រាជធានីភ្នំពេញ ៖ នគរបាលការិយាល័យព្រហ្មទណ្ឌកម្រិតស្រាលរាជធានីភ្នំពេញ នៅថ្ងៃទី១ ខែវិច្ឆិកា បានបង្ហាញមុខក្រុមជនសង្ស័យឆក់កាបូបចំនួន៣នាក់ មុននឹងបញ្ជូនទៅកាន់សាលាដំបូងរាជធានីភ្នំពេញ ។ ជនសង្ស័យទាំង៣នាក់នេះមាន ៖…
រាជធានីភ្នំពេញ ៖ នគរបាលការិយាល័យព្រហ្មទណ្ឌកម្រិតស្រាលរាជធានីភ្នំពេញ នៅថ្ងៃទី១ ខែវិច្ឆិកា បានបង្ហាញមុខក្រុមជនសង្ស័យឆក់កាបូបចំនួន៣នាក់ មុននឹងបញ្ជូនទៅកាន់សាលាដំបូងរាជធានីភ្នំពេញ ។
ជនសង្ស័យទាំង៣នាក់នេះមាន ៖ ១-ឈ្មោះ លីន រស្មី ហៅ ស្មីតូច ភេទប្រុស អាយុ១៨ឆ្នាំ ជាសិស្ស ស្នាក់នៅផ្ទះលេខ១៦ ផ្លូវលេខ២៥៦ សង្កាត់បឹងកក់ទី២ ខណ្ឌទួលគោក ២-ឈ្មោះ ជា ម៉េងគៀង ហៅប៊ី ភេទប្រុស អាយុ១៨ឆ្នាំ ជាសិស្ស ស្នាក់នៅផ្ទះលេខ៣E ផ្លូវបេតុង សង្កាត់ទឹកថ្លា ខណ្ឌសែនសុខ និង ៣-ឈ្មោះ សុខ ឧត្តម ហៅប៉ែត ភេទប្រុស អាយុ១៦ឆ្នាំ ជាសិស្ស ស្នាក់នៅផ្ទះជួលគ្មានលេខ ផ្លូវលេខ២៧១ សង្កាត់ទឹកថ្លា ខណ្ឌសែនសុខ ។ ពួកគេត្រូវបានសមត្តកិច្ចចាប់ខ្លួនជាបន្តបន្ទាប់ ចាប់ពីថ្ងៃទី២៩ ដល់ថ្ងៃទី៣១ ខែតុលា ឆ្នាំ២០១៩ ។
លោកវរសេនីយ៍ឯក ប៊ុន សត្យា នាយការិយាល័យនគរបាលព្រហ្មទណ្ឌកម្រិតស្រាលឲ្យដឹងថា ជនសង្ស័យទាំង៣នាក់បានធ្វើសកម្មភាពឆក់កាបូបស្ពាយលោកស្រីក្រឡាបញ្ជីតែមិនបានសម្រេច បណ្តាលឲ្យជនរងគ្រោះដួលម៉ូតូនិងរងរបួស ប្រព្រឹត្តនៅមុខយានដ្ឋាន T.C AUTO CAR ផ្លូវលេខ៥៩៨ ភូមិទំនប់ សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ កាលពីថ្ងៃទី៣០ ខែកក្កដា ឆ្នាំ២០១៩ វេលាម៉ោងប្រហែល២និង៣៥នាទីរសៀល ។
ជនរងគ្រោះឈ្មោះ សាន សាក់នី ជាក្រឡាបញ្ជីសាលាដំបូងរាជធានីភ្នំពេញ មានទីលំនៅផ្ទះលេខ២D ផ្លូវលេខ១៩៥៨ ភូមិទំនប់ សង្កាត់ភ្នំពេញថ្មី ខណ្ឌសែនសុខ ។ ក្រោយពីកើតមានអំពើឆក់កាបូបលោកស្រីក្រឡាបញ្ជីសាលាដំបូងរាជធានីភ្នំពេញនោះ នគរបាលជំនាញបានធ្វើការស្រាវជ្រាវតាមកាមេរ៉ាសាធារណៈដែលបំពាក់តាមដងផ្លូវ ក៏ឈានដល់ការឃាត់ខ្លួនជនសង្ស័យជាបន្តបន្ទាប់ ៕
ចែករំលែកព័តមាននេះ