រាជធានីភ្នំពេញ ៖ សំណុំរឿងលក់ដូរមនុស្សសម្រាប់នាំឆ្លងដែន និងបទ.ធ្វើអន្តរការីនៃអំពើពពោះជំនួស កាលពីព្រឹកថ្ងៃទី២៥ ខែវិច្ឆិកានេះ ត្រូវបានសាលាដំបូងរាជធានីភ្នំពេញលើកយកមកបើកសវនាការជំនុំជម្រះទោសដែលមានជនត្រូវចោទទាំងអស់៤០នាក់ ក្នុងនោះមាន៥នាក់ នៅក្នុងឃុំ គឺមានបុរសជនជាតិចិនម្នាក់…
រាជធានីភ្នំពេញ ៖ សំណុំរឿងលក់ដូរមនុស្សសម្រាប់នាំឆ្លងដែន និងបទ.ធ្វើអន្តរការីនៃអំពើពពោះជំនួស កាលពីព្រឹកថ្ងៃទី២៥ ខែវិច្ឆិកានេះ ត្រូវបានសាលាដំបូងរាជធានីភ្នំពេញលើកយកមកបើកសវនាការជំនុំជម្រះទោសដែលមានជនត្រូវចោទទាំងអស់៤០នាក់ ក្នុងនោះមាន៥នាក់ នៅក្នុងឃុំ គឺមានបុរសជនជាតិចិនម្នាក់ និង៤នាក់ជានារីខ្មែរ ។
ចំណែកជនត្រូវចោទជា នារីដែលមានតួនាទីពពោះជំនួសមានចំនួន៣៣នាក់នមកចូលរួមសវនាការនេះដែរ លើកលែងតែ៣នាក់កំពុងគេចខ្លួន ។ ជនជាប់ចោទដែលនៅក្នុងឃុំខ្លួនមាន១-ឈ្មោះ LIU QIANG ជាជនជាតិចិន ភេទប្រុស អាយុ៤៩ឆ្នាំ (មេក្លោង) ២-ឈ្មោះ ស្វាយ ស៊ីណុច ហៅលី ភេទស្រី អាយុ៣៤ឆ្នាំ ៣- ឈ្មោះ លឹម សុខភាព ហៅស្តើង ភេទស្រី អាយុ១៩ឆ្នាំ ៤- ឈ្មោះ ថៃ ភាព ភេទស្រី អាយុ៤៣ឆ្នាំ និង៥-ឈ្មោះ នឿន ស្រីនាង ភេទស្រី អាយុ២៧ឆ្នាំ ហើយជនជាប់ចោទទាំងអស់ សុទ្ធតែមានមេធាវីការពារក្តីរៀងខ្លួន ។
សវនាការដឹកនាំដោយចៅក្រម គឺលោកស្រី ស៊ លីនណា ប្រធានក្រុមប្រឹក្សាជំនុំជម្រះ លោក សេង លាង និងលោក ឯក ប៉ូលីហ្វីល ចៅក្រមអម ចំណែកតំណាងអយ្យការ គឺលោកស្រី កែវ សុគន្ធា ព្រះរាជអាជ្ញារងអមសាលាដំបូងរាជធានីភ្នំពេញ ។ សវនាការនេះក៏មានលោកវរៈសេនីយ៍ឯក កែវ ធា ប្រធានការិយាល័យប្រឆាំងការជួញដូរមនុស្ស និងការពារអនីតិជនចូលរួមដែរ ព្រោះលោក កែវ ធា ជាសមត្ថកិច្ចដឹកនាំកម្លាំងចុះបង្ក្រាប ។ ពេញមួយព្រឹកនេះសវនាការនាបានដំណើរការ ហើយធ្វើការសាកសួរដេញដោលលើជនជាប់បានតែ២នាក់ក៏ដល់សម្រាកនឹងចាប់បន្តសាកសួរនៅរសៀលថ្ងៃដដែលនេះទៀត ។
ដោយសង្កេតឃើញថា ជនត្រូវចោទចំនួន៣៣នាក់ ដែលជានារីពពោះជំនួសសុទ្ធមានកូនម្នាក់មួយ អាយុជាងមួយឆ្នាំខ្លះ ប្រុសខ្លះស្រីនាំមកជាមួយដែរ នោះបង្ហាញឲ្យឃើញថា ជាកូនដែលប្រសូត្រចេញពី (មេជីវិត) មានន័យថា ទារកអត់មានតែម្តាយអត់ឪពុក ។ សង្កេតឃើញទៀតថា ក្នុងចំណោមកូនក្មេងដែលម្តាយគ្រប់រូបបីមកស្តាប់សវនាការនោះមុខមាត់ពួកគេមិនសូវកាត់មករកម្តាយដែលជានារីខ្មែរនោះទេ ភាគច្រើនកាត់ទៅរកជនបរទេស(អាស៊ី និងអឺរ៉ុប) អាចនិយាយបានថា បណ្តាលមកពី (មេជីវិត)មិនមែនជាខ្មែរ ។
ក្នុងចំណោមម្តាយក្មេងទាំង៣៣នាក់ បានឆ្លើយដូចៗគ្នានូវសំនួរចំពោះមុខអ្នកយកព័ត៌មានថា បើច្បាប់អាចកាត់ក្តីតម្រូវឲ្យកូនៗនេះប្រគល់ឲ្យទៅម្ចាស់លុយ ម្ចាស់មេជីវិត តើម្តាយគ្រប់រូបយល់ដូចម្តេចដែរ ? ម្នាក់ៗឆ្លើយយ៉ាងរហាស់រហួនថា មិនអាចឲ្យទេ ទី១-ខំបង្កើតមកជាកូនហើយ ទី២- ចំណាយពេលជាង១ឆ្នាំចិញ្ចឹមបីបាច់ថែរក្សា ដែលប្រើទឹកដោះខ្លួនឯងច្រើនជាងប្រើទឹកដោះគោ ។
ស្ត្រីមានកូនដោយសារមេជីវិត ដែលពពោះជំនួសទាំងអស់នោះភាគច្រើនជានារីរស់នៅជនបទ និងមានខេត្តផ្សេងៗពីគ្នា ប៉ុន្តែដោយមានមេខ្យល់ទាក់ទងនាំមកឲ្យពពោះបង្កើតកូនឲ្យគេ ដើម្បីបានប្រាក់ផ្គត់ជីវភាពក្នុងក្រុមគ្រួសារជាមុខរបរខុសច្បាប់ដែលមានមេក្លោងជាជនជាតិចិននេះ ។
គួបញ្ជាក់ថា នេះជាសវនាការលើកទី២ហើយ ដែលសាលាដំបូងរាជធានីភ្នំពេញបានលើកយកជំនុំជម្រះលើកទី១ កាលពីព្រឹកថ្ងៃទី២៤ ខែតុលា ឆ្នាំ២០១៩ តែលើកទី១នោះមិនបានសាកសួរដេញដោលទេ ដោយសារជនជាប់ចោទខ្លះខ្វះមេធាវី ហើយបានលើកមកថ្ងៃនេះ ។
តាមចម្លើយបឋមរបស់នារីពរពោះជំនួសទាំង៣៣នាក់ នៅចំពោះសមត្ថកិច្ចក៏ដូចចៅក្រមស៊ើបសួរថា សម្រាប់ពួកគេដែលស៊ីឈ្នួលពរពោះជំនួសម្នាក់កូន១នេះទទួលបានប្រាក់កំរៃចំនួន១ម៉ឺនដុល្លារអាមេរិក ហើយគិតចាប់ពីខែដំបូងទៅបើកបានប្រាក់ចំនួន៥០០ដុល្លារមេរិក និងខែបន្ទាប់៣០០ ដុល្លារអាមេរិក រហូតដល់កើតកូននោះទើបទទួលបានចំនួន៦០០០ ដុល្លារមេរិកបន្ថែមទៀត៕ កែសម្រួលដោយ ៖ សុឃាក់
ចែករំលែកព័តមាននេះ