មកដល់ឆាប់ៗ! ឱកាសការងារពី ប្រាសាក់ ដែលជានិយោជកនៃជម្រើស ក្នុងពិព័រណ៍ការងារ និងផលិតភាពជាតិឆ្នាំ ២០១៩
- ភ្នំពេញ
ប្រាសាក់មានសេចក្តីរីករាយសូមជម្រាបជូនថា នៅថ្ងៃទី ២ និងទី ៣ ខែវិច្ឆិកា ឆ្នាំ ២០១៩ ខាងមុខនេះ ប្រាសាក់…
ប្រាសាក់មានសេចក្តីរីករាយសូមជម្រាបជូនថា នៅថ្ងៃទី ២ និងទី ៣ ខែវិច្ឆិកា ឆ្នាំ ២០១៩ ខាងមុខនេះ ប្រាសាក់ ដែលជាគ្រឹះស្ថានហិរញ្ញវត្ថុដ៏ធំជាងគេនៅកម្ពុជា និងជានិយោជកនៃជម្រើស នឹងចូលរួមក្នុងព្រឹត្តិការណ៍ពិព័រណ៍ការងារ និងផលិតភាពជាតិ ឆ្នាំ ២០១៩ នៅមជ្ឈមណ្ឌលសន្និបាតនិងពិព័រណ៍កោះពេជ្រ ចាប់ពីម៉ោង ៨ ព្រឹក រហូតដល់ម៉ោង ៨ យប់ ដើម្បីចែករំលែកបទពិសោធន៍ និងផ្តល់ឱកាសការងារជាច្រើនមុខតំណែងដល់និស្សិត និងបេក្ខជនដែលកំពុងស្វែងរកការងារធ្វើ ។
សូមបញ្ជាក់ថា ប្រាសាក់ ជាគ្រឹះស្ថានហិរញ្ញវត្ថុដែលមានបទដ្ឋានការងារច្បាស់លាស់ បរិយាកាសការងារល្អ ទទួលបានអត្ថប្រយោជន៍ច្រើន ធ្វើការនៅជិតផ្ទះ អាចអភិវឌ្ឍ និងបង្កើនសមត្ថភាពខ្លួន ផ្តល់និរន្តរភាពការងារយូរអង្វែង ជាពិសេសទៅទៀតនោះគឺគោរពតាមច្បាប់ការងារនៃព្រះរាជាណាចក្រកម្ពុជា ។
នៅក្នុងកម្មវិធីនេះ បេក្ខជនទាំងអស់អាចដាក់ពាក្យ និងទទួលបានការប្រឹក្សាអំពីអាជីពការងារ ជាមួយក្រុមការងារជ្រើសរើសបុគ្គលិករបស់ប្រាសាក់ បានភ្លាមៗដោយភាពរាក់ទាក់ និងស្និទ្ធស្នាលបំផុត ។
ឱកាសការងារជាច្រើនមុខតំណែងដែល ប្រាសាក់ កំពុងផ្ដល់ជូនសម្រាប់បម្រើការងារនៅសាខាទាំង ២៥ ខេត្ត-រាជធានី ៖
១ • បេឡាធិការ
២ • មន្ត្រីឥណទាន
៣ • មន្ត្រីឥណទានសហគ្រាសខ្នាតតូច និងមធ្យម
៤ • មន្ត្រីរដ្ឋបាលកម្ចី
៥ • មន្ត្រីបម្រើសេវាអតិថិជន
៦ • បុគ្គលិកផ្នែកលក់ និងទីផ្សារ
៧ • បុគ្គលិកផ្នែកហិរញ្ញវត្ថុ
៨ • បុគ្គលិកផ្នែកសវនកម្ម
៩ • បុគ្គលិកផ្នែកព័ត៌មានវិទ្យា
១០ • បុគ្គលិកផ្នែកសេវាធនាគារ
១១ • បុគ្គលិកផ្នែកធនធានមនុស្ស
១២ • បុគ្គលិកផ្នែកគ្រប់គ្រងហានិភ័យ
១៣ • បុគ្គលិកផ្នែកប្រព័ន្ធធនាគារស្នូល
១៤ • បុគ្គលិកស្ម័គ្រចិត្ត ។
ដូច្នេះ សូមកុំខកខានឱកាសដ៏ល្អនេះ! សូមត្រៀម CV ដោយទាញយកទម្រង់ស្នើសុំបម្រើការងារ តាមរយៈ https://www.prasac.com.kh/kh/careers/online-application-form ដើម្បីដាក់ពាក្យបម្រើការងារជាមួយ ប្រាសាក់ នៅពិព័រណ៍ការងារ និងផលិតភាពជាតិ នៅថ្ងៃទី ២ និងទី ៣ ខែវិច្ឆិកា ឆ្នាំ ២០១៩ ខាងមុខនេះ ។
គិតត្រឹមត្រីមាសទី ៣ ឆ្នាំ ២០១៩ នេះ ប្រាសាក់មានបុគ្គលិកសរុបប្រមាណជា 9,000 នាក់ ក្នុងមុខតំណែង និងជំនាញផ្សេងៗគ្នាជាច្រើន និងកំពុងប្រតិបត្តិការទូទាំងកម្ពុជា ៕ ដោយសហការ (កែសម្រួលដោយ ៖ បុប្ផា)
ចែករំលែកព័តមាននេះ