រាជធានីភ្នំពេញ ៖ ក្រសួងធនធានទឹក និងឧតុនិយមបានឲ្យដឹងថា ចាប់ពីថ្ងៃទី២៧ វិច្ឆិកា ដល់ថ្ងៃទី០៣ ធ្នូ កម្ពុជានឹងសម្ពាធខ្ពស់ បណ្តាលឲ្យខេត្តមួយចំនួនចុះត្រជាក់ ។ យោងតាមសេចក្តីជូនដំណឹងរបស់ក្រសួងចេញផ្សាយ នៅថ្ងៃទី២៧ វិច្ឆិកានេះ ស្តីពីស្ថានភាពអាកាសធាតុចាប់ពីថ្ងៃទី២៧ ខែវិច្ឆិកា ដល់ថ្ងៃទី០៣ ខែធ្នូ ឆ្នាំ២០១៩ ។
តាមរយៈការតាមដានស្ថានភាពធាតុអាកាសជាប្រចាំទាំងនៅក្នុងតំបន់ និងនៅកម្ពុជាសង្កេតឃើញថា ៖ ជ្រលងសម្ពាធខ្ពស់បាននឹងកំពុងគ្របដណ្តប់លើកម្ពុជា ។ ក្រសួងបន្តថា ស្ថានភាពបែបនេះធ្វើឲ្យធាតុអាកាសនៅកម្ពុជា ៖ ១- ខេត្តឧត្តរមានជ័យ ព្រះវិហារ ស្ទឹងត្រែង រតនគិរី និងខេត្តប៉ៃលិន សីតុណ្ហភាពអប្បបរមា មានពី២២-២៤°C និងសីតុណ្ហភាពអតិបរមាមានពី២៩-៣១°C ។
២- ខេត្តបន្ទាយមានជ័យ សៀមរាប បាត់ដំបង កំពង់ធំ ក្រចេះ និងខេត្តកោះកុងសីតុណ្ហភាពអប្បបរមា មានពី ២៣-២៥°C និងសីតុណ្ហភាពអតិបរមាមានពី ៣០ ទៅ៣២ °C ។ ៣- ខេត្តពោធិ៍សាត់ កំពង់ឆ្នាំង កំពង់ស្ពឺ កណ្តាល ព្រៃវែង ស្វាយរៀង កែប កំពត ព្រះសីហនុ និងរាជធានីភ្នំពេញ សីតុណ្ហភាពអប្បរមា មានពី ២៥ -២៦°C និងសីតុណ្ហភាពអតិបរមា មានពី ៣១-៣៣°c ៕ កែសម្រួលដោយ ៖ សុឃាក់
ចែករំលែកព័តមាននេះ