រាជធានីភ្នំពេញ ៖ បើតាមសេចក្តីរាយការណ៍បឋមបានឱ្យដឹងថា ប្រជាការពារបានប្រទះឃើញទារកទើបនឹងកើតម្នាក់នៅជាប់ទាំងទងផ្ចិតផង ដែលត្រូវបានឪពុកម្តាយច្រកថង់ យកទៅទុកចោលនៅគំនរសំរាម បង្កឲ្យមានការភ្ញាក់ផ្អើលកាលពីម៉ោង9និង50នាទីយប់ ថ្ងៃទី3 ខែវិច្ឆិកា ឆ្នាំ2019…
រាជធានីភ្នំពេញ ៖ បើតាមសេចក្តីរាយការណ៍បឋមបានឱ្យដឹងថា ប្រជាការពារបានប្រទះឃើញទារកទើបនឹងកើតម្នាក់នៅជាប់ទាំងទងផ្ចិតផង ដែលត្រូវបានឪពុកម្តាយច្រកថង់ យកទៅទុកចោលនៅគំនរសំរាម បង្កឲ្យមានការភ្ញាក់ផ្អើលកាលពីម៉ោង9និង50នាទីយប់ ថ្ងៃទី3 ខែវិច្ឆិកា ឆ្នាំ2019 តាមបណ្តោយផ្លូវ907 នៅចំណុចជាប់នឹងរបងបឋមសិក្សាទួលសង្កែ ស្ថិតនៅក្នុងសង្កាត់ទួលសង្កែ១ ខណ្ឌឬស្សីកែវ ។
បើតាមតាមប្រភពពីប្រជាការពារសង្កាត់ទួលសង្កែ1 បានឱ្យដឹងថា មុនពេលកើតហេតុ នៅវេលាម៉ោង8យប់ មានអ្នករស់នៅក្បែរនឹងកន្លែងកើតហេតុប្រាប់ថា មានក្មេងៗដើររើសសំរាមបានប្រទះឃើញក្នុងគំនរសំរាមមានទារកប្រឡាក់សុទ្ធតែឈាម និងមានជាប់ទាំងទងផ្ចិត ហើយត្រូវគេច្រកក្នុងថង់ពណ៌ស ធ្វើឲ្យភ្ញាក់ផ្អើលដល់ប្រជាការពារ និងបងប្អូនប្រជាពលរដ្ឋនាំគ្នាលើកមកមើល ប៉ុន្តែជាអកុសលទាករនោះបានស្លាប់បាត់ទៅហើយ ដោយមិនដឹងថា ទារកខាងលើនេះត្រូវបានម្តាយបង្កើតមកស្លាប់ ឬក៏កើតមកហើយយកមកបោះចោលក្នុងថង់រហូតដល់ស្លាប់ ឬក៏បែបណាទេ ។
ក្រោយពេលកើតហេតុ សមត្ថកិច្ច រួមជាមួយបងប្អូនប្រជាពលរដ្ឋនាំគ្នាលើកសពទារកយកបូជានៅវត្តទួលសង្កែតែម្តង ។ (កែសម្រួលដោយ ៖ បុប្ផា)
ចែករំលែកព័តមាននេះ