រាជធានីភ្នំពេញ ៖ ក្នុងគោលបំណងជំរុញឲ្យមានការផ្លាស់ប្ដូរលើវិស័យវប្បធម៌ សិល្បៈ និងភាពយន្តរវាងប្រទេសចិន និងកម្ពុជាឲ្យបានកាន់តែស៊ីជម្រៅថែមមួយកម្រិតទៀត និងពង្រឹងនូវចំណងមិត្តភាពរវាងប្រជាជននៃប្រទេសទាំងពីរតំណាងរដ្ឋាភិបាលកម្ពុជា- ចិនបានបើកសម្ពោធជាផ្លូវការភាពយន្តចល័តចិន-កម្ពុជាដ៏ឆ្នើមលើកទី៤ ។ ថ្លែងក្នុងពិធីសម្ពោធដាក់ដំណើរការភាពយន្តចល័តចិន-…
រាជធានីភ្នំពេញ ៖ ក្នុងគោលបំណងជំរុញឲ្យមានការផ្លាស់ប្ដូរលើវិស័យវប្បធម៌ សិល្បៈ និងភាពយន្តរវាងប្រទេសចិន និងកម្ពុជាឲ្យបានកាន់តែស៊ីជម្រៅថែមមួយកម្រិតទៀត និងពង្រឹងនូវចំណងមិត្តភាពរវាងប្រជាជននៃប្រទេសទាំងពីរតំណាងរដ្ឋាភិបាលកម្ពុជា- ចិនបានបើកសម្ពោធជាផ្លូវការភាពយន្តចល័តចិន-កម្ពុជាដ៏ឆ្នើមលើកទី៤ ។ ថ្លែងក្នុងពិធីសម្ពោធដាក់ដំណើរការភាពយន្តចល័តចិន- កម្ពុជាដ៏ឆ្នើមលើកទី៤ នារសៀលថ្ងៃទី៤វិច្ឆិកា នៅសាលាសន្និចតុមុខ ។
លោក វ៉ាង វិនធាន ឯកអគ្គរដ្ឋទូតនៃសាធារណរដ្ឋប្រជាមានិតចិនប្រចាំនៅកម្ពុជាថា ទំនាក់ទំនងរវាងប្រទេស និងប្រទេសស្ថិតនៅក្រោមការស្រឡាញ់គ្នាទៅវិញទៅមកនៃប្រជាជន ហើយការស្រឡាញ់គ្នាទៅវិញទៅមកនៃប្រជាជនស្ថិតក្រោមការយល់ចិត្តគ្នាទៅវិញទៅមក ។ លោកបន្តថាថ្នាក់ដឹកនាំកំពូលនៃប្រទេសទាំងពីរបានចាក់ទុកឆ្នាំ២០១៩ ជាឆ្នាំវប្បធម៌ទេសចរណ៍រវាងកម្ពុជា និងចិន គឺដើម្បីជំរុញកិច្ចទំនាក់ទំនងមនុស្សសាស្ត្រនៃប្រទេសទាំងពីរកាន់តែល្អប្រសើរ ។
លោកបញ្ជាក់ថា ៖ «ព្រឹត្តិការណ៍ដំណើរចាក់បញ្ចាំងភាពយន្តបានធ្វើឲ្យប្រជាពលរដ្ឋកម្ពុជាដែលរស់នៅឆ្ងាយពីទីក្រុងអាចចូលរួមទស្សនាភាពយន្តឆ្នើមរវាងកម្ពុជា ចិន តាមទម្រង់ខុសៗគ្នានៅក្បែរភូមិដ្ឋាន អាស្រ័យហេតុនេះក៏ទទួលបានការស្វាគមន៍យ៉ាងច្រើន និងកក់ក្តៅ ។ អាចនិយាយបានថា ជាការជំរុញសាកល្បងគុណភាពនៃកិច្ចទំនាក់ទំនងវប្បធម៌សិល្បៈនៃប្រទេសទាំងពីរ ហើយព្រឹត្តិការណ៍«ដំណើរចាក់បញ្ចាំងភាពយន្តឆ្នើមកម្ពុជា ចិន» ក៏កំពុងតែចូលរួមជួយផ្តល់នូវអត្ថប្រយោជន៍យ៉ាងសកម្មក្នុងកិច្ចជម្រុញផ្នែកយល់ដឹងអំពីចិន បច្ចុប្បន្នដល់ប្រជាពលរដ្ឋកម្ពុជា» ។
ចំណែកលោក ស្រី ម៉ែន សំអន ឧបនាយករដ្ឋមន្ត្រី និងជារដ្ឋមន្ត្រីក្រសួងទំនាក់ទំនងរដ្ឋសភាព្រឹទ្ធសភា និងអធិការកិច្ចបានលើកឡើងថា ចាប់តាំងពីឆ្នាំ២០១៦មក ព្រឹត្តិការណ៍«ដំណើរភាពយន្តចល័តចិន-កម្ពុជាដ៏ឆ្នើម» ដែលបានរៀបចំឡើងដោយវិទ្យុមិត្តភាពកម្ពុជាចិន ដោយសហការជាមួយនាយកដ្ឋានសិល្បៈ ភាពយន្ត និងផ្សព្វផ្សាយវប្បធម៌នៃក្រសួងវប្បធម៌ និងវិចិត្រសិល្បៈរបស់កម្ពុជាបានចាក់បញ្ជាំងអស់រយៈពេល៣ឆ្នាំជាប់ៗគ្នារួចមកហើយ ដែលបានគ្របដណ្ដប់ខេត្ត-ក្រុងចំនួន២០ នៅក្នុងប្រទេសកម្ពុជា ហើយបានចាក់បញ្ជាំងជូនបងប្អូនប្រជាជនខ្មែរជិត១០ម៉ឺននាក់ នៅតាមតំបន់នីមួយៗបានចូលរួមទស្សនា ។
សូមជម្រាបថា ព្រឹត្តិការណ៍ដំណើរភាពយន្តចល័តចិនកម្ពុជាដ៏ឆ្នើម គឺជាកម្មវិធីដែលរៀបចំធ្វើ ឡើងនៅកម្ពុជា និងរៀបចំដោយស្ថានទូតនៃសាធារណរដ្ឋប្រជាមានិតចិនប្រចាំនៅកម្ពុជា និងវិទ្យុមិត្តភាព កម្ពុជាចិននៃអគ្គស្ថានីយ៍វិទ្យុ និងទូរទស្សន៍មជ្ឈិមចិន ក្នុងគោលបំណងជំរុញឱ្យមានការផ្លាស់ប្ដូរលើវិស័យវប្បធម៌ សិល្បៈ និងភាពយន្តរវាងប្រទេសចិន និងកម្ពុជាឲ្យបានកាន់តែស៊ីជម្រៅថែមមួយកម្រិតទៀត និងពង្រឹងនូវចំណងមិត្តភាពរវាងប្រជាជននៃប្រទេសទាំងពីរ ។
ព្រឹត្តិការណ៍នេះក៏បានទទួលនូវការស្វាគមន៍យ៉ាងខ្លាំងក្លាពីសំណាក់គ្រប់ស្ថាប័នរាជរដ្ឋាភិបាលកម្ពុជា និងប្រជាជនដែលរស់នៅតាមបណ្ដាខេត្តទាំងនោះផងដែរ ។ ចាប់ពីខែវិច្ឆិកា ដល់ខែធ្នូ ឆ្នាំ២០១៩ខាងមុខនេះ ក្រុមការងារចាក់បញ្ចាំងភាពយន្តដែលសហការដោយភាគីកម្ពុជា និងចិន នឹងនាំយកនូវវីដេអូនៃពិធីដង្ហែក្បូនព្យុហយាត្រាឆ្នាំ២០១៩ និងរឿង «មួយគឺឡូម៉ែត្រចុងក្រោយ» «រឿងសួស្ដីលោកមហាសេដ្ឋី» រឿង «ដើមក្រសាំង» ។ល។ ធ្វើដំណើរទៅកាន់ខេត្តប៉ៃលិន ខេត្ត ឧត្តរមានជ័យ ខេត្តក្រចេះ ខេត្តត្បួងឃ្មុំ ខេត្តព្រៃវែង ខេត្តតាកែវ ខេត្តកំពត និងខេត្ត កណ្ដាល ដើម្បីសម្រេចឲ្យបាននូវការចាក់បញ្ចាំងខ្សែភាពយន្ត៕ កែសម្រួលដោយ ៖ សុឃាក់
ចែករំលែកព័តមាននេះ