រាជធានីភ្នំពេញ ៖ តាមសេចក្តីរាយការណ៍បឋមបានឱ្យដឹងថា គិតមកដល់ត្រឹមវេលាម៉ោង៣និង១០នាទីរសៀលថ្ងៃទី៤ វិច្ឆិកា ករណីបាត់ខ្លួនកូនប្រសាស្រីម្នាក់ ត្រូវបានប្តី និងក្រុមគ្រួសារអះអាងថារកមិនទាន់ឃើញនៅឡើយទេ ។ គួររំលឹកថា ឪពុកក្មេកកាន់រូបថតកូនប្រសាស្រីដើររកតាមគ្រូទាយ ក្រោយទើបរៀបការថ្មីថ្មោង
តាមប្រភពពីបុរសជាប្តីដែលអះអាងប្រាប់តាមរយៈទូរស័ព្ទបានឱ្យដឹងថា គាត់មានការសង្ស័យថា ប្រហែលជាស្ត្រីជាប្រពន្ធអាចរត់តាមប្រុសថ្មីបាត់ទៅហើយ ពីព្រោះសម្ភារៈ រួមមានខោអាវល្អៗ និងកាបូប ត្រូវបានស្ត្រីជាប្រពន្ធប្រមូលយកទៅអស់ផងដែរ ។ ទោះបីជាយ៉ាងណា គាត់មិនអស់ចិត្តនោះទេ ព្រោះស្ត្រីជាប្រពន្ធបានស្រឡាញ់គាត់ខ្លាំងណាស់ ។
តាមប្រភពពីបុរសជាប្តីបានអះអាងប្រាប់តាមទូរស័ព្ទបន្តទៀតថា គាត់បានស្វះស្វែងដើររកប្រពន្ធ និងស៊ើបសួរតាមរយៈមិត្តភក្តិអស់ហើយ គឺអត់មានទទួលបានដំណឹងអ្វីពីស្ត្រីជាប្រពន្ធឡើយ ។
បន្ទាប់ពីប្រាប់តាមរយៈទូរស័ព្ទរួច បុរសជាប្តី ព្រមទាំងក្រុមគ្រួសារក៏បានធ្វើដំណើរត្រឡប់ទៅស្រុកកំណើតវិញផងដែរ ។ ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព ៕ (កែសម្រួលដោយ ៖ ធីតា)
ចែករំលែកព័តមាននេះ