ខេត្តបន្ទាយមានជ័យ ៖ បុរសម្នាក់មិនដឹងថា មានវិបត្តអ្វីឆក់កូនកាំបិតពីតូបលក់ប្រហិតមួយចាក់ខ្លួនឯងរងរបួសបង្កភ្ញាក់ផ្អើលទាំងកណ្តាលថ្ងៃ ។ ហេតុការណ៌ខាងលើកើតឡើងនៅរសៀលថ្ងៃទី២ ខែវិច្ឆិកា ឆ្នាំ២០១៩ ក្នុងទឹកដីកាស៊ីណូមួយ ក្នុងភូមិក្បាលស្ពាន1 សង្កាត់-ក្រុងប៉ោយប៉ែត ។
កូនកាំបិតដ៏មុតស្រួចបានដោតជាប់ពោះជនរងគ្រោះមើលទៅពិតជាគួរឲ្យខ្លាចហើយត្រូវបានគេដឹកតាមរថយន្តរបស់គ្រួសារចិត្តធម៌តែងជួយដឹកជនរងគ្រោះទាំងយប់ទាំងថ្ងៃនោះទៅកាន់មន្ទីរពេទ្យ ។ យ៉ាងណាក៏ដោយជនរងគ្រោះគេមិនទាន់ស្គាល់អត្តសញ្ញាណនៅឡើយទេហើយក៏មិនទាន់ដឹងពីមូលហេតុនោះដែរ ។
បើតាមបុរសឈ្មោះ សួ វណ្ណៈ អាយុ39ឆ្នាំ ប្រពន្ធឈ្មោះ ផាត សុខុន អាយុ39ឆ្នាំ ជាម្ចាស់តូបលក់ប្រហិតក្បែរកន្លែងកើតហេតុប្រាប់ថា ពេលកើតហេតុពួកគាត់មិនបាននៅកន្លែងទេគឺរវល់ទៅជញ្ជូនឥវ៉ាន់តែកូនស្រីគាត់ប្រាប់ថា ឃើញជនរងគ្រោះនេះដេកលើចិញ្ចើមផ្លូវតាំងពីព្រឹកមកម៉្លេះ ៕
ចែករំលែកព័តមាននេះ