះស្រាយថា តើដូចប្រភពដែលកោះសន្តិភាពទទួលបានឬទេ? ម្ចាស់មន្ទីរសម្រាកព្យាបាលសុខាបោយប៉ែត និងជាមន្ត្រីពេទ្យនៅមន្ទីរពេទ្យបង្អែកក្រុងប៉ោយបែតផង លោកវ៉ាន់ ចេស បានបដិសេធសុំមិនធ្វើអត្ថាធិប្បាយទេ ។
ដោយឡែក ករណីទម្លាក់ប៉ាយមន្ទីរសម្រាកព្យាបាល លោកប្រាប់ថា ខាងក្រសួងសុខាភិបាលបិទអាជីវកម្មលោកហើយ កាលពីថ្ងៃទី២៥ វិច្ឆិកា ។ បើទោះជាទីតាំងសម្រាកព្យាបាលសុខាប៉ោយប៉ែត ត្រូវបានក្រសួងសុខាភិបាលតម្រូវឱ្យបិទទ្វារ តែគេឃើញក្រុមគ្រូពេទ្យរើសម្ភារចូលទៅទីតាំងចាស់មួយទៀត ដែលមានយីហោ«បន្ទប់ពិគ្រោះនិងព្យាបាលជម្ងឺVANNCHES MEDICAL CABINET»ដែលទីតាំងចាស់មួយនេះ ជារបស់លោកវ៉ាន់ ចេសដដែល ។
ពេលរុះរើពីទីតាំងថ្មី ទៅបើកព្យាបាលនៅទីតាំងចាស់ ភ្នាក់ងារកោះសន្តិភាពសាកសួរបន្តថា តើត្រឹមត្រូវនិងច្បាប់របស់ក្រសួងដែរឬយ៉ាងណា? លោកវ៉ាន់ ចេស និយាយយ៉ាងសុភាពគួរឱ្យអាណិតថា «បងអើយ ខ្ញុំធ្លាក់ដុនដាបគេបិទគ្លីនិកខ្ញុំៗបើកជាលក្ខណៈCABINETតូចតាច ដើម្បីចិញ្ចឹមឆ្នាំងទេបង» ។
ចែករំលែកព័តមាននេះ