មនុស្សគ្រប់គ្នាគួរតែដឹងពីរបៀបធ្វើយ៉ាងណាច្រោះជាតិពុលពីក្នុងខ្លួន។ ការច្រោះជាតិពុលនឹងជួយបណ្តេញជាតិពុលពីរាងកាយដែលវាតែងតែរំខានដល់ការបឺតស្រូបជីវជាតិ។ សារធាតុបង្កមហារីកក៏អាចបណ្តេញចេញពីរាងកាយតាមរយៈការច្រោះជាតិពុលនេះដែរ។
ការដុះខ្លាញ់ក្បាលពោះមានទំនាក់ទំនងជាមួយនឹងជំងឺទឹកនោមផ្អែម លើសសម្ពាធឈាម និងជំងឺបេះដូងសរសៃឈាម។ ការសិក្សាមួយចំនួនបានបញ្ជាក់អំពីទំនាក់ទំនងរវាងខ្លាញ់ក្បាលពោះ និងជំងឺទឹកនោមផ្អែមប្រភេទទី២។ យោងទៅតាមការសិក្សាមួយដែលចុះផ្សាយក្នុងសារព័ត៌មាន Journal Health Magazine បានឱ្យដឹងថា ការដុះខ្លាញ់ក្បាលពោះច្រើនពេកអាចបណ្តាលឱ្យខ្សោយបេះដូងភ្លាមៗតែម្តង។
បើសិនជាអ្នកចង់សម្រកខ្លាញ់ក្បាលពោះ អ្នកពិតជាត្រូវការហាត់ប្រាណទៀងទាត់ និងញ៉ាំអាហារផ្តល់សុខភាពជាមិនខាន។ ប៉ុន្តែខាងក្រោមនេះ ខ្ញុំនឹងបង្ហាញអំពីគ្រឿងផ្សំដើម្បីបង្កើតបានជាភេសជ្ជៈមួយដ៏អស្ចារ្យ និងមានប្រសិទ្ធភាពបំផុតក្នុងការរំលាយជាតិខ្លាញ់ទៅតាមបំណងប្រាថ្នារបស់អ្នក។
គ្រឿងផ្សំ៖
១- ក្រូចឆ្មាមួយចំហៀង
២- ត្រសក់មួយផ្លែ
៣- ខ្ញីកញ្ច្រាំរួច ១ស្លាបព្រាបាយ
៤- ជីវ៉ាន់ស៊ុយមួយបាច់
៥- ទឹក ៤១,៥មីលីលីត្រ
ចូរដាក់គ្រឿងផ្សំទាំងអស់ចូលក្នុងម៉ាស៊ីនកិនទឹកក្រឡុក រួចកិនវាឲ្យម៉ត់ល្អ។ ចូរញ៉ាំទឹកក្រឡុកមួយនេះជារៀងរាល់យប់មុនពេលចូលគេង ដូច្នេះអ្នកនឹងទទួលបានលទ្ធផលយ៉ាងលឿនបំផុត (ប្រភពពី៖ Health.com.kh)៕ (កែសម្រួលដោយ ៖ បុប្ផា)
ចែករំលែកព័តមាននេះ