រដ្ឋមន្ត្រីទេសចរណ៍ ៖ ថ្ងៃទី១ ភ្ញៀវទេសចរបរទេសជិត២ពាន់នាក់អង្គុយមើលការប្រណាំងទូក
- ភ្នំពេញ
រាជធានីភ្នំពេញ ៖ លោក ថោង ខុន រដ្ឋមន្ត្រីក្រសួងទេសចរណ៍ បានឲ្យដឹងថា ក្នុងថ្ងៃទី១ នៃព្រះរាជពិធីបុណ្យអុំទូក បណ្ដែតប្រទីប…
រាជធានីភ្នំពេញ ៖ លោក ថោង ខុន រដ្ឋមន្ត្រីក្រសួងទេសចរណ៍ បានឲ្យដឹងថា ក្នុងថ្ងៃទី១ នៃព្រះរាជពិធីបុណ្យអុំទូក បណ្ដែតប្រទីប…
រាជធានីភ្នំពេញ ៖ លោក ថោង ខុន រដ្ឋមន្ត្រីក្រសួងទេសចរណ៍ បានឲ្យដឹងថា ក្នុងថ្ងៃទី១ នៃព្រះរាជពិធីបុណ្យអុំទូក បណ្ដែតប្រទីប និងសំពះព្រះខែ អកអំបុក មានភ្ញៀវទេសចរបរទេសចំនួន ១,៩៨១នាក់ បានចូលអង្គុយទស្សនាការប្រណាំងទូក និងបណ្ដែតប្រទីប លើវេទិកាទេសចរណ៍។
ដូចរៀងរាល់ឆ្នាំដែរ ក្រសួងទេសចរណ៍ បានរៀបចំឲ្យមានវេទិកាទេសចរណ៍ សម្រាប់ឲ្យភ្ញៀវទេសចរចូលទស្សនាការប្រណាំងទូក បណ្ដែតប្រទីប និងសំពះព្រះខែ អកអំបុក នៅមុខព្រះរមរាជវាំង រយៈពេលបីថ្ងៃពេញ។
វេទិកាទេសចរណ៍នេះ មានការបកប្រែជា៣ភាសា ៖ ភាសាអង់គ្លេស បារាំង និងភាសាចិន ព្រមទាំងមានការផ្តល់ជូននូវទឹកបរិសុទ្ធ ភេសជ្ជៈ និងសេវាកម្មផ្សេងៗទៀតផងដែរ។ ការរៀបចំវេទិកាទេសចរណ៍នេះ គឺដើម្បីឲ្យភ្ញៀវទេសចរបានកម្សាន្ត និងស្វែងយល់ពីប្រពៃណី ទំនៀមទម្លាប់ វប្បធម៌របស់ខ្មែរ។
លោកបានបញ្ជាក់ថា ការរៀបចំវេទិកាទេសចរណ៍សម្រាប់អង្គុយទស្សនាការប្រណាំងទូកនៅមុខព្រះរមរាជវាំងនេះ ជាការទាក់ទាញភ្ញៀវទេសចរអន្តជាតិឱ្យមកកម្ពុជាកាន់តែច្រើន ជាពិសេសលើកទឹកចិត្តដល់ជនបរទេសស្វែងយល់វប្បធម៌ខ្មែរថែមទៀត៕ (កែសម្រួលដោយ ៖ បុប្ផា)
ចែករំលែកព័តមាននេះ