វត្តអារាមគឺជាទីកន្លែងទទួលភ្ញៀវគឺពុទ្ធបរិស័ទចូលមកទាំង៨ទិសដោយមិនប្រកាន់វណ្ណៈ ពណ៌សម្បុរ ឬពូជសាសន៍ឡើយ ។ ការប្រមូលគ្នាទៅកាន់ទីអារាមមានប្រយោជន៍ធំធេងណាស់ ព្រោះជាឱកាសល្អនាំឲ្យប្រជាបរិស័ទបានស្គាល់គ្នា រាប់រកគ្នា ប្រាស្រ័យទាក់ទងគ្នា ចេះយោគយល់គ្នា មានគំនិតរួបរួមគ្នា…
វត្តអារាមគឺជាទីកន្លែងទទួលភ្ញៀវគឺពុទ្ធបរិស័ទចូលមកទាំង៨ទិសដោយមិនប្រកាន់វណ្ណៈ ពណ៌សម្បុរ ឬពូជសាសន៍ឡើយ ។ ការប្រមូលគ្នាទៅកាន់ទីអារាមមានប្រយោជន៍ធំធេងណាស់ ព្រោះជាឱកាសល្អនាំឲ្យប្រជាបរិស័ទបានស្គាល់គ្នា រាប់រកគ្នា ប្រាស្រ័យទាក់ទងគ្នា ចេះយោគយល់គ្នា មានគំនិតរួបរួមគ្នា ដើម្បីបំពេញកុសល ឬសម្រេចកិច្ចការសន្តិសុខសង្គម ។
ឧបាសកឧបាសិកាដែលមានសទ្ធាសមាទានសីលក៏ជាកិច្ចការសង្គមមួយដ៏ប្រសើរ ព្រោះបានដុសខាត់សង្គមឲ្យស្អាតបរិសុទ្ធ ឲ្យមានចរិយាប្រសើរ មានសីលធម៌សង្គមខ្ពស់ ចំណែកឯការបំពេញទានដល់សង្ឃ ក៏ជាការងារសង្គមមួយដ៏ប្រសើរផងដែរ នាំឱ្យយើងចេះដុសខាត់សម្អាតចិត្ត ជម្រះសេចក្ដីកំណាញ់ កុំឱ្យគិតតែពីប្រយោជន៍ផ្ទាល់ខ្លួន ត្រូវបណ្តុះចិត្តគិតផ្ដល់ប្រយោជន៍និងសេចក្ដីសុខដល់អ្នកដទៃផង។
លើសពីនេះទៅទៀត ការប្រមូលគ្នាទៅកាន់វត្តអារាមក៏ជាឱកាសមួយដ៏ប្រសើរ ព្រោះអាចយកពេលជួបគ្នានេះសម្រាប់ជជែក ពិភាក្សាគ្នាអំពីកិច្ចការសង្គមផងនាំឲ្យកើតសេចក្ដីសុខក្សេមក្សាន្តដល់ការរស់នៅរបស់ប្រជាពលរដ្ឋទូទៅ ។ (ដោយសាន សារិន)
ចែករំលែកព័តមាននេះ