Ronaldo អាច​នឹង​ប្រឈម​នឹង​ត្រូវ​ពិន័យ​មិន​ឱ្យ​ប្រកួត​២​ឆ្នាំ


តាម​ប្រភព​ព័ត៌មាន Soccer Laduma បានឱ្យ​ដឹង​ថា កំពូល​តារាបាល់ទាត់​របស់​ក្លឹ​ប​សេះបង្កង់ Juventus កីឡាករ Cristiano Ronaldo អាច​នឹង​ប្រឈម​មុខ​នឹង​ការ​ហាមឃាត់​រយៈពេល​ពីរ​ឆ្នាំ ដោយសារ​ប្រតិកម្ម​របស់​គាត់​ពេល​ត្រូវ​បាន​ជំនួស​ក្នុង​ការ​ប្រកួត កាលពី​ចុង​ស​ប្តា​ហ៍​កន្លង​មកនេះ​។

Ronaldo មានការ​ខឹងសម្បា​យ៉ាង​ខ្លាំង បន្ទាប់​ពី​ត្រូវ​បាន​ជំនួស ដែល​បញ្ជា​ដោយ​គ្រូបង្វឹក លោក Maurizio Sarri នៅ​នាទី​ទី​៥៥ ក្នុង​ការ​ប្រកួត​ឈ្នះ​លើ​ក្រុម AC Milan កាលពី​ថ្ងៃអាទិត្យ ហើយ​ត្រូវ​បាន​គេ​រាយការណ៍​ថា បាន​ចាក​ចេញពី​ពហុ​កីឡដ្ឋាន​មុន​ពេល​ការ​ប្រកួត​បាន​បញ្ចប់​។

យោង​តាម​អតីត​ខ្សែប្រយុទ្ធ​របស់​ក្លិប AS Roma លោក Antonio Cassano បានឱ្យ​ដឹង​ថា ប្រតិកម្ម​របស់​កីឡាករ​ព័រ​ទុ​យ​ហ្កា​ល់​រូប​នេះ​អាច​ធ្វើ​ឱ្យ​គាត់​មានការ​ហាមឃាត់​យ៉ាងធ្ងន់ធ្ងរ​ពី​អាជ្ញាធរ​អ៊ី​តា​លី​។

អតីត​កីឡាករ​វ័យ ៣៧ ឆ្នាំ​រូប​នេះ​បាន​និយាយ​នៅ​ក្នុង​កម្មវិធី​ទូរទស្សន៍​អ៊ី​តា​លី Tiki-Taka ថា​៖ «​តើ​គាត់​បាន​ចាកចេញ​មុន​ពេល​ចប់​ការ​ប្រកួត​ទេ? អ្នក​មិន​អាច​ធ្វើ​ដូច្នេះ​បាន​ទេ ព្រោះ​គេ​មានច្បាប់​មិន​ឱ្យ​ចាក​ចេញពី​ការ​ប្រកួត​មុន​ពេល​បញ្ចប់​»​។

Cassano បាន​ប្រាប់​ពី​បទ​ពិសោធន៍​ផ្ទាល់ខ្លួន​របស់​គាត់​នៅ​ក្នុង​រឿង​នេះ បន្ទាប់​ពី​គាត់​ត្រូវ​បាន​កោះហៅ​វិញ បន្ទាប់​ពី​ចាក​ចេញពី​ការ​ប្រកួត​ដណ្តើម​ពានរង្វាន់​ជាមួយ​ក្រុម Lazio អំឡុង​ពេល​អាជីព​ជា​កីឡាករ​ផ្ទាល់​របស់​គាត់ ហើយ​បាន​បង្ហាញ​ថា ការ​ធ្វើ​ដូច Ronaldo នឹង​មានការ​ដាក់​ពិន័យ​មិន​ធូរ​ដៃ​ទេ​។

លោក​បាន​បន្ថែម​ថា​៖ «​ខ្ញុំ​ត្រូវ​ត្រឡប់​ទៅ​ពហុ​កីឡដ្ឋាន​ជា​បន្ទាន់ ដើម្បី​ចៀសវាង​ការ​ហាមឃាត់​រយៈពេល ២ ឆ្នាំ នៅ​ពេល​នោះ​»​។

តើ​អ្នក​គិត​ថា Ronaldo អាច​នឹង​ទទួល​ការ​ពិន័យ​មិន​ឱ្យ​ប្រកួត​រយៈពេល​២​ឆ្នាំ​ដែរ​ឬទេ ចំពោះ​ការ​ចាក​ចេញពី​ការ​ប្រកួត​មុន​ពេល​បែប​នេះ? (​កែសម្រួល​ដោយ ៖ បុប្ផា​)

Facebook Google Twitter Email

កីឡាអន្តរជាតិ

អត្រាប្តូរប្រាក់

អត្រាប្តូរប្រាក់ផ្សេងទៀត

Live

Sponsored News

ការស្ទង់មតិគេហទំព័រថ្មី




សូម​អរគុណ