សត្វលោកជោកជាំទៅដោយរាគៈ គឺចំណង់ សេចក្តីប្រាថ្នាសព្វបែបយ៉ាង ប៉ុន្តែអ្វីៗមិនមែនចេះតែកើតឡើងតាមតែតម្រូវការទេ លុះណាតែបុគ្គលតស៊ូ អំណត់ ព្យាយាមដ៏ខ្លាំងក្លា បូករួមនឹងសមត្ថភាពផងទើបអាចសម្រេចក្តីបំណងបាន បើពុំនោះទេវានឹងផ្ដល់នូវការខកចិត្តដល់អ្នកវិញមិនខាន តែទោះជាយ៉ាងណារបស់ដទៃៗក្នុងលោកនេះមិនមែនជាទីពឹងពិតប្រាកដឡើយ មានតែព្រះធម៌ទើបជាទីពឹងពិតប្រាកដ ។
ព្រះពុទ្ធជាម្ចាស់នៃយើង ដែលបានត្រាស់ដឹងនូវព្រះធម៌ គឺទ្រង់មិនមានព្រះទ័យចង់បាននូវអ្វីផ្សេងទៀតឡើយ ព្រោះព្រះអង្គបាននូវទីពឹងដ៏ប្រសើរ មិនមានអ្វីដទៃក្រៃលែងជាងនេះឡើយ ព្រះធម៌ទើបបានជាទីពឹងរឹងមាំ នាំអ្នកប្រតិបត្តិទៅកាន់សុគតិភព ។
សូមពុទ្ធបរិស័ទទាំងឡាយ ត្រូវព្យាយាមយកព្រះធម៌ជាទីពឹងទីពំនាក់អាស្រ័យ មិនថាជាតិនេះ ឬជាតិមុខគឺត្រូវតែមានសន្ដានចិត្តយកព្រះធម៌ជាទីពឹងពិតប្រាកដ កុំយកវត្ថុអ្វីដទៃជាទីពឹងមិនរឹងមាំទេ ។ (ដោយសាន សារិន)
ចែករំលែកព័តមាននេះ