លោក ថោង ខុន និងលោក សុខ ហុង បន្តតំណែងក្នុងសហព័ន្ធកីឡាកាយសម្ព័ន្ធ
- ភ្នំពេញ
រាជធានីភ្នំពេញ ៖ លោករដ្ឋមន្ត្រី ថោង ខុន ប្រធានគណៈកម្មាធិការជាតិអូឡាំពិកកម្ពុជា បាន ជាប់ឆ្នោតជាប្រធានសហព័ន្ធកីឡាកាយសម្ព័ន្ធ កម្ពុជា និងលោកឧកញ៉ា…
រាជធានីភ្នំពេញ ៖ លោករដ្ឋមន្ត្រី ថោង ខុន ប្រធានគណៈកម្មាធិការជាតិអូឡាំពិកកម្ពុជា បាន ជាប់ឆ្នោតជាប្រធានសហព័ន្ធកីឡាកាយសម្ព័ន្ធ កម្ពុជា និងលោកឧកញ៉ា សុខ ហុង ជាអនុប្រ ធានសហព័ន្ធ សម្រាប់អាណត្តិទី៦ឆ្នាំ២០១៩-២០២៣ ។
សហព័ន្ធកីឡាកាយសម្ព័ន្ធកម្ពុជា បានធ្វើមហា សន្និបាតបញ្ចប់អាណត្តិទី៥ កាលពីល្ងាចថ្ងៃទី៥ ខែវិច្ឆិកា ។ សម្រាប់អាណត្តិថ្មី សមាជិកប្រតិបត្តិមានចំនួន៩រូបរួមមាន លោក ថោង ខុន ទទួលបានការគាំទ្រជាប្រធាន លោកឧកញ៉ា សុខ ហុង ជាអនុប្រធាន លោក ណយ ផាណា ជា អគ្គលេខាធិការ លោក មាស សារ៉េត អគ្គលេ ខាធិការរង លោក ខៀវ ចិន្តា អគ្គហេរញ្ញិក អ្នកស្រី ដួង សាម៉ៃ អ្នកស្រី ពេជ្រ យូ លោក ជុំ រ៉ាទី និងលោក អៀម វ៉ាងឌុល ជាសមាជិក ។
លោក ណយ ផាណា ដែលជាអគ្គលេខាធិការ បានឲ្យដឹងថា នាពេលបច្ចុប្បន្នសហព័ន្ធ មានក្លិបជាសមាជិកចំនួន៩ គឺក្លិប៧មករាសែនជ័យ(ភ្នំពេញ) ក្លិបខេមឃីតឃុំខ្វាវ(តាកែវ) ក្លិប ខេមឃីតត្រពាំងឃ្លោក(តាកែវ) ក្លិបហ្សាក់កឹះ ម៉ាញ(ក្រចេះ) ក្លិបកំពង់ក្តារ(កំពង់ឆ្នាំង) ក្លិបកំពង់ត្រឡាចលើ(កំពង់ឆ្នាំង) ក្លិបកៀនរកា(កំពង់ឆ្នាំង) ក្លិបបឋមសិក្សាសាលាលេខ៥(កំពង់ ឆ្នាំង) និងក្លិបសាលាបាក់ទូក(ភ្នំពេញ) ។
លោកបន្ដថា ក្នុងអាណត្តិទី៥នេះ សហព័ន្ធកីឡាកាយសម្ព័ន្ធកម្ពុជា ទទួលបានលទ្ធផលជោគជ័យល្អប្រសើទាំងកិច្ចសហការថ្នាក់ជាតិ និងអន្តរជាតិ ជាពិសេសសហព័ន្ធទទួលបានការបណ្តុះបណ្តាលគ្រូថ្នាក់ជាតិនិងអន្តរជាតិ ចៅ ក្រមជាតិនិងចៅក្រមអន្តរជាតិ ។ សមិទ្ធផលទាំងនេះ កើតឡើងដោយសារមាន ការដឹកនាំចង្អុលបង្ហាញពីថ្នាក់ដឹកនាំអំពីចក្ខុវិ ស័យនៃការអភិវឌ្ឍកីឡាជំនាញ ។
សកម្មភាពទាំងនេះ ក្រោមកិច្ចសហការជាមួយគណៈកម្មាធិការជាតិរៀបចំកីឡាអាស៊ីអាគ្នេយ៍លើកទី៣២ (CAMSOC) ជាមួយគណៈកម្មាធិការជាតិអូឡាំ ពិកកម្ពុជា ក្រសួងអប់រំ យុវជន និងកីឡា និងអង្គភាពពាក់ព័ន្ធមួយចំនួនទៀត ទាំងក្នុងប្រទេសនិងក្រៅប្រទេសបានល្អ ទើបសហព័ន្ធកីឡាកាយសម្ព័ន្ធកម្ពុជាទទួលបានលទ្ធផលល្អប្រសើរបែបនេះ ។
សហព័ន្ធក៏នៅខ្វះខាតសម្ភារ ធនធានមន្ត្រីបច្ចេកទេស គ្របង្វឹក ចៅក្រម ជាពិសេសថវិកាសម្រាប់បញ្ជូនមន្ត្រីបច្ចេកទេសចូលរួមវគ្គអន្តរជាតិនានា និងបញ្ជូនគ្រូបង្វឹក កីឡាករកីឡា ការិនី ទៅចូលរួមប្រកួតជាលក្ខណៈអន្តរជាតិទាំងក្នុងនិងក្រៅតំបន់ ៕ (កែសម្រួលដោយ ៖ បុប្ផា)
ចែករំលែកព័តមាននេះ