ខេត្តកំពត់ ៖ មនុស្សប្រុសស្រី3នាក់បានស្លាប់ពេលបញ្ជូនមកដល់មន្ទីរពេទ្យបង្អែកស្រុកកំពង់ត្រាច និងមនុស្ស3នាក់ផ្សេងទៀតបានរងរបួសក្នុងគ្រោះថ្នាក់ចរាចរណ៍មួយបានកើតឡើងកាលពីវេលាម៉ោង12យប់ ថ្ងៃទី3 វិច្ឆិកា នៅលើកំណាត់ផ្លូវជាតិលេខ31ត្រង់ចំណុចភូមិក្រាំងដូង ឃុំសំរោងក្រោម ស្រុកបន្ទាយមាស ខេត្តកំពត…
ខេត្តកំពត់ ៖ មនុស្សប្រុសស្រី3នាក់បានស្លាប់ពេលបញ្ជូនមកដល់មន្ទីរពេទ្យបង្អែកស្រុកកំពង់ត្រាច និងមនុស្ស3នាក់ផ្សេងទៀតបានរងរបួសក្នុងគ្រោះថ្នាក់ចរាចរណ៍មួយបានកើតឡើងកាលពីវេលាម៉ោង12យប់ ថ្ងៃទី3 វិច្ឆិកា នៅលើកំណាត់ផ្លូវជាតិលេខ31ត្រង់ចំណុចភូមិក្រាំងដូង ឃុំសំរោងក្រោម ស្រុកបន្ទាយមាស ខេត្តកំពត ។
លោក មិន ញ៉េប នាយផ្នែកនគរបាលសណ្ដាប់ធ្នាប់សាធារណៈស្រុកបន្ទាយមាសបាននិយាយប្រាប់អោយដឹងថា រថយន្តម៉ាក់ហាយឡែនឌ័រមួយគ្រឿង ពាក់ផ្លាកលេខ ភ្នំពេញ 2AT-1080 បើកបរត្រឡប់មកពីចូលរួមមង្គលការ ក្នុងទិសដៅពីជើងទៅត្បូងតែមកដល់ចំណុចផ្លូវកោងរថយន្តនោះក៏បានរ៉េចង្កូតទៅក្រឡាប់ធ្លាក់ក្នុងប្រឡាយទឹកនៅចំណុចភូមិសាស្ត្រខាងលើ ។
លោក មិន ញ៉េប និយាយប្រាប់បន្តថា បន្ទាប់ពីមានគ្រោះថ្នាក់រថយន្តក្រឡាប់នេះភ្លាមៗមានមនុស្សប្រុសស្រី6នាក់ត្រូវបានរងរបួសហើយអ្នកជិះរថយន្តផ្សេងទៀតទៅចូលរួមមង្គលការជាមួយគ្នាបានជួយដឹកជញ្ជូនជនរងគ្រោះទៅកាន់មន្ទីរពេទ្យបង្អែកស្រុកកំពង់ត្រាច ។
លោក មិន ញ៉េប និយាយថាអ្នកស្លាប់ក្នុងគ្រោះថ្នាក់ចរាចរណ៍ដោយខ្លួនឯងនេះមានចំនួន3នាក់គឺស្រីម្នាក់ ប្រុស2នាក់ ។ ជនរងគ្រោះទាំងអ្នកស្លាប់ និងអ្នករងរបួស នៅភូមិ3 សង្កាត់3 ក្រុងព្រះសីហនុ ៕
កែសម្រួលដោយ ៖ សំណាង
ចែករំលែកព័តមាននេះ