ខេត្តបន្ទាយមានជ័យ ៖ ជនសង្ស័យម្នាក់ត្រូវអ្នកស្រុកដេញតាម និងព័ទ្ធចាប់បានរួចស្វាគមន៌ម្នាក់១ដៃម្នាក់១ជើងបន្ទាប់ពីធ្វើសកម្មភាពឆក់ទូរស័ព្ទដៃរបស់នារីម្នាក់រួចបើកម៉ូតូរត់ ។ ករណីនេះកើតឡើងកាលពីយប់ថ្ងៃទី១ ខែវិច្ឆិកា ឆ្នាំ២០១៩ នៅបណ្តោយផ្លូវបេតុងមួយ ក្នុងភូមិក្បាលស្ពាន១…
ខេត្តបន្ទាយមានជ័យ ៖ ជនសង្ស័យម្នាក់ត្រូវអ្នកស្រុកដេញតាម និងព័ទ្ធចាប់បានរួចស្វាគមន៌ម្នាក់១ដៃម្នាក់១ជើងបន្ទាប់ពីធ្វើសកម្មភាពឆក់ទូរស័ព្ទដៃរបស់នារីម្នាក់រួចបើកម៉ូតូរត់ ។ ករណីនេះកើតឡើងកាលពីយប់ថ្ងៃទី១ ខែវិច្ឆិកា ឆ្នាំ២០១៩ នៅបណ្តោយផ្លូវបេតុងមួយ ក្នុងភូមិក្បាលស្ពាន១ សង្កាត់-ក្រុងប៉ោយប៉ែត ។
ជនសង្ស័យឈ្មោះ ឃុន លីហៀង ភេទប្រុស អាយុ២៨ឆ្នាំ មុខរបររត់ម៉ូតូឌុប និងមានទីលំនៅភូមិក្បាលស្ពាន២ សង្កាត់កើតហេតុ ។
ប្រភពប្រាប់ថា មុនកើតហេតុជនសង្ស័យបានជិះម៉ូតូ១គ្រឿងមកពីទិសខាងលិចលុះដល់ចំណុចកើតហេតុក៏ធ្វើសកម្មភាពឆក់ទូរស័ព្ទដៃម៉ាក iPhon X ពណ៌ស មួយគ្រឿងពីនារីម្នាក់ដែលកំពុងជិះម៉ូតូស្របទិសរួចបន្ថែមល្បែនបើករត់ ។
ប្រភពបន្តថា ក្នុងហេតុការណ៌នោះនារីរងគ្រោះបានបើកម៉ូតូប្រដេញដូចរឿងកុន និងបានស្រែកឆោឡោថា«ចោរៗៗ»ទើបអ្នកស្រុកជួយដេញតាមហើយព័ទ្ធចាប់បានចំណុចផ្លូវលំមួយដែលពិបាកបើកបរក្នុងភូមិបាលិលេយ្យ២ ហើយអ្នកស្រុកបានស្វាគមន៌ជនសង្ស័យម្នាក់១ដៃ១ជើងជាកាព្រមានបន្ទាប់មកក៏ប្រគល់ឲ្យនគរបាលក្រុងប៉ោយប៉ែតយកទៅសាកសួរបន្ត ខណៈនារីរងគ្រោះក៏យកទូរស័ព្ទពីជនសង្ស័យបានវិញដែរ ។
អធិការនគរបាលក្រុងប៉ោយប៉ែតលោកវរសេនីយ៌ឯក ធិន ស៊ិនដេត ប្រាប់កោះសន្តិភាពថា ក្រោយសាកសួរ និងកសាងសំណុំរឿងបញ្ជូនជនសង្ស័យ និងវត្ថុតាង(ម៉ូតូជិះធ្វើសកម្មភាព)ទៅស្នងការដ្ឋាននគរបាលខេត្តដើម្បីចាត់ការបន្តតាមនីតិវិធី ៕
កែសម្រួលដោយ ៖ សំណាង
ចែករំលែកព័តមាននេះ