រាជធានីភ្នំពេញ ៖ ដោយមានការរៀបចំ និងសម្រួលពីអាជ្ញាធរ ប្រជាពលរដ្ឋរាជធានីភ្នំពេញ បានធ្វើការជួបជុំប្រមាណជិត៩០០ទីតាំង ដើម្បីទទួលទានអំបុក ការពារជាតិ សាសនា ព្រះមហាក្សត្រ…
រាជធានីភ្នំពេញ ៖ ដោយមានការរៀបចំ និងសម្រួលពីអាជ្ញាធរ ប្រជាពលរដ្ឋរាជធានីភ្នំពេញ បានធ្វើការជួបជុំប្រមាណជិត៩០០ទីតាំង ដើម្បីទទួលទានអំបុក ការពារជាតិ សាសនា ព្រះមហាក្សត្រ នាថ្ងៃទី០៩ ខែវិច្ឆិកា ដែលចំនឹងថ្ងៃបុណ្យខួបអនុស្សាវរីយ៍លើកទី៦៤ នៃទិវាបុណ្យឯករាជជាតិ ០៩វិច្ឆិកា។
សម្រាប់ការជួបជុំធំជាងគេ នៅក្នុងបរិវេណរមណីយដ្ឋានវត្តភ្នំ ដោយមានការចូលរួមពីមន្ត្រីរាជការ អាជ្ញាធរដែនដី និងប្រជាពលរដ្ឋយ៉ាងច្រើនកុះករ ស្ថិតក្នុងអធិបតីភាព លោកជំទាវកិត្តិសង្គហបណ្ឌិត ម៉ែន សំអន ឧបនាយករដ្ឋមន្ត្រី រដ្ឋមន្ត្រីក្រសួងទំនាក់ទំនងជាមួយរដ្ឋសភា ព្រឹទ្ធសភា និងអធិការកិច្ច និងជាប្រធានក្រុមការងារថ្នាក់ជាតិ ចុះជួយរាជធានីភ្នំពេញ, លោក ឃួង ស្រេង អភិបាលរាជធានីភ្នំពេញ និងលោកជំទាវ ដោយមានការប្រគំតន្ត្រីរាំកម្សាន្តយ៉ាងសប្បាយរីករាយផងដែរ ។
មន្ត្រីរដ្ឋបាលរាជធានីភ្នំពេញបានឲ្យដឹងថា កម្មវិធីហូបអំបុកសាមគ្គីនេះ បានរៀបចំជិត៩០០ទីតាំង គ្រប់ខណ្ឌទូទាំងរាជធានីភ្នំពេញ ដោយមានអ្នកចូលរួមទទួលទានអំបុកប្រមាណជាង១០ ម៉ឺននាក់ ក្នុងនោះមានមន្ត្រីរាជការ លោកគ្រូ អ្នកគ្រូ សិស្សានុសិស្ស និងប្រជាពលរដ្ឋនៅតាមមូល ដ្ឋាននានា ៕ (កែសម្រួលដោយ ៖ បុប្ផា)
ចែករំលែកព័តមាននេះ