ក្រុងហុងកុង ៖ ប្រធានាធិបតីចិនលោកស៊ីជីនពីង កាលពីថ្ងៃទី៤វិច្ឆិកាពេលជួបគ្នានៅទីក្រុងសៀងហៃ បានសម្ដែងទំនុកចិត្តខ្ពស់ចំពោះមេដឹកនាំក្រុងហុងកុងលោកស្រីការីឡាម ក៏ទោះបីបាតុកម្មហិង្សានៅបន្តក្នុងដែនដីអតីតអាណានិគមអង់គ្លេសនោះក្ដី។ យោងតាមទីភ្នាក់ងារព័ត៌មានចិនស៊ីនហួថា ក្រោយពិព័រណ៍នាំចូលក្រុងសៀងហៃ ដែលបើកកាលពីថ្ងៃទី៤វិច្ឆិកា លោកស៊ីជីនពីងក៏អំពាវនាវផងដែរ…
ក្រុងហុងកុង ៖ ប្រធានាធិបតីចិនលោកស៊ីជីនពីង កាលពីថ្ងៃទី៤វិច្ឆិកាពេលជួបគ្នានៅទីក្រុងសៀងហៃ បានសម្ដែងទំនុកចិត្តខ្ពស់ចំពោះមេដឹកនាំក្រុងហុងកុងលោកស្រីការីឡាម ក៏ទោះបីបាតុកម្មហិង្សានៅបន្តក្នុងដែនដីអតីតអាណានិគមអង់គ្លេសនោះក្ដី។
យោងតាមទីភ្នាក់ងារព័ត៌មានចិនស៊ីនហួថា ក្រោយពិព័រណ៍នាំចូលក្រុងសៀងហៃ ដែលបើកកាលពីថ្ងៃទី៤វិច្ឆិកា លោកស៊ីជីនពីងក៏អំពាវនាវផងដែរ ឲ្យធ្វើការខិតខំប្រឹងប្រែងប្រកបដោយប្រសិទ្ធភាពនានា ដើម្បីកែលម្អជីវភាពរបស់ប្រជាជនហើយឲ្យមានការចរចាជាមួយគ្រប់ផ្នែកនៃសង្គម។
ប្រធានាធិបតីចិនមានប្រសាសន៍ថា លោកស្រីឡាមបានដឹកនាំរដ្ឋាភិបាលតំបន់រដ្ឋបាលពិសេសហុងកុង ជាមួយការបំពេញបានពេញលេញបណ្ដាភារកិច្ចរបស់លោកស្រី ខិតខំធ្វើឲ្យសភាពការណ៍មានស្ថេរភាពនិងកែលម្អបរិយាកាសសង្គម ហើយលោកស្រីបានធ្វើការងារដ៏ច្រើន។
លោកស៊ីសម្ដែងទំនុកចិត្តខ្ពស់បំផុតរបស់រដ្ឋាភិបាលកណ្ដាល ចំពោះលោកស្រីឡាម ហើយដឹងគុណដល់ការងាររបស់លោកស្រីនិងក្រុមដឹកនាំរបស់លោកស្រី។ តាមស៊ីនហួលោកស៊ីកត់សម្គាល់ថា ការបញ្ច្ច្ប់អំពើហិង្សានិងចលាចលព្រមទាំងស្ដារឡើងវិញនូវរបៀបរៀបរយ នៅតែជាភារកិច្ចសំខាន់បំផុតសម្រាប់ហុងកុងបច្ចុប្បន្ន៕ (កែសម្រួលដោយ ៖ បុប្ផា)
ចែករំលែកព័តមាននេះ