ត្រៀមកម្មករជាង៤០០នាក់ បោស និងលាងសម្អាតតាមសួនច្បារ
- ភ្នំពេញ
រាជធានីភ្នំពេញ ៖ លោក សាំ ពិសិដ្ឋ នាយកមន្ទីរសាធារណការ និងដឹកជញ្ជូនរាជធានីភ្នំពេញ បានឲ្យដឹងថា សម្រាប់ព្រះរាជពិធីបុណ្យអំទូកឆ្នាំនេះ ដោយមានកិច្ចសហការពីក្រុមយុវជន…
រាជធានីភ្នំពេញ ៖ លោក សាំ ពិសិដ្ឋ នាយកមន្ទីរសាធារណការ និងដឹកជញ្ជូនរាជធានីភ្នំពេញ បានឲ្យដឹងថា សម្រាប់ព្រះរាជពិធីបុណ្យអំទូកឆ្នាំនេះ ដោយមានកិច្ចសហការពីក្រុមយុវជន…
រាជធានីភ្នំពេញ ៖ លោក សាំ ពិសិដ្ឋ នាយកមន្ទីរសាធារណការ និងដឹកជញ្ជូនរាជធានីភ្នំពេញ បានឲ្យដឹងថា សម្រាប់ព្រះរាជពិធីបុណ្យអំទូកឆ្នាំនេះ ដោយមានកិច្ចសហការពីក្រុមយុវជន ស.ស.យ.ក មន្ទីរសាធារណការ បានត្រៀមកម្មករ និងអ្នកចូលរួមប្រមាណ៤២៦នាក់ និងឡានចំនួន៦គ្រឿង សម្រាប់ដើររើសប្រមូលសំរាម និងលាងសម្អាតតាមសួនច្បារ និងតំបន់មួយចំនួនទៀត នៃព្រះរាជពិធីបុណ្យអុំទូក ។
លោកបន្តថា ក្រុមការងារនេះ នឹងធ្វើការបោសសំអាត និងប្រមូលសំរាមចាប់ពីម៉ោង១២យប់ មកដល់ម៉ោង៧ព្រឹកឱ្យបានរួចរាល់ ។ លោក សាំ ពិសិដ្ឋ បានបញ្ជាក់ថា បងប្អូនកម្មករទាំងនេះ ធ្វើការបោសសំអាត និងដាក់វេណប្រចាំការ ដេកលើសួនច្បារ រង់ចាំប្រជាពលរដ្ឋហូបរួច និងកំសាន្តសប្បាយរួចរាល់ ទើបងើបឡើងបោសសំអាត ។
គួររំលឹកថា សម្រាប់រយៈពេល៣ថ្ងៃនៃព្រះរាជពិធីបុណ្យអំទូកឆ្នាំកន្លងទៅ ប្រជាពលរដ្ឋបានបន្សល់ទុកសំរាមរាយប៉ាយតាមសួនច្បារ និងទីសាធារណៈនានា ជិត៦ពាន់តោន ដែលត្រូវបានបោស កើប និងដឹកប្រមូលចេញយកទៅចាក់ចោលនៅទីលានចាក់សំរាម ក្នុងខណ្ឌ ដង្កោ ដែលសម្រាប់ថ្ងៃធម្មតា ប្រជាពលរដ្ឋរាជធានីភ្នំពេញ បានផលលិតសំរាមជាង១ពាន់តោនតែប៉ុណ្ណោះ ។ (កែសម្រួលដោយ ៖ បុប្ផា)
ចែករំលែកព័តមាននេះ