វិធីធ្វើឲ្យកាន់តែអ្នកឆ្លាតវៃខាងផ្នែកផ្លូវអារម្មណ៍ពាក់ព័ន្ធនឹងលុយ
បរទេស ៖ ភាពឆ្លាតវៃផ្លូវអារម្មណ៍ ឬហៅថា Emotional Intelligence គឺជាសមត្ថភាពក្នុងការដឹង យល់ និងគ្រប់គ្រងអារម្មណ៍ផ្ទាល់ខ្លួន ព្រមទាំងទទួលស្គាល់…
បរទេស ៖ ភាពឆ្លាតវៃផ្លូវអារម្មណ៍ ឬហៅថា Emotional Intelligence គឺជាសមត្ថភាពក្នុងការដឹង យល់ និងគ្រប់គ្រងអារម្មណ៍ផ្ទាល់ខ្លួន ព្រមទាំងទទួលស្គាល់…
បរទេស ៖ ភាពឆ្លាតវៃផ្លូវអារម្មណ៍ ឬហៅថា Emotional Intelligence គឺជាសមត្ថភាពក្នុងការដឹង យល់ និងគ្រប់គ្រងអារម្មណ៍ផ្ទាល់ខ្លួន ព្រមទាំងទទួលស្គាល់ យល់ដឹង និងអាចជះឥទ្ធិពលលើអារម្មណ៍របស់អ្នកដទៃ។
យោងតាមលោក ចន គ្រីសស្ទៀនសាន់ (John Christianson) ដែលជាស្ថាបនិក និងនាយកប្រតិបត្តិរបស់ក្រុមហ៊ុន Highland Private Wealth Management Inc. ព្រមទាំងអ្នកនិពន្ធសៀវភៅ The Wealth Creator’s Playbook បានឲ្យដឹងថា វាពិតជាសំខាន់ណាស់សម្រាប់មនុស្សក្នុងការពិចារណាពីនិយមន័យនៃពាក្យថាភាពជោគជ័យ និងយល់ដឹងបន្ថែមពីភាពឆ្លាតវៃផ្លូវអារម្មណ៍ទាក់ទិននឹងប្រធានបទលុយ។
លោកបានផ្តល់យោបល់ឲ្យមនុស្សចាប់ផ្តើមដោយសួរខ្លួនឯងថា តើលុយដើរតួអ្វីខ្លះក្នុងផ្ទះរបស់អ្នកតាំងពីពេលអ្នកនៅក្មេង? តើមេរៀនអ្វីខ្លះដែលឪពុកម្តាយរបស់អ្នកបង្រៀនអ្នកទាក់ទិននឹងលុយ? តើបទពិសោធន៍ទាំងនោះបានជះឥទ្ធិពលលើអារម្មណ៍ និងបទពិសោធន៍របស់អ្នកទាក់ទិននឹងលុយយ៉ាងដូចម្តេចពេលដែលធំពេញវ័យ? អារម្មណ៍ ឬទស្សនៈដែលអ្នកមានលើលុយអាស្រ័យទៅលើការចងចាំពីពេលអ្នកនៅតូចៗ ហើយពេលខ្លះអ្នកដែលជួបនឹងបញ្ហាលុយភាគច្រើនគឺមកពីអតីតកាលដែលបានជះឥទ្ធិពលលើ ។
ការស្គាល់ខ្លួនកាន់តែច្បាស់ដើម្បីដឹងពីការលុយ និងអារម្មណ៍របស់អ្នកលើលុយជះឥទ្ធិពលលើបទពិសោធន៍របស់អ្នក អ្នកនឹងអាចចាប់ផ្តើមយល់ដឹងពីការឆ្លើយតបផ្សេងៗពេលដែលអ្នកជួបនឹងបញ្ហាដូចជាការព្រួយបារម្ភ អារម្មណ៍ខុសឆ្គង និងការច្រណែនឈ្នានីសអ្នកដទៃជាដើម។ លើសពីនេះទៅទៀត ការយល់ដឹងនេះនឹងជួយឲ្យអ្នកបង្កើនសមត្ថភាពក្នុងការផ្លាស់ប្តូរទស្សនៈ និងអារម្មណ៍ដែលមិនល្អទាំងនោះ។
ពេលដែលអ្នកយល់ដឹងបន្ថែមពីអតីតកាលរបស់អ្នកហើយ អ្នកអាចចែករំលែកវាបានជាមួយនៃដៃគូ ឬមិត្តភក្តិដែលអ្នកទុកចិត្ត រួចស្វែងរកចំណុចដែលតែងបង្កជាបញ្ហាដល់អ្នក និងឧស្សាហ៍រំលឹកគ្នាទៅវិញទៅមកដើម្បីជៀសវាងបញ្ហាទាំងនោះទៀត។ ឧទាហរណ៍ដូចជាការមើលឃើញមិត្តភក្តិជោគជ័យដាក់សម្ពាធឲ្យអ្នកខិតខំរកលុយទាំងមិនចូលដំណេកឬទទួលទានអាហារអាចត្រូវបានជៀសវាងបានប្រសិនបើដៃគូ ឬមិត្តភក្តិរបស់អ្នកជួយរំលឹក។ គោលដៅនៃការបង្កើនភាពឆ្លាតវៃផ្លូវចិត្តនេះគឺដើម្បីធ្វើឲ្យការប្រាស្រ័យទាក់ទងនិងយល់ចិត្តគ្នាទៅវិញទៅមកកាន់តែប្រសើរឡើងរហូតជួយដល់ការធ្វើការសម្រេចចិត្តលើរឿងលុយឲ្យកាន់តែមានប្រសិទ្ធិភាព ៕ កែសម្រួលដោយ ៖ សុឃាក់
ចែករំលែកព័តមាននេះ