អ្នកនិពន្ធ​សៀវភៅ​ល្បីឈ្មោះ​ផ្តាំ​ថា សហគ្រិន​ត្រូវជា​មនុស្ស​ពូកែ​ស្តាប់


បរទេស ៖ ការ​ស្តាប់​បាន​ក្លាយជា​ផ្នែក​មួយ​សម្រាប់​មនុស្ស​គ្រប់​ៗ​រូប ប៉ុន្តែ​វា​ពិតជា​មាន​សារៈសំខាន់​ណាស់​។ យ៉ាង​ណា​ក្តី ការ​ស្រាវជ្រាវ​បាន​បង្ហាញ​ឲ្យ​ដឹង​ថា មាន​តែ ១០%​នៃ​មនុស្ស​ប៉ុណ្ណោះ​ដែល​ចេះ​ស្តាប់​បាន​ដោយ​មាន​ប្រសិទ្ធិ​ភាព​ព្រោះ​ជា​ទូទៅ​ពេល​ដែល​យើង​ស្តាប់​អ្នក​ដទៃ យើង​ភាគច្រើន​គិត​ពី​អ្វី​ផ្សេង​ទៅ​វិញ​។ លោក ស្ទី​ផេ​ន ខូ​វី (Stephen Covey) ដែល​ជា​អ្នកនិពន្ធ​សៀវភៅ The 7 Habits of Highly Effective People បាន​អះអាង​ថា មនុស្ស​ភាគច្រើន​មិន​ស្តាប់​ដើម្បី​យល់​ដឹង​ទេ តែ​ពួក​គេ​ស្តាប់​ដើម្បី​ឆ្លើយ​តប​។

លោក អា​ថេ​គី​ន ថេ​ង (Aytekin Tank) ដែល​ជា​ស្ថាបនិក​និង​នាយក​ប្រតិបត្តិ​របស់​ក្រុមហ៊ុន JotForm បាន​ប្រាប់​មក​ថា ការ​ស្តាប់​បាន​ជួយ​ដល់​អាជីវកម្ម​របស់​លោក​ឲ្យ​បន្ត​លូតលាស់​រីក​ចម្រើន​។ លោក​តែងតែ​ព្យាយាម​ស្តាប់​បុគ្គលិក​របស់​ក្រុមហ៊ុន និង​អតិថិជន​ផង​ដែរ​។ ជា​ទូទៅ អ្នក​ដែល​ពូកែ​ស្តាប់​មានគុណ​សម្បត្តិ​ខាងក្រោម​នេះ​៖

១. ការ​ចូលរួម ៖ អ្នក​ដែល​ពូកែ​ស្តាប់​តែងតែ​សូរ​សំណួរ​បន្ទាប់​ដើម្បី​ដឹង​បន្ថែម និង​ពិភាក្សា​ដោយ​ស៊ីជម្រៅ​លើ​ប្រធានបទ​។ យើង​ធ្លាប់តែ​គិត​ថា​ភាព​ស្ងៀមស្ងាត់​បង្ហាញ​ពី​ការ​ផ្តោត​ស្មារតី​ខ្ពស់ ប៉ុន្តែ​អ្នក​ដែល​ពី​កែ​ស្តាប់​អាច​ឆ្លើយ​តប​បាន​លឿន​។

២. ការ​គាំទ្រ ៖ ការ​បង្ហាញ​ការ​គាំទ្រ និង​ជំនឿ​ចិត្ត​ជួយ​ធ្វើ​ឲ្យ​មនុស្ស​គ្រប់​រូប​ដែល​ចូល​រួមការ​សន្ទនា​ទទួល​បាន​បទ​ពិសោធន៍​ដ៏​ល្អ​។ អ្នក​ដែល​ពូកែ​ស្តាប់​ជួយ​បង្កើន​ជំនឿ​ចិត្ត​របស់​អ្នក​ដទៃ​ដែល​នៅ​ក្នុង​កិច្ច​សន្ទនា​ជាមួយ​គ្នា ។

៣. ការ​សហការ​៖ ពេល​ដែល​ភាគី​ទាំងអស់​មានការ​ផ្លាស់​ប្តូរ​មតិយោបល់​គ្នា មិន​មាន​ភាគី​ណាមួយ​ដែល​គួរ​ការពារ​ខ្លួន​ឡើយ​។ អ្នក​ដែល​មិន​ពូកែ​ស្តាប់​ប្រើ​ភាព​ស្ងៀមស្ងាត់​របស់​ពួក​គេ​ដើម្បី​ត្រៀម​សម្រាប់​ការ​កែសម្រួល​ដែល​ធ្វើ​ឲ្យ​ការ​សន្ទនា​មាន​ភាព​តានតឹង​។

៤. ភាព​វិជ្ជមាន​៖ អ្នក​ដែល​ពូកែ​ស្តាប់​ផ្តល់​មតិយោបល់​ល្អ​ៗ​មក​វិញ​។ ពេល​ដែល​បុគ្គលិក​ដទៃ​ដឹង​ថា​អ្នក​កំពុង​តែ​ស្តាប់​ដោយ​យកចិត្តទុកដាក់ នោះ​ពួក​គេ​មានឱកាស​ច្រើន​ក្នុង​ការ​ទទួលយក​មតិយោបល់​របស់​អ្នក​ដែរ ៕ កែសម្រួល​ដោយ ៖ សុ​ឃា​ក់

Facebook Google Twitter Email

គួរ​យល់​ដឹង

អត្រាប្តូរប្រាក់

អត្រាប្តូរប្រាក់ផ្សេងទៀត

Sponsored News

ការស្ទង់មតិគេហទំព័រថ្មី




សូម​អរគុណ