ខេត្តកំពង់ស្ពឺ ៖ រណ្តៅដីអត់ច្បាប់មួយកន្លែង បានបើកដំណើរការកាយយកអាចម៍ដីរាល់ថ្ងៃ ដោយពុំមានការរំខានដល់អស់លោកជំនាញរ៉ែបន្តិចណាឡើយ ដោយសារតែរណ្តៅដីនោះ ត្រូវបានប្រភពប្រាប់ថា មានមន្ត្រីការិយាល័យស្រុកសំរោងទងនៃមន្ទីធនធានរ៉ែមួយរូបជាអ្នកកាងពីក្រោយ ។ រណ្តៅដីសង្ស័យម៉ាងច្បាប់នោះ…
ខេត្តកំពង់ស្ពឺ ៖ រណ្តៅដីអត់ច្បាប់មួយកន្លែង បានបើកដំណើរការកាយយកអាចម៍ដីរាល់ថ្ងៃ ដោយពុំមានការរំខានដល់អស់លោកជំនាញរ៉ែបន្តិចណាឡើយ ដោយសារតែរណ្តៅដីនោះ ត្រូវបានប្រភពប្រាប់ថា មានមន្ត្រីការិយាល័យស្រុកសំរោងទងនៃមន្ទីធនធានរ៉ែមួយរូបជាអ្នកកាងពីក្រោយ ។
រណ្តៅដីសង្ស័យម៉ាងច្បាប់នោះ ស្ថិតនៅភូមិព្រៃតាអូក ឃុំរកាកោះ ស្រុកគងពិសី ខេត្តកំពង់ស្ពឺ ។ ម្ចាស់រណ្តៅនោះ មិនត្រូវបានស្គាល់ឡើយ គឺគេស្គាល់តែមន្ត្រីរ៉ែមួយរូបឈ្មោះមិញ ថៃ ជាអ្នក ។ ប្រភពបាន ឱ្យដឹងថា រណ្តៅនេះមិនទាន់មានច្បាប់អនុញ្ញាតនោះទេ តែដោយសារតែលោកមិញ ថៃ ជាអ្នកចេញមុខធានាអះអាងទើបឈ្មួញហ៊ានយកគ្រឿងចក្រទៅកាយយកអាចម៍ដីដឹកតាមរថយន្តយីឌុបទាំងឡានៗយកទៅលក់តាមអំពើចិត្ត ដោយមិនខ្វល់ពីការបង់សួយសារដល់រដ្ឋឡើយ ។
បើតាមប្រជាពលរដ្ឋរស់នៅជិតនោះបានប្រាប់ថា កាលពីប៉ុន្មានថ្ងៃមុន គេឃើញមន្ត្រីមន្ទីររ៉ែមួយក្រុមចុះទៅផ្អាកកម្មភាពកាយដីល្មើសច្បាប់នេះដែរ តែនៅពេលដែលមន្ត្រីចេញផុតទៅវិញអស់ទៅ ស្រាប់តែឈ្មួញបានយកគ្រឿងចក្រមកកាយដី ហាក់ដូចជាគ្មានរឿងអ្វីកើតឡើងអុីចឹង ។
ប្រភពបន្តថា ការដែលឈ្មួញហ៊ានយកគ្រឿងចក្រ មកកាយដីដោយគ្មានច្បាប់បែបនេះដោយសារតែថៅកែដីមានសម្ព័ន្ធភាពជិតស្និទ្ធិជាមួយលោកមិញ ថៃ ប្រធានការិយាល័យធនធានរ៉ែស្រុកសំរោងទង ទើបឈ្មួញហ៊ានប្រព្រឹត្តល្មើសបែបនេះ ។
មន្ត្រីនៃមន្ទីរ៉ែមួយរូបបានបញ្ជាក់ប្រាប់ថា បើរឿងនេះពិតដូចការលើកឡើងមែន មន្ត្រីរូបនោះប្រាកដជាមានកំហុស ត្រូវធ្វើតាមវិន័យរដ្ឋបាល ។ កន្លងមក ក្រុមការងារមន្ទីរធ្លាប់បានចុះទៅផ្អាកសកម្មភាពកាយដីនេះដែរ ដោយធ្វើកំណត់ហេតុណែនាំអោយម្ចាស់ទីតាំងត្រូវសុំច្បាប់អនុញ្ញាតឱ្យត្រឹមត្រូវទើបអាចដំណើរការបាន ។
ពាក់ព័ន្ធ ករណីលោកមិញ ថៃ ប្រធានការិយាល័យធនធានរ៉ែស្រុកសំរោងទង ទៅកាងអោយការកាយដីនៅស្រុកគងពិសីនេះដែរ ភ្នាក់ងារយើងមិនអាចសុំការបំភ្លឺពីលោកមិញ ថៃ បានឡើយ ។
ព័ត៌មានពិស្តារមានផ្សាយនៅកាសែតកោះសន្តិភាព ។
ចែករំលែកព័តមាននេះ