តាមប្រភពព័ត៌មាន Soccer Laduma បានឱ្យដឹងថា បន្ទាប់ពីកីឡាករឆ្នើមសញ្ជាតិប្រេស៊ីល Neymar ទះកំផ្លៀងអ្នកគាំទ្រក្លឹបគូប្រជែង ការដាក់ទណ្ឌកម្មរបស់ខ្សែប្រយុទ្ធ Paris Saint-Germain ឥឡូវនេះត្រូវបានចេញជាផ្លូវការហើយ។
PSG បានរងនូវការបរាជ័យដ៏គួរឱ្យភ្ញាក់ផ្អើលចំពោះ Stade Rennais ក្នុងការប្រកួតវគ្គផ្តាច់ព្រ័ត្រ French Cup កាលពីរដូវកាលមុន ហើយពេលនោះ Neymar ក្រេវក្រោធខ្លាំងដល់ថ្នាក់ទះកំផ្លៀងអ្នកគាំទ្រក្រុមម្ខាងទៀត។
ឧប្បត្តិហេតុនេះត្រូវបានគេថតបានដោយកាមេរ៉ា ហើយត្រូវបានបញ្ជូនទៅកាន់ព្រះរាជអាជ្ញាព្រហ្មទណ្ឌបារាំង ដែលឥឡូវនេះបានបង្ហាញពីទោសដែល Neymar នឹងត្រូវទទួល។ យោងតាមទីភ្នាក់ងារព័ត៌មានបារាំង អយ្យការបានសម្រេចចិត្តចេញសេចក្តីព្រមានជាលាយលក្ខណ៍អក្សរដល់ Neymar ។
មេធាវីរបស់ជនរងគ្រោះ បានចេញមុខប្រឆាំងនឹងសេចក្តីសំរេចនេះដោយអះអាងថា វាមិនអាចទទួលយកបាន និង វាមិនសមសោះសម្រាប់ទង្វើហិង្សា។
Neymar ត្រូវបានគេហាមមិនឱ្យឡើងប្រកួត៣ដង បន្ទាប់ពីឧប្បត្តិហេតុនេះ ហើយចាប់តាំងពីពេលនោះគេបានវិលត្រឡប់ទៅទីលានប្រកួតវិញ ទោះបីជាត្រូវបានរងរបួសសរសៃពួរក៏ដោយ៕
ចែករំលែកព័តមាននេះ