មិនយូរប៉ុន្មានក្រោយពីការប្រកាសរបស់ម៉ៅ អ្វីដែលគួរអោយភ្ញាក់ផ្អើលសំរាប់គាត់ គឺមានប្រជាជន ជាច្រើនជាពិសេសពួកអ្នកមានការអប់រំជ្រៅជ្រះបានចាប់ផ្តើមធ្វើការរិះគន់គណបក្សកុម្មុយនិស្តយ៉ាងចាស់ដៃ ។ ពួកគេទាមទារអោយមានការផ្លាស់ប្តូរជាទូទៅ តែម៉ៅយល់ឃើញថា ពេលនេះបទវិន័យតឹងតែងមានសារៈសំខាន់ជាងសំរាប់ចិន ហើយលោកបានប្រកាសថា នៅពេលណាមួយចិននឹងមានសេរីភាពច្រើនដូចតាមការទាមទាររបស់ពួកគេមិនខាន ។
ហេតុដូច្នេះហើយលោកបានប្រកាសសង្គ្រាមជាមួយអ្នករិះគន់ ដោយចាប់ដាក់ គុកអ្នកប្រឆាំងជាច្រើន ហេតុការណ៍នេះក៏បានពន្យល់ម៉ៅថា លោកពុំអាចពឹងលើបញ្ញាវ័ន្តខ្ពស់ៗបានឡើយ ផ្ទុយទៅវិញត្រូវពឹងលើប្រជាជនសាមញ្ញចិន ។
រុស្សីបានហៅវិស្វករ និងជំនាញការរបស់ខ្លួនដែលធ្លាប់បានជួយស្ថាបនាប្រទេសចិនអោយវិលត្រឡប់ទៅស្រុកវិញ ព្រមទាំងកាត់ផ្តាច់ជំនួយសេដ្ឋកិច្ចថែមទៀត ។ សង្គ្រាមពាក្យសម្តីធ្ងន់ៗបានផ្ទុះនៅពេលដំណាលគ្នាស្តីពីកម្មសិទ្ធិដីនៅតាមបណ្តោយព្រំដែននៃប្រទេសទាំងពីរ ។
បដិវត្តន៍វប្បធម៌ចិន : ហេតុអ្វីបានកើតមានហើយនាំមកនូវផលវិបាកអ្វី ?
នៅពេលម៉ៅបារម្ភពីបញ្ហាកាន់តែធ្ងន់ធ្ងរឡើងៗជាមួយរុស្សី លោកក៏បារម្ភថាប្រជាជនចិន ជាពិសេសពួកបញ្ញវ័ន្តក្មេងៗកាន់តែជឿជាក់លើខ្លួនឯង និងមានគំនិតរកលុយកាក់សម្រាប់ហោប៉ៅខ្លួនឯងដែរ ។ លោកបាននិយាយថាមនុស្សធុននេះលែងបំរើប្រជាជនទៀតហើយ ។ ប្រសិនបើអាកប្បកិរិយាដូច្នេះនៅតែបន្តមាននោះគម្លាតសមភាពចាស់នឹងវិលប្រឡប់មកសាជាថ្មី ។ ប្រជា ជននឹងមានវណ្ណៈជាច្រើនដូចជាក្រុមអ្នកមានអ្នកក្រដែលប្រកួតប្រជែងគ្នា ។ ដើម្បីការពារកុំអោយស្ថានភាពដូច្នេះកើតមានម៉ៅបានបង្កើតបដិវត្តន៍វប្បធម៌វណ្ណពលករមហាអស្ចារ្យ ។ គោលដៅដំបូងក្នុងចំនោមគោលដៅនានារបស់ម៉ៅសំរាប់ការធ្វើបដិវត្តន៍វប្បធម៌នេះ គឺកំចាត់មេដឹកនាំដ៏មានឥទ្ធិ ពលលីវ ចាវជី ដែលបានចាប់ផ្តើមផ្តល់រង្វាន់ដល់កម្មករចិនខ្លះសំរាប់ស្នាដៃលេចធ្លោរបស់គេ ។
ម៉ៅយល់ថាការធ្វើដូច្នេះពិតជា “ការយកតាមគំរូមូលធននិយម” ហើយប្រឆាំងនឹងគំនិតសមភាពដែលជាស្នូលនៃលទ្ធិកុម្មុយនិស្ត ។ ជាមួយនឹងការលើកទឹកចិត្តពីម៉ៅយុវជនយុវតីចិនរាប់សែននាក់ដែលគេហៅថា ពួកឆ្មាំក្រហមបានចាកចេញពីសាលារៀនរបស់គេ ។ ពួកគេបាន អូសទាញគ្រូរបស់ខ្លួនចេញពីសាលាកាត់តាមដងផ្លូវហើយសើចចំអកអោយពួកគ្រូៗថែមទៀត ។
បដិវត្តន៍វប្បធម៌បានរលត់រលាយបាត់ទៅវិញយ៉ាងទាន់ហន់ ។ នៅពេលកងទ័ពសូវៀតចូលលុកលុយប្រទេសឆេកូស្លូវ៉ាគីនៅឆ្នាំ១៩៦៨ ដើម្បីបង្ក្រាបអំពើបះបោរនៅទីនោះ ម៉ៅកាន់តែមានការព្រួយបារម្ភ ។ ម៉ៅបារម្ភខ្លាចក្រែងរុស្សីឆ្លៀតឱកាសក្នុងពេលដែលចិន ច្របូកច្របល់ផ្ទៃក្នុង និងទន់ខ្សោយហើយធ្វើការវាយប្រហារមកលើចិន ។ ដើម្បីទប់ស្កាត់ការវាយប្រហារដែលអាចកើតមានលោកបានបញ្ជាអោយកងទ័ពចិនពង្រឹងបទវិន័យហើយស្តារសណ្តាប់ធ្នាប់នៅតាមដងវិថីព្រមទាំងបំបាត់ចោលពួកឆ្មាំក្រហម ។ រហូតដល់ឆ្នាំ១៩៦៩បដិវត្តន៍វប្បធម៌បានបញ្ចប់ជីវិត ។ រឿងនេះនឹងមានផ្សាយជូននៅវគ្គបន្តទៀត ៕ កែសម្រួលដោយ ៖ សុឃាក់
បញ្ជាក់ ៖ នេះវគ្គទី១ មេដឹកនាំចិនដែលផុសចេញពីគ្រួសារកសិករ
វគ្គទី២ ស្នេហាដំបូងរបស់ម៉ៅ សេទុង
វគ្គទី៣ ម៉ៅ សេទុង និងការប្រកាសកាត់សក់កំប៉ោយចេញ
វគ្គទី៤ សម្រាប់ម៉ៅ សេទុង ការដណ្តើមបេះដូងកសិករ គឺជាផ្លូវឆ្ពោះទៅការគ្រប់គ្រងអំណាច
វគ្គទី៥ មហាដំណើរថ្មើជើងដ៏ល្បីល្បាញក្នុងប្រវត្តិសាស្ត្រចិន
វគ្គទី៦ ស្នេហារបស់ម៉ៅ និងឥទ្ឋិពលលើនយោបាយ
វគ្គទី៧ ការកកើតសាធារណរដ្ឋប្រជាមានិតចិន
ចែករំលែកព័តមាននេះ