របាយការណ៍មួយបានបង្ហាញថា ចិនមានយន្តហោះទាំងអស់ចំនួន៣០០០គ្រឿង ដោយក្នុងនោះប្រភេទយន្តហោះចម្បាំងមានចំនួន១៧០០គ្រឿង ។ ចំនួនយន្តហោះចិនមាន ត្រូវបានគេយល់វាមានប្រហាក់ប្រហែលនឹងចំនួនយន្តហោះអាមេរិក ។ ខណៈចិនមានការផលិតយន្តហោះដោយខ្លួនឯងនោះ ចិនក៏ទិញយន្តហោះចម្បាំងផងដែរ ពីប្រទេសរុស្ស៊ី ។
របាយការណ៍មួយនិយាយថា ចិនមានយុទ្ធសាស្ត្រមិនត្រឹមតែប្រកួតប្រជែងអាវុធលើអាកាសជាមួយអាមេរិកទេ ប៉ុន្តែចិនថែមទាំងចង់យកឈ្នះទៀតផង ។ ដូច្នេះវាមិនមានអ្វីចម្លែកទេ ដែលចិនទិញយន្តហោះពីរុស្ស៊ី និងប្រឹងស្រាវជ្រាវរកបច្ចេកវិទ្យាផលិតយន្តហោះទំនើបៗនោះ ។
ចិនបច្ចុប្បន្នបានក្លាយជាមហាអំណាចសេដ្ឋកិច្ចទីពីរ បន្ទាប់ពីអាមេរិក ហើយក្រុងវ៉ាស៊ីនតោនកំពុងតែបារម្ភអំពីឥទ្ធិពលកាន់តែខ្លាំងឡើងរបស់ចិននៅលើពិភពលោក ៕ កែសម្រួលដោយ ៖ សុឃាក់
ចែករំលែកព័តមាននេះ