រាជធានីភ្នំពេញ ៖ បុរសម្នាក់បានធ្លាក់ខ្លួនឈឺនិងដេកស្លាប់នៅក្នុងដីឡូត៍របស់ខ្លួន ដោយសារតែគិតតែផឹកស្រវឹងខួបនិងសេពគ្រឿងញៀនខ្លាំងពេក ហើយប្រពន្ធកូនក៏រត់ចោល ។ ហេតុការណ៍ បង្កឱ្យភ្ញាក់ផ្អើលកាលពីវេលាម៉ោងប្រមាណ២និង៣០នាទីរសៀលថ្ងៃទី០៤ វិច្ឆិកា ស្ថិតនៅក្នុងភូមិក្រោលគោ…
រាជធានីភ្នំពេញ ៖ បុរសម្នាក់បានធ្លាក់ខ្លួនឈឺនិងដេកស្លាប់នៅក្នុងដីឡូត៍របស់ខ្លួន ដោយសារតែគិតតែផឹកស្រវឹងខួបនិងសេពគ្រឿងញៀនខ្លាំងពេក ហើយប្រពន្ធកូនក៏រត់ចោល ។ ហេតុការណ៍ បង្កឱ្យភ្ញាក់ផ្អើលកាលពីវេលាម៉ោងប្រមាណ២និង៣០នាទីរសៀលថ្ងៃទី០៤ វិច្ឆិកា ស្ថិតនៅក្នុងភូមិក្រោលគោ សង្កាត់គីឡូម៉ែត្រលេខ៦ ខណ្ឌប្ញស្សីកែវ ។
សេចក្តីរាយការណ៍ឱ្យដឹងថា បុរសដែលដេកស្លាប់ខាងលើ ឈ្មោះភឿង ប៊ុននី ហៅអ៊ុយ អាយុ៤០ឆ្នាំ ។ តាមព័ត៌មានថា នៅមុនពេលកើតហេតុ មានអ្នកភូមិបានធ្វើដំណើរចូលទៅក្នុងដីឡូតិ៍ ស្រាប់តែប្រទះឃើញបុរសរូបនោះដេកស្លាប់នៅក្នុងគ្រោងទូដាក់ខោអាវ ហើយក៏រាយការណ៍ប្រាប់នគរបាលចុះមកពិនិត្យតែម្តង ។
តាមគ្រួសារថា គាត់មានប្រពន្ធនិងកូនម្នាក់ ដោយសារតែគិតតែពីផឹកនិងប្រើប្រាស់គ្រឿងញៀន ប្រពន្ធនិងកូនបានរត់ចោលជាច្រើនឆ្នាំមកហើយ ធ្វើអោយបុរសរូបនោះរស់នៅតែលតោលអនាថាគ្មានទីពុំនាក់។ មួយរយៈកន្លងមក គាត់រស់នៅដោយសារតែអ្នកជិតខាង មានការអាណិតអាសូរផ្តល់បាយទឹកឱ្យ ។
តាមព័ត៌មានឱ្យដឹងទៀតថា ដោយសារតែស្រា និងគ្រឿងញៀន បានប្រែក្លាយបុរសរូបនោះ ជាមនុស្សអនាថា ហើយធ្លាក់ខ្លួនដេកនៅក្នុងគ្រោងទូដាក់ខោអាវ ហើយបានស្លាប់យ៉ាងអាណោចអាធមបែបនេះ។បន្ទាប់ពីភ្ញាក់ផ្អើលនគរបាលបានចុះទៅពិនិត្យ រួចប្រគល់អោយក្រុមគ្រួសារជាម្តាយមីង នាំយកទៅធ្វើបុណ្យនៅវត្តឧត្តរាវតី ។
ចែករំលែកព័តមាននេះ