រាជធានីភ្នំពេញ ៖ មនុស្សប្រុស ស្រី២នាក់បានរងរបួសធ្ងន់ ខណៈជិះម៉ូតូបុកគ្នាពេញទំហឹងកាលពីវេលាម៉ោង២ និង៣៥នាទីរសៀល ថ្ងៃទី២០ ឧសភា ២០១៤ នៅលើផ្លូវជាតិលេខ៤ត្រង់ចំណុចមុខផ្សារជម្ពូវ័ន ស្ថិតក្នុងភូមិជម្ពូវ័ន សង្កាត់ចោមចៅ ខណ្ឌពោធិ៍សែនជ័យ។
ប្រភពព័ត៌មានពីកន្លែងកើតហេតុបានឱ្យដឹងថា មុនពេលកើតហេតុគេឃើញស្ត្រីម្នាក់ជិះម៉ូតូមួយគ្រឿងម៉ាកស្មាសវី ពណ៌ខ្មៅ ស៊េរី២០១៣ ពាក់ស្លាកលេខភ្នំពេញ១BC ៧៥៦៣ធ្វើដំណើរពីកើតទៅលិច ខណៈមកដល់ចំណុចកើតហេតុស្ត្រីរូបនេះបានបើកម៉ូតូវ៉ារថយន្តមួយគ្រឿងដែលធ្វើដំណើរស្របទិសគ្នាក៏ជ្រុលទៅបុកម៉ូតូមួយគ្រឿងទៀតម៉ាកស្គូពី ពណ៌លឿង ពាក់ស្លាកលេខភ្នំពេញ១AY ៧៩៧៣ ដែលកំពុងបើកឆ្លងផ្លូវពីជើងទៅត្បូងពេញទំហឹងបណ្តាលឱ្យដួលរបួសធ្ងន់ទាំង២នាក់តែម្តង។
ជនរងគ្រោះបើកម៉ូតូស្គូពីត្រូវគេស្គាល់ឈ្មោះលន់ ឆាយចិត្រា ហៅកៅ ភេទប្រុស អាយុ២៧ឆ្នាំ មានទីលំនៅភូមិអង្គកែវ ឃុំអង្គកែវ សង្កាត់ចោមចៅ ខណ្ឌពោធិ៍សែនជ័យ ត្រូវគេដឹកទៅសង្គ្រោះនៅគ្លីនិកឯកជន ចំណែកស្ត្រីម្ចាស់ម៉ូតូស្មាសវីមិនត្រូវបានស្គាល់ឈ្មោះទេ ត្រូវគេដឹកទៅសង្គ្រោះនៅមន្ទីរពេទ្យព្រះកុសុមៈ៕
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ