ប្រទេសកូរ៉េខាងត្បូង ៖ កូរ៉េខាងត្បូងប្រកាសនាថ្ងៃទី៦វិច្ឆិកាថា ខ្លួននឹងកាត់បន្ថយចំនួនទាហានមកនៅត្រឹម៥០០.០០០នាក់ចាប់ពីពេលនេះដល់ឆ្នាំ២០២២ ក្នុងក្របខណ្ឌនៃការផ្ដួចផ្ដើមគំនិតទប់ទល់នឹងបញ្ហាប្រជាសាស្ត្រដ៏ចម្បង ខណៈប្រទេសមហាអំណាចសេដ្ឋកិច្ចធំទី៤នៅអាស៊ីនោះ កំពុងប្រឈមមុខនឹងភាពចាស់ដ៏ឆាប់របស់ប្រជាជន។
រដ្ឋមន្ត្រីសេដ្ឋកិច្ចនិងហិរញ្ញវត្ថុកូរ៉េខាងត្បូង លោកហុងណាមគីក៏ថ្លែងដែរថា ប្រទេសលោកនឹងធ្វើការកែទម្រង់កងទ័ពដោយប្រើប្រាស់បណ្ដាបច្ចេកវិទ្យាដូចជា បណ្ដាដ្រូនប្រដាប់អាវុធ បណ្ដាផ្កាយរណបសើុបការណ៍និងបណ្ដាយន្តហោះគ្មានមនុស្សបើក។ កម្មវិធីនេះកើតមានខណៈចំនួនមនុស្សដែលចាំបាច់សម្រាប់បម្រើក្នុងកងទ័ព នឹងត្រូវកាត់បន្ថយមកនៅត្រឹម២២៥.០០០នាក់ក្នុងឆ្នាំ២០២៥ មុនធ្លាក់មកនៅត្រឹម១៦១.០០០នាក់ក្នុងឆ្នាំ២០៣៨ទល់នឹង៣៦០.០០០នាក់ក្នុងឆ្នាំ២០១៦។
ក្នុងឆ្នាំ២០១៨កងទ័ពកូរ៉េខាងត្បូងមានទាហាន៥៩៩.០០០នាក់។ នេះបើតាមសៀវភៅសស្ដីពីកិច្ចការពាររបស់កូរ៉េខាងត្បូង ចេញផ្សាយកាលពីខែមករាឆ្នាំដដែលនោះ។ ជាការប្រៀបធៀបគ្នាបុគ្គលិកជាកងយោធាសកម្មរបស់កូរ៉េខាងជើង មានដល់១,២៨លាននាក់។
ការសម្រេចចិត្តនោះកើតមានខណៈកូរ៉េខាងត្បូងជួបប្រទះនឹងបញ្ហាប្រជាសាស្ត្រដ៏អាក្រក់មួយ៕ (កែសម្រួលដោយ ៖ បុប្ផា)
ចែករំលែកព័តមាននេះ