រាជធានីភ្នំពេញ ៖ សេចក្តីរាយការណ៍បឋមបានឲ្យដឹងថា បុរសម្នាក់បើករថយន្តដឹកជីមួយគ្រឿងយកទៅតាមបណ្តាខេត្តបើកក្នុងល្បឿនលឿនរេចង្កូតទៅបុកផ្ទះប្រជាពលរដ្ឋ៣ល្វែងបណ្តាលឲ្យរងការខូចខាត តែសំណាងល្អហើយ ដែលមិនមានអ្នករងរបួសដល់មនុស្សនោះ ដែលហេតុការណ៍នេះបានកើតឡើង កាលពីវេលាម៉ោង២និង១៥នាទីរំលងអធ្រាត្រឈានចូលថ្ងៃទី០២ ខែវិច្ឆិកានេះ តាមបណ្តោយផ្លូវជាតិលេខ៦…
រាជធានីភ្នំពេញ ៖ សេចក្តីរាយការណ៍បឋមបានឲ្យដឹងថា បុរសម្នាក់បើករថយន្តដឹកជីមួយគ្រឿងយកទៅតាមបណ្តាខេត្តបើកក្នុងល្បឿនលឿនរេចង្កូតទៅបុកផ្ទះប្រជាពលរដ្ឋ៣ល្វែងបណ្តាលឲ្យរងការខូចខាត តែសំណាងល្អហើយ ដែលមិនមានអ្នករងរបួសដល់មនុស្សនោះ ដែលហេតុការណ៍នេះបានកើតឡើង កាលពីវេលាម៉ោង២និង១៥នាទីរំលងអធ្រាត្រឈានចូលថ្ងៃទី០២ ខែវិច្ឆិកានេះ តាមបណ្តោយផ្លូវជាតិលេខ៦ នៅចំណុចស្ពានទី៨ ស្ថិតនៅក្នុងភូមិក្តីចាស់ សង្កាត់បាក់ខែង ខណ្ឌជ្រោយចង្វារ ។
សាក្សីដែលឃើញហេតុការណ៍បានឲ្យដឹងថា មុនពេលកើតហេតុគេបានឃើញបុរសម្នាក់ជាតៃកុងរថយន្តដឹកជីមិនស្គាល់អត្តសញ្ញាណ បើករថយន្តមួយគ្រឿងហ៊ីយ៉ាន់ដាយ ពណ៌ស ពាក់ស្លាកលេខតាកែវ 3A-1851 បើកបរតាមបណ្តោយផ្លូវជាតិលេខ៦ ក្នុងទិសដៅពីត្បូងទៅជើង ខណៈពេលបើកមកដល់ចំណុចកើតហេតុខាងលើនេះ ដោយសារតែរថយន្តបង្កបើកក្នុងល្បឿនយ៉ាងលឿនដូចហោះ តែកុងរថយន្តងោកមួយភាំងទើបរេចង្កូតទៅស្តាំដៃបុកដើមខ្នុរបាក់អស់មួយដើម និងបុករបងផ្ទះ និងដំបូលផ្ទះស័ង្កសីរបស់ប្រជាពលរដ្ឋ បណ្តាលឲ្យខូចខាតអស់៣ល្វែងជាប់គ្នា យ៉ាងដំណំហើយថែមទាំងស្លាកយីហោដែលម្ចាស់ផ្ទះទើបតែធ្វើទុកបើកហាងអ៊ុតសក់ លក់ភេសជ្ជៈថែមទៀត ។
ចំណែកឯរថយន្តបង្កវិញ រងការខូចខាតបែកកញ្ចក់មុខ សំណាងល្អហើយ ដែលរថយន្តបង្កបុកចំដើមខ្នុរ និងបានលូទប់ជាប់ បើអត់មានអីទប់នោះទេមិនដឹងថា បុកចូលផ្ទះដែលម្ចាស់ផ្ទះកំពុងតែសម្រាកយ៉ាងលង់លក់នោះស្លាប់ប៉ុន្មាននាក់នោះទេ ភ្លាមៗនោះដែររថយន្តបង្កបានទូរស័ព្ទហៅថៅកែរបស់គាត់ឲ្យមកជួយដោះស្រាយជាមួយម្ចាស់ផ្ទះផងដែរ ។
ក្រោយពេលកើតហេតុខាងលើនេះខាងតំណាងម្ចាស់រថយន្តបង្កគាត់សុខចិត្តធានាជួសជុលឲ្យម៉ាស្អាតដូចដើមវិញ ៕ កែសម្រួលដោយ ៖ សុឃាក់
ចែករំលែកព័តមាននេះ